2Samiɛl 7:19 - BII BILA

¹⁹ Hiovɔɔ o kon coo, má ca vɛlɛ maa ɲɛ n tosa kon-ndo dɔɔnan nɔm o hɔl Maalii, Mɛlɛka. Má mulin má soaa vɛlɛ le dɛnɛ kɛndɛ yungu vana nɔm baalaa siɔdii laci. Lende tɔŋ vanacieo co ni, Maalii, Mɛlɛka.

2Samiɛl 7:19 Referans Kwoze

1Dɛnnda lemasalan 17:17

Òó Hala, vɛ̀ɛ̀ hoo tiw-vɔ nɔm o hɔl te! Tofa vɔ, a co ciɛ́ɔn cuaa le siɔdii laci yungu vana nɔm baalaa. A co vɛlɛ ya biyɔɔ maa vana bɛndu, nɔm Mɛlɛka Hala nuu!

Condii lisai 36:7

Maa pembun vilɛi-vilɛiyon sandii nɔmnde co ni. Yaman nɔmndon yingila maa soon yingilaa. Mɛlɛka, nɔm co vanndacieea a visia ciindiaa ni.

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

2Samiɛl 12:8

Ya yɔngu nɔm yungu vana nɔm bɛndoo ni, mí sɔaa laandaa ndɔa nɔm o ba, mí suili nɔm masaa Israɛlla a Yudaa coo. Te kon kpow ndóò tiw nɔm te, yáà tiwba mì yáà cɔɔlu vɛlɛ nɔm ɲɛm celen hendul lecoo.

Kundalan 16:13

A faŋa naa o lɛŋnde cɔlua a tɔlɔɔlan la naŋ nin taw-taw len nin le naa hunɔɔ diwvo o lɛŋnde veselɛilen nden nin, yee a hini vɔ kɔl a ken te? Bàà a yeema vɛlɛ ma siŋnun masaa naa coo a paa-kala?

Kundalan 16:9

Vɛ̀ɛ̀ hɛli Hala Israɛlla hɛli niaa Israɛlaa sɛ́lɛ́a tɛɛn, mó kɛsi niaa ikɛi le ndu sɔɔnguuo o hɔl o Calta Mɛlɛka lan nin a le vallo tosaa o diola ndalan-ndo, la hini kɔl a kon te?

Esekiɛl 34:18

Vɛ̀ɛ̀ niáà hini kɔl le kɔlan diólan o bil puiyaa kɛndɛ-kɛndɔɔ nin te? Vɛ̀ɛ̀ fɔ mì la nɛw vɛlɛ bil tɔ̀ lo lon-ndo a labɛngu? Vɛ̀ɛ̀ la nɔla manɔlaa kɔllo hinilan le mɛmma tengɛiyan kolɔɔ le, fɔ mì la linda matɔ̀ma lo-an a labɛngu?

Yosue 5:14

Mí vana kon muli aa: «I co o kunda kɛ́-kɛ̀ coo le. Ya co simlacinɔ vanaa cɔvaa Mɛlɛka-a ni, hunɔɔ koni ya co nuaa ni.» Mí Yosue del o kuumbuan ndu o hɔl, mó dimi aa: «Yɛɛ nɔm vana ni bɛndoo nɔ yɛ le ya vana nɔm baalaa dimullo?»

2Masaa 3:18

Ken co ɲɛ-ɲɛ Mɛlɛka o hɔl te. O co vɛlɛ Moabua malɔɔ niaa o ba.