2Samiɛl 7:23 - BII BILA

²³ Ɔ́ɔ̀ vanaa-mangalaa-isɔaa co maa yungu nɔmndo o lɛŋnden nden coo-a, Israɛlla pɛɛn? Ɔ́ɔ̀ vanaa-mangalaa-isɔaa halaa ndaa kɔ soli o cɛlen nin, má siinguu nda vanaa ndaa, má ke nda diolan-nda? Nɔm, a tosa dɛnnda bɛndulan le Israɛlla, a tosa dɛnnda kpúlúnkùmalan le lɛŋnde nɔmnden Israɛlaa kan o hɔl, a n soli o cɛlen nin Esipte vanaa-mangalaa-isɔaa kan a halaa ndaa o ba-a pɛɛn.

2Samiɛl 7:23 Referans Kwoze

Tɔŋ miingua 10:21

Ndu co vana niaa bɛnda le lisaa-o ni, ndu co Hala niaa ni. Ndu tosa kaamaalan a sɔɔn kpúlúnkùman bɛndun niaa ce-on le niaa ni.

Tɔŋ miingua 9:26

Mí tɛɛlun Mɛlɛka, mí dimi aa: ‹A yandi, Maalii, Mɛlɛka, tɛɛmbuu vanaa nɔmnda le, kɛ́ nɔmndo pɛɛn, a n baŋa a masale nɔmnden má soli nda o lɛŋnde Esipte nin a ba nɔm kpaayaa-a.

Condii lisai 147:20

O cɔm ndɔ vanaa celen ɲɛ vaa lende lɔ́ɔ́-lɔ́ɔ̀ le, a sina tɔŋnda ndɔlan te. La lisa Mɛlɛka!

Condii lisai 111:9

O tosa mí vanaa ndɔa sɔla baŋaa, mó yiilu nda kpema fɛɛn-fɛɛndo. Mɛlɛka dendu, vana lakaamaa o co ni.

Nehemi 1:10

Nduyɛ, vannda ha, vanaa nɔmaa baalaa, a yungu nɔmndo nda co ni, à n baŋa a yoomuma nɔmndan a á ba nɔm kpaayaa-a.

Tɔŋ miingua 33:29

Duaa co le niaa, niaa Israɛlla. Kani vana-vana siiman a niaa le. Vanaa Mɛlɛka ciindiaa-a niaa co ni, ndu co kɔ̀ɔ̀ cɔw co niaa manda-o ni, ndu co vɛlɛ mɔɛi cɔvii cɔlɔba le niaa-e ni. Yaamɔaa niaa sangalanin niaa, kɛ niaa la helnin o fondala yesalan coo o lɛŋnde ndalen nin.»

Tɔŋ miingua 15:15

La loonun maa niaa pila bɛɛ cɛa niaa yɔŋnun o lɛŋnde Esipte len nin ni, kɛ mí Mɛlɛka Hala niaa baŋa niaa, mó soli niaa lon. Le kɔlɔ kon ya yɔngu niaa hau tɔŋndo ho ni.

Esekiɛl 20:9

Kɛ mí tosa ɲɛ pum le diola nilan, yɔŋii la tambu vanaa-mangalaa-isɔɔa nda va tɛɛn-nda o hɔl, kani vanaa-mangalaa-isɔaa kan o hɔl yáà cɔmnun Israɛlla le nda solio o lɛŋnde Esipte len nin ni.

Condii lisai 40:5

Dɛnɛ kɛndɔɔ co le vana co Mɛlɛka tiindanndo-o, o sɔɔnguu vanaa yongaa a vanaa lacòòvaa ikɛi loo.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

Condii lisai 145:6

Vannda soaanin a kpaaya bɛndu n nɔ-o o kɔɔ, mì ya koni cɔm dɛnnda bɛndula n tosa lan.

Condii lisai 65:5

Dɛnɛ kɛndɔɔ co le vanaa n hɛli má sɔɔngun ikɛi le calle o nɔm ndo cɛinin-nda. N pumnin dɛnɛ kɛndɛ co o nɔm ndo cɛinin-ndo, ó co o Cɛi-Diandaa nɔmndo nin-ndo pɛɛn.

1Dɛnnda lemasalan 17:21

Nduyɛ, vanaa celen co vɛlɛ o lɛŋnden nden coo maa Israɛlla le. Nɔm kɔ baŋa nda Esiptea o ba ni, má siinguu nda vanaa nɔmnda. Nɔm Hala, a fula tɔ́ɔ́ taw a dɛnnda kɔndɔfiltan a á kaamaala n tosa le vanaa-mangalaa-isɔɔa tovɔɔ vanaa nɔmnda laci lan.

Yosue 7:9

Kanannda a vanaa celeŋaa co o lɛŋnden nden nin-nda co sɔɛi he tueyɔ̀ɔ̀ mà mɔsɔŋian, mà hun tiila naa, mà cii naa o lepilɔɔ. Te i tosan yɛ pɛ lende, vɛ̀ɛ́ n yɔŋ yɛnin le diola nɔmnda bɛndulan?»

Fulaa 12:12

Icɔl kon, i keinin o lɛŋnde Esipte len tɛɛn, mì poaa tasea a cɔlua piaandua tasea Esipte kpede a sɔla piɔ́mndo, kandɔɔ a poaa tasea vanndacieea, kɔlan tiiyaa a cɔlua piaandua tasea cɔlua kom-nda. Mɛɛ nuaa ya kialunin halaa nda co sooloo Esipte-a iyama ni. Ya co Mɛlɛka ni.

Fulaa 9:16

Kɛ o mɛi nɔm yoomu le nɔm kpaaya ndɔɔ cɔmndo a le tɔ́ɔ́ ndɔɔ sɛŋio o lɛŋnden coo kpow.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Condii lisai 66:3

La dimul Hala aa: «Dɛnnda nɔmndan la co bɔɔ dɛnnda kaamaala bɛndu! Le kpaaya nɔm bɛndoo, yaamɔaa nɔmnda co nɔm lisaa

Condii lisai 106:22

o tosa dɛnnda kɔndɔfiltan o lɛŋnde Ham-nden nin a la kaamaalan o mɛmma ihɛlma makpɛ̀ndɛ̀an kɔngɔ-o.

Kundalan 6:27

Lende vannda bɛnda ni ma piɛi ya le Israɛlla, o kon mì dɔw nda duaa.›»

Yeremi 32:21

A soli vanaa nɔmnda, Israɛlaa o lɛŋnde Esipte len nin a ba nɔm mayoomu bɛndoo, a dɛnnda kɔndɔfiltan a kaamaala n va tosaa lan, mí siòònde bii vannda taw.

Fulaa 6:7

I co niaa cua mì la va yungu nuu, mì ya i va Hala niaa. O kon niaa sinanin ni maa ya co Mɛlɛka ni, Hala niaa pɛɛn, maa ya co niaa soli o sanga lepɔtɔllo nin Esipte ni.

Fulaa 9:15

Te ndóò siɛndi pɛ baa mì ndóò tuisi nɔm nàà halimaa coo, la va cuu niaa lɛŋnde nɔmnden mí niáà faŋan o ceendo coo.

Fulaa 33:16

Vɛ̀ɛ̀ nda sina yɛnin maa a ce ya ɲia má ca vɛlɛ vannda ha ɲia? Fɔ mì n kɔɛ naa niaa latulu, mì n va teengen a vanaa súúla celen o ceendo coo malan vannda sina maa a ce naa ɲia.»

2Samiɛl 7:24

Nɔm Mɛlɛka siinguu Israɛlla vanaa nɔmnda le fɛɛn a fɛɛn ni, nɔm siŋnun Hala ndaa ni.

Condii lisai 44:3

A tow vanaa-mangalaa-isɔɔa o lɛŋnden coo le fuɲaa naa mamaa mingio o fonda ndaa. A diw vanaa-mangalaa-isɔɔa, le vanaa nɔmnda kuiyo vɛ́ɛ́lɛ̀-vɛ̀ɛ̀lɛ̀.

Yeremi 32:20

A tosa sindɛ dɛnnda kɔndɔfiltan a kaamaalan o lɛŋnde Esipte len nin. Háá hau, tɔ́ɔ́ nɔmndo co o bɔɔ Israɛlla a vanndacieea tɛɛn mɛɛ naa n co ndi cɔu sunsun yɛ.