2Samiɛl 6:20 - BII BILA

²⁰ Tuma David va muungoo o ndu lo bɛɛ le yungu ndɔɔ duaa dɔvɔɔ-o, mí Mikal, cua Saul-lo hinul ndu, mó dimul ndu aa: «Àá masa Israɛlla! O tosa hau dɛnɛ lebɛɛ fɔ́! Mó fula kɔɔle fondo cɛa laandua buɛyaa ndɔa piaandua o hɔl maa vana fondo.»

2Samiɛl 6:20 Referans Kwoze

2Samiɛl 6:16

Tuma nda va kesu kpema Mɛlɛka-o lueiyo o Kobi David-o nin-ndo, mí Mikal, cua Saul-lo va tofaa o dio-pɔmbɔɔ. Ndóò cɔu masaa David huuloo a hiŋnɔnndo Mɛlɛka o hɔl, mó pɛɛsa ndu o kɔl ndɔɔ nin.

2Samiɛl 6:14

O kon, mó tundun yolan Mɛlɛka o hɔl a yoomuma ndɔan kpow. Doma ifalen solia lasálàá toosian a kola keesoo-o daama va ndu lekɔɔ ni.

Masaa kialaa n'yamaa 9:4

Má ke ndu volin latámán belaŋɔmmɛw, volin nda cua o máán Baal-Berit-o coo-on. A volin mun Abimelɛk luɛi poambɔa poopooa a vanaa kelannda nin ni le simndan ndu kɔɔli.

Marke 3:21

Vanayan Yeesu-on tueyɔɔ lende, má hun le ndu cuaa, kani a va dimio aa: «O co lɛhau o ndu pila nin te.»

Condii lisai 101:2

I yeema mì va kela kɛndɔɔ o ceen nuu nin. Lɔ́ɔ́ kuɛɛ n hun yɛnin o ya lo? I kelanin o sandei nin vanaa naa n cal nɛɛ pilɛa o hɔl.

Condii lisai 30:1

Condii David soli o kafo-kumbia Cɛi-Hala-o coo-e

SƐBƐ YƆB-O 30:8

Diɔmaa nɔ ladio le-a súúo pum nda va ni, á va nda lɔɔ a yɔmnde le nda tovɔɔ o lɛŋnden nin.

1Dɛnnda lemasalan 16:43

Mí vannda kpow, vana-vana muungu o ndu lo, mí David bɛɛ muungu o ndu lo le yungu ndɔɔ duaa dɔvɔɔ.

2Samiɛl 6:18

Ndóò ciiyo sálàla lan solio, mó dɔaw vannda duaa o diola Mɛlɛka-Nɔ-Kpaayaa-Kpow-vo lan.

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

Nsaŋ 13:6

Mɛɛ o tiiyaa o Simɔn Piɛr lo, mí ndu dimul ndu aa: «Nɔm Maalii, mà pulu ya pelon?»

Marke 14:66

Piɛr lo icali a ba too o bɛ́ɛ̀, mí buɛi laanndu bolle vanaa-solia-lasálàá pilɛ hun,

1Samiɛl 14:49

Poaa Saul velu-a va haa ni: Yonatan, Yisvi a Makisua. Hɔ́aa laandua o velu-a va Merab nda Mikal pɔmbɔ ndɔ ni.

2Samiɛl 6:19

O kon kɔɔli, mó piɔw vannda kpow ɲɛdiaa, Israɛlaa piaandua a à laandua va lon sɛ́lɛ́ bɛndoo-a pɛɛn, mí vana-vana sɔla buloo o pilɛ, dɛɛ n'tamaro toaŋaa o pilɛ a dɛɛ n'rɛsɛn toaŋaa o pilɛ. O kon, mí nda kpow, vana-vana muungu o ndu lo.

Vana Kɔlkaloo 7:17

Híw kɔlvesɛiyo nɔ le, híw vɛlɛ diɔmnde nɔ le, yɔŋii n yala vu.

1Samiɛl 18:20

Kɛ nduyɛ, mí Mikal cua diinndɔ Saul-lo yom yomndo pila le David. Ndáà dimullo Saul sɔɛi ken, mó dɔawnun ɲaale.