2Samiɛl 7:20 - BII BILA

²⁰ Ɔ́ɔ̀ ɲɛ ya David nɔlanin vɛlɛ dimio o diom nɔmndo kɔɔli-o Maalii, Mɛlɛka? Kani nɔm pila sina vana nɔm baalaa.

2Samiɛl 7:20 Referans Kwoze

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

Condii lisai 139:1

Condii David-e, í fula o condun simlacinɔ vanaa n'condua nin-nde. Éé Mɛlɛka! A cii ya taasi dɔvɔɔ, a sinà yiyan co ya o kɔl nin di-o.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Nsaŋ 2:25

Hali mi vanáà cɔm ndu bɛɛ isɔɔ a vanacieo o kɔɔ le, kani ndóò sina ɲɛ co vanacieo o kɔl-lo.

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

Yosue 5:14

Mí vana kon muli aa: «I co o kunda kɛ́-kɛ̀ coo le. Ya co simlacinɔ vanaa cɔvaa Mɛlɛka-a ni, hunɔɔ koni ya co nuaa ni.» Mí Yosue del o kuumbuan ndu o hɔl, mó dimi aa: «Yɛɛ nɔm vana ni bɛndoo nɔ yɛ le ya vana nɔm baalaa dimullo?»

1Dɛnnda lemasalan 17:18

Yɛɛ ya David tiw yɛnin ba le nɔm dimullo handɔɔ o bɛɛle n ke ya len-nden coo? A sina ya, ya vana nɔm baalaa pɛɛn.