2Samiɛl 6:10 - BII BILA

¹⁰ O cɛl le kesu kpema Mɛlɛka-o mandaa o ndu lo cɛinin te, o Kobi David-o nin pɛɛn. Kɛ mó kɔ kɛsi ndu o Obɛd-Edɔm fula Kat-o lo cɛinin.

2Samiɛl 6:10 Referans Kwoze

1Dɛnnda lemasalan 16:5

Nda yɔŋnun haa ni: simlacinɔ tasoo va Asaf ni, o diinndɔɔ Sakari. Telen Asaf va kɛ́ŋndon lɔɔ-o, mí Asiɛl, Semiramɔt, Yehiɛl, Matitia, Eliab, Benaya, Obɛd-Edɔm a Yehiɛl nda va tòvalan a bondomalan lɔɔ.

1Dɛnnda lemasalan 15:18

O nda kɔɔli, leviaa celen va vɛlɛ lon nda ikɛi, kpalilaa cumulaa ladioa: Sakari, Bɛn, Yasiɛl, Semiramɔt, Yehiɛl, Unni, Eliab, Benaya, Maaseya, Matitia, Elifelehu, Mikneya, Obɛd-Edɔm a Yeiɛl.

2Samiɛl 18:2

mó piɔw nda kundulan tan yáá, mó handu Yoab, po Seruya-o kundaa pilɛ bollen, mó handu Abisai, pɔmbɔɔ Yoab kundaa pilɛ bollen, mó handu Itai fula Kat-o kunda yàándɔɔ bollen. O kon kɔɔli, mó dimul vanaa ndɔa cɔwva maa ndu bɛɛ yeema mà kɔɛ latulu nda ndaa o cɔwvo.

2Samiɛl 15:19

Kɛ mí masaa ɲuna Itai va simlacinɔ vanaa cɔwva Kat-o aa: «Le yɛɛ nɛ n co yɛ hunɔɔ naa kɔɔli? Muungu mà kɔɛ Absalɔm masa sɛnɛiyo ikɛi. Kani miallo n co ni, ɲaanɔnndo n ɲaanun lɛŋnde nɔmnden ni.

2Samiɛl 4:3

Kɛ mí vanaa va Beerɔt lon sindɛ-a ɲaanun, má kɔ viannun Kitaim, háá hau a co vɔ o sumialle lon.

Yosue 19:45

Yehud, Bene-Berak, Kat-Rimɔn,

2Samiɛl 5:7

Kɛ mí David bii fonda mayoomoo Siɔn, lelan nda ke fonda kon diolan ni aa Kobi David-o.

2Samiɛl 5:9

Mí David cal o fonda mayoomu kon nin, mó ke ndu diolan aa Kobi David-o. O kon kɔɔli, mó tangul vɛlɛ fondala mayoomula celen kobi kon balɔɔ sɔ́, kandɔɔ Millo lekɔɔli tiiyaa háá lenin di.

1Dɛnnda lemasalan 15:24

Vanaa-solia-lasálàá va le bululan hɔŋndo kesu Hala-o laci-a va Sabania, Yosafat, Netaneɛl, Amasai, Sakari, Benaya a Eliesɛr ni. Obɛd-Edɔm nda Yehiya bɛɛ, kpalilaa cumulaa ladioa va simndan kesoo ikɛi kpɛɛlun-nda nda va ni.