2Samiɛl 7:13 - BII BILA

¹³ Ndu tangulnin cɛiyo le ya ni. I kɛsinin ndu o kpɛŋɛ lemasaa coo a kɔlɲuloo le lɔ́ɔ́-lɔ́ɔ̀.

2Samiɛl 7:13 Referans Kwoze

1Masaa 8:19

Kɛ nduyɛ, o co nɔm te tangulnin cɛi kalaa le, po nɔmndo co ndu hunɔɔ tangul ni, po nɔm pila vialunin-ndo pɛɛn, ndu tengulnin ya cɛiyo ni.›

1Masaa 5:5

Tuma Salomɔn va masaa-o, Yudaa nda Israɛlla kpow a vannun a kɔlɲuloo. Cɔnɔnndo Dan tiiyaa Bɛɛr-Seba, vana-vana va calnɔnndo o rɛsɛŋun ndɔn bɛngu a o voosun ndɔn bɛngu.

Condii lisai 89:4

Kani nuaa n dimi aa: ‹I yii kpemaa naa vana ya hɛli-o, mí cua ciɛ́ɔn naa David, vana baala nuu maa:

1Masaa 6:12

«Cɛi-Hala n co hoo tangullo-o, taa kela pɛ mɛɛ tɔŋnda nilan la dimi yɛ, taa bii pɛ pɛɛkula nilan, mà manda silala ya yɔngu nɔm-ndan kpow, i peelulnin nɔm kpema yáà yiilu David fuɲa nɔm-ndo.

Sakari 6:13

Ndu baŋnin Cɛi-Mɛlɛka-o ni, ndu tuɛinin biilu cɛi kon yeela ni. O calnin o kpɛŋɛ lemasaa coo, mò tosa masalen. O vanin vɛlɛ vana-solia-lasálàá o kpɛŋɛ ndɔ lemasaa coo, o tosanin valta tiɔnnda lan ɲɛkɛndɛ-kɛndɛ o lepilɔɔ.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Condii lisai 89:29

Kɛndɛi nii vanin ndu coo le fɛɛn a fɛɛn, kpema co naa tɛɛn-ndo tembunin te.

2Samiɛl 7:16

Le fɛɛn a fɛɛn, cɛi nɔmndo a masale nɔmnden le vanin yili. Kani kpaaya nɔm lemasaa hiilunnin te.›»

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

Hebreea 3:3

Kɛ Yeesu bɛnda mò sɔla biiloo hiovɔɔ Moise coo. Kani vana baŋ cɛiyo-o bɛnda mò sɔla bɛɛlen hiovɔɔ cɛi kon coo.

Esai 49:8

Nuaa Mɛlɛka dimi ni aa: «I mululnin niaa o telen kɛndɔɔ, o paale cindaalen coo. I malanin niaa, I mandanin niaa mì kɛsi niaa le kpemaa yiiyo a vannda, le lɛŋnden mingio simio a le kɛ́la laasian-ndan mingio piɔwvo.

Condii lisai 89:21

I komal David, vana baala nuu, mí pɔla ndu a cuɛima nima diandan.

1Dɛnnda lemasalan 28:10

Sina nihau maa Mɛlɛka cii nɔm hɛli, haliko ma tangul Cɛiyo, ó vanin Cɛi-Diandaa-o. Luei niko yoomuan mà tosa vallo.»

Matie 16:18

Ya, i co nɔm dimul, Piɛr n co ni, powvo pɛɛn, o powvo ho coo ya tangulnin kunda vanaa laalaŋaa nia ni, kpaaya piɔ́mndo nɔlanin kunda kon ɲɛ-ɲɛ tosa le.

2Samiɛl 7:27

Kani nɔm Mɛlɛka-Nɔ-Kpaayaa-Kpow-vo, nɔm Hala Israɛlla pila dimul-la vana nɔm baalaa ni maa nɔm tengulnin ya cɛiyo ni. Lelan ya sɔla yoomuan le nɔm piɛilen nden tiiyallo ni.

1Masaa 2:4

O kon Mɛlɛka peelunin sɔɛi o dimul-la-e aa: ‹Te cuavaa nɔmnda caa pɛ kelaa, taa kela pɛ ya o hɔl o sandei nin a kɔlta ndalan a á yiyannda ndalan kpow, le fɛɛn a fɛɛn, nɔm David, a folanin vana calnin o kpɛŋɛ lemasaa coo mò tosa masalen nɔm kɔɔli-o le.›

1Masaa 2:24

Te Mɛlɛka lueí ya yoomuan, mó kɛsi ya o kpɛŋɛ lemasa David fuɲa ni-o coo-o co yoomu, Mɛlɛka yiilúl-la hoo kpemaa le ya pila a le polale nilen masalen yɔngoo-o pɛɛn, paalen nden hau, fɔ mì Adoniya sɔla piɔ́mndo!»

1Masaa 2:45

Kɛ ya Salomɔn, Mɛlɛka dɔawnin ya duaa. O siminin masalen yili o David lo cɛinin le fɛɛn a fɛɛn.»

1Masaa 8:13

Kɛ i cii nɔm Cɛiyo tengul, nɛɛ n vanin le lɔ́ɔ́-lɔ́ɔ̀-a pɛɛn.»

1Masaa 8:15

Mó dimi aa: «I mel Mɛlɛka Hala Israɛlla balika le kpema o yiilu David fuɲa ni-o peeloo, kani mí ndóò dimi aa:

2Masaa 21:4

O kon kɔɔli, mó cɔaw fondala-loamaa-lasálàlan o Cɛi-Hala-o nin, nɛɛ Mɛlɛka ndóò dimi le cɔmnɔnndo ceen o kobio Yerusalɛm nin-nda pɛɛn.

2Dɛnnda lemasalan 33:4

Mó cɔaw máánndan o Cɛi-Hala-o nin, nduyɛ mí Mɛlɛka ndóò dimi a Cɛi kon o kɔɔ maa o kobio Yerusalɛm nin diola ndɔlan la vanin piɔlnɔnndo le lɔ́ɔ́-lɔ́ɔ̀ ni.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

2Samiɛl 22:51

Mɛlɛka tosa dɛnnda bɛndulan le masa o hɛli-o baŋaa, o lo o diomnde ndɔlen coo a masaa o pɔla-o, David pɛɛn, a polale ndɔlen ndu kɔɔli le fɛɛn a fɛɛn.»

2Masaa 8:19

Kɛ Mɛlɛka cɛl le masalen Yuda tɛɛmbuuo le, kani mí ndóò dimul vana ndɔ baalaa David maa poaa ndɔa tosanin masalen Yerusalɛm le lɔ́ɔ́-lɔ́ɔ̀.

2Masaa 21:7

Mó cua piɔmndo Astartee, mó kɔ luei ndu o Cɛi-Mɛlɛka-o nin. Nduyɛ, Cɛi kon Mɛlɛka ndóò dimul David nda Salomɔn po ndɔ ni aa: «O cɛiyo ho nin a o kobio Yerusalɛm nin, kobi ya hɛli kon o kobila polama tɔ́ a mamiɔmma Israɛlla tɛɛn-ndo diola nilan la vanin piɔlnɔnndo le fɛɛn a fɛɛn ni.

2Dɛnnda lemasalan 6:16

Mɛlɛka, Hala Israɛlla, mɛɛ peelu niko sɔɛi n dimul vana nɔm baalaa, David fuɲa ni-e. Kani mí nɔm óò dimul ndu aa: ‹Te poaa nɔmnda caa pɛ kelaa, mà bii tɔŋnda nilan mɛɛ n kela ya o hɔl-lɛ, le lɔ́ɔ́-lɔ́ɔ̀ a folanin vana koma tosanin masalen o fonda nɔmndo-o Israɛl te.›

SƐBƐ YƆB-O 36:7

O faŋa vana sandaa hɔlten coo le, ndu suili masaa ni mò kɛsi kpɛŋɔɔ nin, mó kɛsi nda lon le fɛɛn a fɛɛn haliko ma sɔla bɛɛle bɛndu len. Kɛ mà siŋnun vanaa kuundiannda.

Condii lisai 72:17

Màá diola masaa la va le fɛɛn a fɛɛn! Màá la hiow laci maa lepala! Màá vannda va duaalan dɔavanndo a diola ndɔlan piɔlɔɔ! Màá vanaa-mangalaa-isɔɔa va dimio maa dɛnɛ kɛndɔɔ co le masaa!

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Yeremi 33:17

Diom Mɛlɛka dimi-o co hoo ni aa: «David folanin vana o polale ndɔlen nin lɔ́ɔ́-lɔ́ɔ̀ le calle o kpɛŋɛ lemasa nin le masalen tosaa Israɛlla coo le.

Esekiɛl 37:25

A calnin o lɛŋnde ya yɔngu sindɛ Yakɔb vana baala nuu len nin, lɛŋnde fuɲaa ndaa va icali nin-nden pɛɛn. Kandɔɔ a nda pila, cuavaa ndaa a cuavaa ndaa mamaa, a vanin icali o lɛŋnde len nin le fɛɛn a fɛɛn, nduyɛ David vana baala nuu vanin simlacinɔ ndaa le lɔ́ɔ́-lɔ́ɔ̀ ni.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Sakari 6:12

A cii pɛ, a dimul ndu aa: Yaŋ-ndɔ nilan! Mɛlɛka-Nɔ-Kpaayaa-Kpow-vo dimi maa vanapɔnɔ nɔ diolan aa Vulɔɔ-o o labɛngunin ɲɔɔn kpow n vulnin ni. Ndu minginin cɛi biilaa Mɛlɛka-o tangul ni.