2Samiɛl 6:21 - BII BILA

²¹ Mí David mulul ndu aa: «Mɛlɛka o hɔl ya tosa lende ni. Kani ndu Mɛlɛka mal fuɲa nɔm a yungu ndɔɔ kpede ni, mó hɛli ya, mí siŋnun simlacinɔ vanaa ndɔa, Israɛlla pɛɛn. Lelan le ndu Mɛlɛka ya viaw kponyoo ni.

2Samiɛl 6:21 Referans Kwoze

Dɛnnda kiilaa 13:22

O kon kɔɔli, mí Hala kɛɛ Sol, mó hɛli David, mó siinguu ndu masaa. Mí Hala tɛnda seile ndɔlen aa: ‹I saalun David po Yisai-yo, o ya hini kɔl-lo, o tosanin ɲɛ-ɲɛ ya yeema.›

2Samiɛl 6:16

Tuma nda va kesu kpema Mɛlɛka-o lueiyo o Kobi David-o nin-ndo, mí Mikal, cua Saul-lo va tofaa o dio-pɔmbɔɔ. Ndóò cɔu masaa David huuloo a hiŋnɔnndo Mɛlɛka o hɔl, mó pɛɛsa ndu o kɔl ndɔɔ nin.

1Samiɛl 13:14

Lelan, masalen le hɛlun nɔm. Mɛlɛka cii vana celen hɛli, vana o hini kɔl-lo pɛɛn. O cii ndu siinguu simlacinɔ vanaa ndɔa, kani nɔm, a bii sila o yɔngu nɔm-ndo le.»

1Samiɛl 15:28

O kon, mí Samiɛl dimul Saul aa: «Nuaa Mɛlɛka sɛɛsiaa nɔm hau masalen o ba Israɛlla coo ni, mó yɔngu vana celen, vana co fisa a nɔm-ndo pɛɛn.

2Samiɛl 6:14

O kon, mó tundun yolan Mɛlɛka o hɔl a yoomuma ndɔan kpow. Doma ifalen solia lasálàá toosian a kola keesoo-o daama va ndu lekɔɔ ni.

2Samiɛl 6:5

David nda Israɛlla kpow a va ɲaaloo dɔwnɔnndo Mɛlɛka o hɔl, má va ɲɛm-caan súú-súù ka lɔɔ, ɲɛm-caan nda toosiaa a yɔmii siprɛsiei-yon, bɔ̀linndan, bangalan, dundulan, bondomalan a kɛ́ŋndon.

1Samiɛl 16:1

Mí Mɛlɛka ɲuna Samiɛl aa: «Ma lo caŋndo le Saul háá lɔ́ɔ́ kuɛɛ nɛ? Ya pila cii ndu kɛɛ, o ve lɛnin masa Israɛlla coo le lɔ́ɔ́-lɔ́ɔ̀ le. Cua lee macuɛi nɔmndo ma pei cuɛiyan lenin, ma kɔɛ o Yisai Bɛtlɛhɛmnɔ lo. Kani o poaa ndɔa tɛɛn ya hɛli masa ya yeema-o ni.»

1Korɛntea 10:31

Lelan, o va dio, o va kolɔɔ, te kon te ɲɛ-ɲɛ niaa va pɛ tosaa, la tosa ndu mì Hala sɔla biiloo.

1Dɛnnda lemasalan 15:29

Telen kesu kpema Mɛlɛka-o tiiya o Kobi David-o nin-ndo, mí Mika, cua Saul-lo tofa o dio-pɔmbɔɔ. Ndóò cɔu masaa David huuloo a yolan, mó pɛɛsaa ndu o kɔl ndɔɔ nin.

1Samiɛl 16:12

Mí Yisai viam vanndo ndu veelu. Vana siaŋaa David va ni, ndóò naŋ hɔlla taw, ndóò caa vɛlɛ simndan. Mɛɛ o tiiya dɔ́ɔ́, mí Mɛlɛka dimul Samiɛl aa: «Hoo ya hɛli le siŋnɔnndo masaa ni. Cɔn ma pɔla ndu.»

2Samiɛl 6:22

I co vɛlɛ bɛɛ cɔɔlu dɔɔnian mò hiow hoo, mì tuisin ya pila o hɔl. Le cɛa laandua n co yɛ kan dimio-a nda, a co cɔu maa vana bɛndoo ya co ni.»

2Samiɛl 7:8

Lelan sisa, dimul David vana ni baala aa: ‹Mɛlɛka-Nɔ-Kpaayaa-Kpow-vo dimi aa: Ya cua nɔm nɛɛ n va cɔlua mandaa yondoo nin-nda ni, mí siinguu nɔm simlacinɔ Israɛlla, vanaa nia pɛɛn.

2Samiɛl 5:2

Lɔ́ɔ́ Saul va paandu masaa naa coo-o, nɔm va Israɛlla simndan laci o cɔwvo ni. Nduyɛ, Mɛlɛka cii nin nɔm dimul maa nɔm vanin masa Israɛlla ni, vanaa ndɔa pɛɛn. Nɔm vanin simlacinɔ ndaa ni.»