2Samiɛl 7:18 - BII BILA

¹⁸ Mí masaa David kɔa, mó cal Mɛlɛka o hɔl, mó dimi aa: «Yɛɛ nɛ ya co yɛ Maalii, Mɛlɛka? Yɛɛ nɛ yungu nuu co yɛ, mì nɔm Mɛlɛka siinguu ya vana vaa lende?

2Samiɛl 7:18 Referans Kwoze

Condii lisai 8:4

I tofa pɛ halataalaa, vali n tosa a laba-o co kon ni, mì tofa paangei a loeon n toosiaa-on,

1Dɛnnda lemasalan 17:16

O kon mí masaa David kɔa, mó kɔ cal Mɛlɛka o hɔl, mó dimi aa: «Mɛlɛka Hala nuu, nɛ̀ɛ̀ ya co yɛ? Vanaa súú yɛɛ yungu nuu co yɛ vɛlɛ, le ya heeloo háá o fonda ya co hoo-o?

1Samiɛl 18:18

Mí David mulul Saul aa: «Yɛɛ nɛ ya co yɛ mì siŋnun lefoo masaa? Yɛɛ yungu fuɲa nuu co yɛ o polama cuavaa Israɛlla tɛɛn?»

O Kandɔɔ 32:10

O kon kɔɔli, mí Yakɔb piɛi aa: «Éé Hala Abraham fuɲa ni mamaa! Hala Isaak fuɲa ni-o! Nɔm dimul-la ni aa ya muungu vanaa nia o ibuŋ o lɛŋnde nilen nin, má tosal-la dɛnɛ kɛndɔɔ.

Fulaa 3:11

Mí Moise ɲuna Hala aa: «Yɛɛ ya co yɛ le kɔlan simndan Faraɔnnɔɔ o hɔl a le Israɛlla solio Esipte?»

1Samiɛl 15:17

Mí Samiɛl dimi aa: «Paandu, nɔm pila va cɔnnɔnndo o pɔmbɔ, vɛ̀ɛ̀ o co nɔm kon te siŋnun simlacinɔ polama Israɛlla le? Vɛ̀ɛ̀ o co nɔm kon te Mɛlɛka pɔla ma siŋnun masaa o lɛŋnde Israɛl-ten coo le?

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Masaa kialaa n'yamaa 6:15

Mí Sedeɔn muli aa: «Mal haki, vana ni bɛndoo! A yɛɛ nɛ kpeekpei ya baŋa yɛnin Israɛlla? O polale Manase len nin kpow, yungu nuu hiow vaa yungu bahavɛiyo, o naa lo cɛinin vɛlɛ kpede, ya hiow dɔɔnanndo.»

1Samiɛl 9:21

Mí Saul mulul ndu aa: «Kpo fallo! Nɔm pila sina maa polale Bɛnyamɛn-nden le hiow dɔɔnanndo o cuavaa Israɛlla tɛɛn. Handɔɔ o kon coo, yungule fuɲa nuu le hiow vɛlɛ dɔɔnanndo o polale len coo. Yɛɛ vem yɛ nɔm sɔɛi vaa nuaa ya dimullo?»

Esai 37:14

Mí Esekia bii sɛbɛ Sanekerib sɛva-o kilaa o vim ndu-a o ba, mó tofa sɔɔn va n'sɛvaa lenin-ndon. Mɛɛ o cii tofa, mó hel o Cɛi-Mɛlɛka-o nin, mó timbi sɛbɛ kalaa Mɛlɛka o hɔl,

2Samiɛl 7:17

O kon mí Natan tɛɛngul David diomnda Mɛlɛka soo o vundulen nden nin-ndan kpow.

O Kandɔɔ 32:11

Cɔ n ce ya ɲia-o a kɛndɛi n tosal-la vana nɔm baalaa-e co ibɔɔ, yáà bɛnda bɛɛ mì yáà sɔla dɛnɛ kɛndɛ vaa lende nɔm o ba le. Kani telen ya taŋ pee bɛndoo ho-o, Yurdɛn pɛɛn, tinda nuu kínɛí va ya o ba ni. Kɛ nihau, vanndacieea a cɔlua co ya o ba kundalan tan tiɔn.

Ruti 2:10

Ruti tueyɔɔ lende, mó baŋ vulan Boas o labɛngunin, mó kuumbuu hɔlla lɛŋ, mó ɲuna ndu aa: «Le yɛɛ nɛ n co yɛ ya dɛnɛ kɛndɛ súúo ho tosallo? Le yɛɛ nɛ n ce yɛ ya miallo ho ɲia nuaa?»

2Samiɛl 23:5

Lende Hala co tosaa a yungu nuu ni: kani o yiilu ya kpema fɛɛn-fɛɛndo, o co o bɛɛndiaa ɲɛkɛndɛi, o co vɛlɛ o mandaa ɲɛkɛndɛi. O co cinda nuu a ɲɛ hɛnan ya-o solio mɛɛ ɲɛ và vulɔɔ.

1Dɛnnda lemasalan 29:14

Kani yɛɛ ya David co yɛ, yɛɛ vanaa nia a co yɛ le nɔm ɲɛm-kéan yɔngoo a kɔlta naalan nuaa? Nɔm o ba ɲɔɔn kpow n fula ni, ɲɛm mun koni naa n co nɔm vɛlɛ yɔngoo ni.