2Samiɛl 7:24 - BII BILA

²⁴ Nɔm Mɛlɛka siinguu Israɛlla vanaa nɔmnda le fɛɛn a fɛɛn ni, nɔm siŋnun Hala ndaa ni.

2Samiɛl 7:24 Referans Kwoze

Tɔŋ miingua 26:18

Mí Mɛlɛka dimi hau maa la vanin vanaa ndɔa, maa mɛɛ ndu pila dimul niaa ndi yɛ, maa la biinin tɔŋnda ndɔlan kpow,

1Piɛr 2:10

Niaa ve paandu vanaa ndɔ le, kɛ hau nin, la siŋnun yungu Hala-o, ɲíí ve paandu le niaa le, kɛ hau nin la sɔla ɲííye tuinɔnndo.

Nsaŋ 1:12

Kɛ nduyɛ, vanaa cɛl ndu-a kpow, a laalan o diola ndɔlan-nda, mó ke nda dio le siŋnɔnndo cuavaa Hala-a.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Condii lisai 48:14

La mɛɛndian-ndɔ kpakila ndɔlan, mì la tofa fondala ndɔla mayoomulan ɲɛkɛndɛi, le vanaa hun vialunnin-nda dimullo

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Yeremi 32:38

A muungunin mà siŋnun vanaa nia, mì ya i va Hala ndaa.

Yeremi 31:1

Diom Mɛlɛka soo-o co hoo ni aa: «Paale vanin mì siŋnun Hala yungula Israɛlla kpow, mì nda siŋnun vanaa nia.»

1Dɛnnda lemasalan 17:22

Nɔm Mɛlɛka siinguu Israɛlla vanaa nɔmnda le fɛɛn a fɛɛn ni, mí nɔm siŋnun Hala ndaa.

2Samiɛl 7:23

Ɔ́ɔ̀ vanaa-mangalaa-isɔaa co maa yungu nɔmndo o lɛŋnden nden coo-a, Israɛlla pɛɛn? Ɔ́ɔ̀ vanaa-mangalaa-isɔaa halaa ndaa kɔ soli o cɛlen nin, má siinguu nda vanaa ndaa, má ke nda diolan-nda? Nɔm, a tosa dɛnnda bɛndulan le Israɛlla, a tosa dɛnnda kpúlúnkùmalan le lɛŋnde nɔmnden Israɛlaa kan o hɔl, a n soli o cɛlen nin Esipte vanaa-mangalaa-isɔaa kan a halaa ndaa o ba-a pɛɛn.

Tɔŋ miingua 27:9

Mí Moise nda leviaa-solia-lasálàá a dimul Israɛlla kpow aa: «Israɛlla, la mei-yɔ kpili mì la yaŋ nilan! La cùù hau siŋnɔn yungu co le Mɛlɛka Hala niaa-o.

Fulaa 15:2

Mɛlɛka co yoomuma nian a vana ya lisà-o ni. Ndu yɔŋnun vana ciindiaa nuu ni. Ndu co Hala nuu ni, i lisanin ndu. Ndu co Hala fuɲa nuu ni, i sangalanin ndu.

Fulaa 6:7

I co niaa cua mì la va yungu nuu, mì ya i va Hala niaa. O kon niaa sinanin ni maa ya co Mɛlɛka ni, Hala niaa pɛɛn, maa ya co niaa soli o sanga lepɔtɔllo nin Esipte ni.

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

Tɔŋ miingua 32:6

Vɛ̀ɛ̀ nuaa vana tosa a Mɛlɛka ni? Éé niaa, la co diɔmaa bɛndu! La kindu lakɔl te few! O co macoaa fuɲa niaa le o co le? Vɛ̀ɛ̀ o co ndu le cɔw niaa le? O co ndu le toosiaa niaa mó kɛsi niaa le?

2Samiɛl 7:25

Sisa yɛ niko Mɛlɛka Hala, peelu sɔɛi n soo a ya vana nɔm baalaa a á cɛi nuu o kɔɔ-e le lɔ́ɔ́-lɔ́ɔ̀, mà tosa mɛɛ n dimi yɛ.