2Samiɛl 6:14 - BII BILA

¹⁴ O kon, mó tundun yolan Mɛlɛka o hɔl a yoomuma ndɔan kpow. Doma ifalen solia lasálàá toosian a kola keesoo-o daama va ndu lekɔɔ ni.

2Samiɛl 6:14 Referans Kwoze

1Samiɛl 2:18

Kɛ Samiɛl ndu, o lo o pɔmbɔ, mó va baala ndɔɔ tosaa Mɛlɛka o hɔl, doma ifalen solia lasálà nda toosiaa a kola keesoo-o va ndu lekɔɔ.

Fulaa 15:20

Mí Miriam, yemaa Aarɔn, ó va vanalanɔ-tɛɛngaa-diom Hala-o-o cua dundoo, mí vanlaandua tɔ̀a kpow a fula ndu kɔɔli a dundulan lɔɔ a á yolan.

Condii lisai 150:4

La lisa ndu a dundulan lɔɔ a á yolan. La lisa ndu a ɲɛm-caan iyoon a á sɛ̀ŋnden.

Condii lisai 149:3

La biilu ndu a yolan, la lɔɔ dundulan a bondomalan.

Masaa kialaa n'yamaa 11:34

Lɔ́ɔ́ Yɛfte va muungoo o ndu lo Mispa-o, mí cua ndɔ laandoo hun ndu bɔŋaa a yolan o dundulan bɛngu. Cua ndɔ kon ndu pilɛ kpé va ndu o ba ni. Ndóò nɔ hɔ́ɔ́ celen te.

Kolɔsea 3:23

Ɲɛ-ɲɛ niaa va pɛ tosaa, la tosà ndu a kɔllo kpow maa le Maalii, kɛ o va le vanaciee le.

Condii lisai 30:11

Lelan, tuei ya diom, Mɛlɛka, ma tuinun ya iɲíí. A yandi Mɛlɛka, mala ya.

1Samiɛl 2:28

A sina maa o yungula yɛ́-yɛ́la Israɛlla tɛɛn kpow, fuɲa nɔm imamaa Aarɔn yáà hɛli ni, mó va vana-solia-lasálà nuu, haliko mi ndóò va sálàlan solio o fonda-loamaa-lasálà nuu coo le ansan lomɔɔ a le ya ɲunaa o sɔɔn nin. Nda poaa ndɔa yáà ke vɛlɛ ɲɛm Israɛlla va sálàlan solio-on n'pum ni.

Luke 15:25

O telen kon, po ndɔ tasoo va vallo o poli. Mɛɛ o muungu, mó sɔɔnguu o cɛiyo ikɛi, mó tuɛi ɲɛm-caan diom a yolan.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

1Dɛnnda lemasalan 15:27

Domala bɛndula toosian a yiiŋii saa lan la va David nda leviaa va kesu kpemaa cuaa-a lekɔɔ, lan koni la va vɛlɛ vanaa solia n'condua a Kenania va simlacinɔ vanaa cuaa kesua-o lekɔɔ ni. Doma ifalen solia lasálàá va David lekɔɔ.

1Samiɛl 22:18

Le hee, mí masaa dimul Doɛk Edɔmnɔ aa: «Poo sei, cɔn mà diw vanaa-solia-lasálàá ha!» Doɛk cɛn nin ni, mó diw nda. N'van belaŋɔmaa a vanaa ŋuɛɛnu o dii ɲinkon ni, domala ifalennda solia lasálàlan la va nda kpow lekɔɔ.

Masaa kialaa n'yamaa 21:21

mì la va mɛngɛlaa. Telen cuavaa laandua Silo fulanin yolan-ndo, la fula o tumnda n'rɛsɛnndan bɛngu, vana-vana bii o pilɛ o nda tɛɛn. O kon, la kɔɛ a nda o lɛŋnde niaalen nin, la kɔ siinguu nda laandaa niaa.

Tɔŋ miingua 6:5

La kaola Mɛlɛka Hala niaa a kɔlta niaalan kpow, a yoomu niaa kpow a á kpaaya niaa kpow.

Fulaa 19:6

Lelan, la vanin vanaa-solia-lasálàá lemasaa a yungu diandaa kɛsin teengen le ya Mɛlɛka-o.› Sɔɔn mun n bɛnda le Israɛlla tɛɛngullo ni.»

Fulaa 15:21

Mí Miriam cua condei aa: «La lisa Mɛlɛka o condei nin, kani o cɔm biilu ndɔɔ ceen vakpa. O miisuu soa a vanaa ɲaanun o soa coo-a o mɛmma ihɛlma makpɛ̀ndɛ̀an nin.»

2Samiɛl 6:15

Mí David nda Israɛlla kpow a heelu a kesu kpema Mɛlɛka-o a kponyoo a á bululan hɔŋndo.

2Samiɛl 6:20

Tuma David va muungoo o ndu lo bɛɛ le yungu ndɔɔ duaa dɔvɔɔ-o, mí Mikal, cua Saul-lo hinul ndu, mó dimul ndu aa: «Àá masa Israɛlla! O tosa hau dɛnɛ lebɛɛ fɔ́! Mó fula kɔɔle fondo cɛa laandua buɛyaa ndɔa piaandua o hɔl maa vana fondo.»

Condii lisai 87:7

Éé nɔm kobi Hala-o ho, vannda vanin yolan a condon aa: ‹O nɔm nin naa n dɔawnun ɲaale ni.›»

Esekiɛl 46:10

O telen pilɔɔ nda luɛinin nda simlacia ni, mà fula vɛlɛ nda ndaa o telen pilɔɔ.