2Samiɛl 6:11 - BII BILA

¹¹ Mí kesu kpema Mɛlɛka-o tosa paangon mún yáá lon. Mí Mɛlɛka dɔaw Obɛd-Edɔm kon duaa a vanaa ndɔa kpow.

2Samiɛl 6:11 Referans Kwoze

O Kandɔɔ 39:5

Kandɔɔ telen kon, mí Mɛlɛka dɔaw cɛi Potifar Esiptenɔ-o duaa le va Yosɛf va lon-ndo. Ɲɛm va ndu o ba cɛinin-ndon a ɲɛm va ndu o ba yondoo nin-ndon kpow, mí Mɛlɛka dɔaw mun duaa.

O Kandɔɔ 30:27

Mí Laban mulul ndu aa: «Mɛɛ tuinun ya iɲíí, lo niko ya o bɛngu coo nanu. Halaa nia cɔm ya maa le co n co ya o bɛngu coo-o Mɛlɛka dɔw ya duaa ni.

Malasi 3:10

La hun a o-tɔ́ndɔla niaalan kpow o cɛi mandaa bolofaa nin, haliko mi baloo va o ya lo cɛinin. La tɔɔndan-ndɔ hau ya lende, mì la tofa, te i kumbilnin niaa diola pɔmbɔla co o halataala lan, mì tuisi niaa duaa bɛndu-bɛndu hiow ɲɔɔn kpow-vo coo le. Ya Mɛlɛka-Nɔ-Kpaayaa-Kpow-vo dimi lende ni.

O Kandɔɔ 39:23

O ve lɛ Yosɛf lehɔl kɔɔli le, kani Mɛlɛka va Yosɛf ikɛi, ɲɛ-ɲɛ o va tosaa, mí Mɛlɛka va ndu nɛŋio.

2Samiɛl 6:10

O cɛl le kesu kpema Mɛlɛka-o mandaa o ndu lo cɛinin te, o Kobi David-o nin pɛɛn. Kɛ mó kɔ kɛsi ndu o Obɛd-Edɔm fula Kat-o lo cɛinin.

1Dɛnnda lemasalan 26:4

Mí Obɛd-Edɔm vialu poaa nda ŋɔmaa, nda yɔŋnun haa a polalen ni: Semaya, Yehosabad, Yoah, Sakar, Netaneɛl,