2Samiɛl 6:19 - BII BILA

¹⁹ O kon kɔɔli, mó piɔw vannda kpow ɲɛdiaa, Israɛlaa piaandua a à laandua va lon sɛ́lɛ́ bɛndoo-a pɛɛn, mí vana-vana sɔla buloo o pilɛ, dɛɛ n'tamaro toaŋaa o pilɛ a dɛɛ n'rɛsɛn toaŋaa o pilɛ. O kon, mí nda kpow, vana-vana muungu o ndu lo.

2Samiɛl 6:19 Referans Kwoze

Nehemi 8:10

Mí Ɛsdras dimul vannda aa: «La kɔ mì la de ɲɛdiaa sɔvɛɔ, mì la kol mɔima sɔvɛ-sɔvɛan, mì la ke vanaa nɔ ɲɛdiaa o bɛɛndiaa le-a. Kani paalen nden hau, paale diandaalen le co le Mɛlɛka naa ni. La va a kɔltambɛi le. Bau kɔlkɛndɛ Mɛlɛka-o, ndu co yoomuma niaan ni.»

Efɛsea 4:8

Lelan o dimin ni aa: «Telen o va helɔɔ coocoo pɔ́-o, mó hel a vannda taw, a o bii o cɔwvo-a, mó ke vanndacieea ɲɔɔn.»

Dɛnnda kiilaa 20:35

O dɛnndan nin kpow, mí cɔm niaa maa mɛɛ mì vana tosa baalaa le vanaa bala fondoa-a malaa, mì vana loonun a sɔɔn Maalii Yeesu pila dimi-on aa: Vanndo ɲɔɔ keo hiow vana dɛnɛ kɛndɔɔ yɔngoo a vanndo nɔm ɲɔɔ keo.»

Esekiɛl 45:17

Simlacinɔ kon vanin cɔlua co le sálàla loamaalan-nda, ɲɛm co le sálàla ɲɛm-vaalan a le sálàla mamɔilan-ndon yɔngoo o kafolan coo ni, o kafola paangun sɛnɛilan coo, o kafola palɛi pɛngiaalan coo a o cuungiannda bɛndula cuavaa Israɛlla kpede coo. Ndu solinin sálàá le hakio, sálà kpeyanndo, sálà loamaa a sálàla kɔlɲululan le baŋan cuavaa Israɛlla ni.»

2Dɛnnda lemasalan 30:24

Kani navaa tovaa vàá pilɛ (1000) a cɔlua letùúa vàálan tan ŋɔmmɛw (7000) Esekia va masaa Yuda-o ndóò ke nda ni. Mí vanaa bɛndua nda nda ke nda navaa tovaa vàá pilɛ (1000) a cɔlua pɔmbɔa vaalan tɔ́ (10 000). O kon mí vanaa-solia-lasálàá taw-taw a dindin.

2Dɛnnda lemasalan 7:10

Paangii ŋɔmmɛwndɔɛi va malɔ bidiin a leyàá, mí Salomɔn mingi vannda o la nda lo, má kɔa o cɛila-kolala-toandaala ndalan nin a ɲaaloo a kɔlta kɛndɛlan le dɛnɛ kɛndɛ Mɛlɛka ndóò tosal David, Salomɔn a vanaa ndɔa-o, Israɛlla pɛɛn.

1Dɛnnda lemasalan 16:3

O kon kɔɔli mó piɔw Israɛlla ɲɛm dian: vanapɔnɔ, vanalanɔ, mí vana-vana sɔla buloo, dɛɛ nda toŋ a tamaro-o a dɛɛ nda toŋ rɛsɛnndon-ndo.

1Masaa 8:66

O paale ŋɔmaandɔlen coo, mí masaa Salomɔn dimul nda le muungoo o la nda lo, má dɔawnun ɲaale, má mel masaa balika, má dɔaw ndu duaa. O kon mí vana-vana muungu o ndu lo bɛɛ a kɔlkɛndɔɔ le kɛndɛi Mɛlɛka ndóò tosal David vana ndɔ baalaa a vanaa ndɔa-e, Israɛlla pɛɛn.

2Samiɛl 6:18

Ndóò ciiyo sálàla lan solio, mó dɔaw vannda duaa o diola Mɛlɛka-Nɔ-Kpaayaa-Kpow-vo lan.

2Samiɛl 6:20

Tuma David va muungoo o ndu lo bɛɛ le yungu ndɔɔ duaa dɔvɔɔ-o, mí Mikal, cua Saul-lo hinul ndu, mó dimul ndu aa: «Àá masa Israɛlla! O tosa hau dɛnɛ lebɛɛ fɔ́! Mó fula kɔɔle fondo cɛa laandua buɛyaa ndɔa piaandua o hɔl maa vana fondo.»

1Dɛnnda lemasalan 16:43

Mí vannda kpow, vana-vana muungu o ndu lo, mí David bɛɛ muungu o ndu lo le yungu ndɔɔ duaa dɔvɔɔ.

Condii kɛndɛ-kɛndɛi 2:5

La míngí ya yoomuan o n'dial a fùlúfùlù rɛsɛŋun toaŋaa. La lueí ya yoomuan a pɔmii koamɛi. Kani i co a nàà kaolaa.

Osee 3:1

Mí Mɛlɛka dimul-la aa: «Kɔ kaola vɛlɛ vanalanɔ nɔ sámáá mò va suundaa-o, mà kaola ndu mɛɛ ya Mɛlɛka kaola Israɛlla yɛ. Hali a co bɛɛ kɔlan halaa celen sooloo mà va dɛɛla toosian a rɛsɛnndon-ndan yeemaa nuaa.

Yosue 22:6

O kon mí Yosue dɔaw nda duaa, mó mal nda, má muungu o la nda lo, o cɛila-kolala-toandaala ndalan nin.