2Samiɛl 7:22 - BII BILA

²² A co o bɔɔ Maalii, Mɛlɛka! Vana co maa nɔm te. Maa mɛɛ naa n tuei kabi paandu yɛ, Hala celen co o nɔm kɔɔli le.

2Samiɛl 7:22 Referans Kwoze

Condii lisai 86:10

Kani a co o bɔɔ, a co sɔɔn kaaman tosaa, nɔm pilɛ kpé co Hala kpeekpeiyo ni.

Condii lisai 86:8

Éé Maalii, hala kɛ́-kɛ̀ co maa nɔm o piɔmnda tɛɛn te, o kɛ́-kɛ̀ tiwba mò tosa dɛnndan maa nɔm te.

Fulaa 15:11

Mɛlɛka, hala kuɛɛ co yɛ maa nɔm o halaa tɔ̀a tɛɛn? Nɛ̀ɛ́ co yɛ o diandaa maa nɔm? Kpúlúnkùma tosa sɔɔn tɔ́ɔ́ bɛndon-ndo n co ni. Nɛ̀ɛ́ tosà yɛ kaamaalan maa nɔm?

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

1Dɛnnda lemasalan 16:25

Kani Mɛlɛka co o bɔɔ, le ndu biiloo bɛnda ni, o hiow halaa kpow kpaayaa.

Esai 45:5

Ya co Mɛlɛka ni, o celen co le, o ya kɔɔli, Hala celen co le, nɔm óò sina vɔ ya le mí balu nɔm sɔ́,

Tɔŋ miingua 3:24

‹Éé Maalii! Nɔm Mɛlɛka, a kandu ya vana baala nɔmndo bɔɔbɔɔyɛi nɔmnde a kpaaya nɔmndo cɔmndo, Hala kuɛɛ co yɛ o halataala, te kon te o lɛŋnden coo mò tiwba le dɛnnda bɛndula vaa nuaa tosaa a kpaayaa maa nɔm?

1Samiɛl 2:2

Vana co o diandaa maa Mɛlɛka le, Hala naa ndu pilɛ kpé co pow kpovaa ni. Hala celen co o ndu kɔɔli le.

Condii lisai 89:8

Ɲaa-fàngà Hala co vanaa diandaa taw tɛɛn ni, Kpúlúnkùmaa le vanaa balu ndu-a.

Condii lisai 89:6

Éé Hala, màá mɛlɛkaa a mel nɔm balika o halataala le dɛnnda kɛndɛla n tosa lan a le lo n lo o lediom coo-o!

Condii lisai 96:4

Kani Mɛlɛka co o bɔɔ, le ndu biiloo bɛnda ni. O halaa kpow tɛɛn, ndu vana bɛnda ma vo ni.

Tɔŋ miingua 4:35

Hala cɔm niaa kon kpow haliko mi la sina maa Mɛlɛka ndu pilɛ kpé co Hala ni, Hala celen co o ndu kɔɔli le.

Esai 40:18

A Nɛ̀ɛ́-nɛ̀ niaa yeema yɛ mì la tuu Hala? A tuula yɛɛ nɛ niaa tuu yɛnin ndu?

Condii lisai 48:1

Condei. Condii poaa Kore-a.

Condii lisai 145:3

Mɛlɛka co o bɔɔ, mɛɛ mì vana lisa ndu, vana tiwba bɔɔbɔɔyɛi ndɔɛi sinaa le.

Condii lisai 135:5

A toɲa, i sina maa Mɛlɛka co o bɔɔ, Mɛlɛka naa co o halataalaa kpow coo.

Condii lisai 44:1

Condii poaa Kore-a, í fula o condun simlacinɔ vanaa n'condua nin-nde.

Esekiɛl 36:22

Le hee, dimul cuavaa Israɛlla aa nuaa Maalii Hala dimi ni aa: O co le niaa cuavaa Israɛlla le ya co dɛnndan tosaa nuaa le, kɛ le diola nila diandaalan, la niaa nɔɔliaa nɛɛ niaa co a sɛŋiannda vanaa-mangalaa-isɔɔa tɛɛn-nda pɛɛn.

Esai 45:22

Lelan la mulin mì la hin ya o ibuŋ, o kon la sɔlanin cindaa, niaa co o lɛŋnden mɛɛlulan-nda kpow! Kani ya co Hala ni, Hala celen co o ya kɔɔli le.

Esai 45:18

Kani nuaa Mɛlɛka soo ni, o cɔw halataalaa-o, o co Hala ndu pilɛ kpé-o, o toosiaa lɛŋnden mó bɛɛndiaa len, mó simi len yili-o, o cɔw len haliko le va fondo loo, o cɔw len haliko mi vanndacieea va icali lecoo-o, mó dimi aa: «Ya co Mɛlɛka ni, o celen co le.

Esai 40:25

«A Nɛ̀ɛ́-nɛ̀ niaa tuu yɛnin ya mì va velan ndɔɔ kpeekpei?» O-Diandaa ɲuna nuaa ni.

2Dɛnnda lemasalan 2:5

Kɛ nɛ̀ɛ́ tiw yɛ ba le ndu cɛiyo tengullo? Kani halataala co bɛɛ o bɔɔ nuaa taw, Hala nɔla sulɔɔ lon te, vana súú yɛɛ ya co yɛ le ndu cɛiyo tengullo? Fondaa daama ya co ndu tengul le ndu sálàla loamaalan solullo ni.

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

Esekiɛl 36:32

Nduyɛ, o bɛnda mì la sina pɛngu maa o co le niaa le ya co kon tosa le. Sɔɛi fula Maalii o sondo-e co ken ni, Mɛlɛka pɛɛn. Le hee, niaa cuavaa Israɛlla, siɛmbulan la bɛnda mì la bii niaa, mì la cuu labɛɛ le kela niaa vɔɔndo!»

Fulaa 10:2

O kon kɔɔli, mì nɔm Moise hun dimul fɛɛn cuavaa nɔmnda a cuavaa nɔmaa imamaa mɛɛ ya soli mɔnɛ a Esiptea yɛ, a mɛɛ ya tuisi nda kpundɛlan coo yɛ, haliko mi la sina o kon maa ya co Mɛlɛka ni.»

Fulaa 8:10

Mɛɛ nda vi, má diw nda bémbéla bɛndulan yilin-yilin, mí lɛŋnden le fula cun kuí-kuí.

Fulaa 9:14

Kani sisa nin, o cii kiolɔɔ le nɔm kpundɛla súú-súù ka tuisio coo niaa vanaa nɔmaa baalaa a Esiptea tɔ̀a kpow, haliko ma sina maa vana-vana siiman a ndu Mɛlɛka o ceendo coo le.

1Masaa 8:23

«Òó Mɛlɛka, Hala Israɛlla! Kandɔɔ o halataala coocoo, háá o lɛŋnden coo nanu, Hala celen co maa nɔm te. A lò o lediom coo, a nɔ vɛlɛ ɲííye a vanaa nɔmaa baalaa co kelaa o nɛila nɔmndan coo-a.

Daniɛl 2:45

Le dɛnɛ kon cɔmndo n ce powvo sɛmbaa a ba ndɔ o pembei ni, mó cui cilinnde, daɲɛi, puulu loamaa, volin humbon a sianion. Hala bɛndoo cɔm masaa ɲɛ yɔŋnunnin-ndo. Lɔma n sɔl-lan ma co man ni. Kɔlɔ ndɔɔ kpeekpei co vɛlɛ hoo ni.»

Fulaa 8:6

Mí masaa yam lɔ́ɔ́ aa: «Siɔdii.» O kon, mí Moise mulul ndu aa: «I sɔɔ laba. I tosannin siɔdii lende, haliko ma sina pɛngu maa vana-vana sulan a Mɛlɛka le, Hala naa pɛɛn.

Tɔŋ miingua 4:39

La sina hau sɔɛi he pɛɛngu mì la mandan ndi o kɔl, maa Mɛlɛka ndu pilɛ kpé co Hala ni. Kandɔɔ o halataala, hunɔɔ tiiyaa o lɛŋnden coo, Hala celen co le.

2Samiɛl 22:32

Nɛ̀ɛ́-nɛ̀ co yɛ Hala, te o co Mɛlɛka le? Nɛ̀ɛ́-nɛ̀ co yɛ pow kpovaa, te o co Hala naa le?