2Samiɛl 6:13 - BII BILA

¹³ Mɛɛ vanaa va kɔlan a kesu kpema Mɛlɛka-o-a nɛi dɔ́ɔ́ bɛngoo leŋɔmpum o kɔlan, mí David soli sálàá a naw tovaa o pilɛ a á naw téndé celulaa o pilɛ.

2Samiɛl 6:13 Referans Kwoze

1Dɛnnda lemasalan 15:15

Mí poaa leviia sɔaa yɔmii lakpɔlɔnnde o kesu kalaa, má cua ndu o lacongú, maa mɛɛ Mɛlɛka ndóò dimul Moise le nda cɔmndo yɛ.

1Masaa 8:5

Mí masaa Salomɔn nda sɛ́lɛ́ Israɛlaa va a cuungiannda ndu ikɛi-ya kpow a sim o kesu kalaa hɔl-ndɔ, má soli saa a nawva sálà, vanáà nɔla nda cɔm te, kani a va sɛ́lɛ́.

Kundalan 4:15

Te Aarɔn nda poaa ndɔa cii pɛ Cɛi-Diandaa a ɲɛm ndɔn laandon simbul lende, telen niaa vanin cɔnɔnndo le kɔlan-ndo, cuavaa-imamaa Kehat-a nda hun cua niko ɲɛla lan le kɔlan a lan. À bɛnda mà pilan ɲɛm diandan mun pila nuaa sakpo le, yɔŋii nda sɔla piɔ́mndo. Vali yɔngun cuavaa-imamaa Kehat-a a cɛi-kola-toandaa-labɔɔŋianndo o kɔɔ-o co kon ni.

1Dɛnnda lemasalan 15:2

O kon mó dimi aa: «Leviia daama bɛnda le kesu Hala-o cuaa ni, kani nda Mɛlɛka hɛli le ndu cuaa a le baala ndɔɔ tosaa le lɔ́ɔ́-lɔ́ɔ̀ ni.»

Yosue 3:3

le vannda dimullo aa: «Lɔ́ɔ́ niaa canin leviaa-solia-lasálàá kɔlan a kesu kpema Mɛlɛka Hala niaa o lacongú-o, la faŋan o fonda niaa co hoo-o, la kɔɛ nda kɔɔli.

Kundalan 7:9

O yɔngu cuavaa-imamaa Kehat-a ɲɛ-ɲɛ o ɲɛla lan nin te, kani nda va le hɔlla landɔɔ o ɲɛm valin diandan coo a le mun vilio o lacongú ni.

2Dɛnnda lemasalan 5:6

Mí masaa Salomɔn a Israɛlla kpow a sim kesoo o hɔl-ndɔ. Má soli saa a navaa celulaa taw sálà, vanáà tiwba le nda cɔmndo le, vanáà nɔla sinaa mɛɛ nda va sɛ́lɛ́ yɛ le few.

Matie 22:4

Mó viam vɛlɛ buɛyaa celen aa: ‹La kɔ dimul vanaa ya yoongu-a maa ɲɛdiaa cuu yaw, i cii nawva a cɔlua celulaa diyɔɔ, ɲɛ-ɲɛ cuu toosiaa, a hun le ɲɛdiaa kafo lanɔ sɛnɛiyo dioo.›