2Samiɛl 5:21 - BII BILA

²¹ Mí Filistia ɲaanun, má mɛi piɔmaa ndaa lon. Mí David nda langbaa ndɔa kɔannun a nda.

2Samiɛl 5:21 Referans Kwoze

Tɔŋ miingua 7:5

Kɛ la tuei-yɔ mɛɛ niaa tosanin a nda yɛ: la bɛnda mì la koombiaa máánnda ndalan, mì la pesi powta ndala sálàlan, mì la koombiaa sungbuma ndama soolan, mì la lom piɔmaa nda sɛl-la.

Yeremi 43:12

O malnin cɛila halaa Esiptea yin, mò lom halaa kalaa, te kon te mò kɔɛnnun a nda Babilɔn. O kindinnin le bolofaa Esiptea cɔwviaa mɛ̀ɛ́-mɛ̀ɛ́ vana mandaa n'cɔloo nuwviaa lɛnnda o volɔɔla ndɔla cuɛinanndan nuaa yɛ. O kon kɔɔli, o kɔɛnnun bɛɛn-bɛɛn.

Esai 37:19

Handɔɔ o kon coo, má viaw halaa ndaa o yinnden nin, má loam nda. Kɛ halaa kan nda nda, vanndacieea ndáà toosiaa nda a laba ni, yɔmnde a powta ndáà sɛl-tan halaa kan va ni, mí masaa kan tɛɛmbuu nda few-few.

Tɔŋ miingua 7:25

La bɛnda mì la lom piɔmaa nda cuá maa halaa nda-a. Kɛ la del o tɔɔndan nin le volion a sianin kumbu nda-on cuaa le. La cua mun te. Dɛnɛ kon nɔla mò va yaŋɔɔlen le niaa, kani dɛnɛ nɔɔlɛi bɛndoo pila dɛnɛ kon co Mɛlɛka Hala niaa o hɔl ni.

Yeremi 48:7

Nɔm Moab, a va baalaa n tosa-o tiindanndo mà va bolofaa nɔmndo tiindanndo. Kɛ nɔm bɛɛ, a biinunnin! Kɛmɔs hala nɔmndo kɔanin o biyɔɔ nin, a kɔanin a vanaa nɔmaa solia lasálàá a simlacia nɔmnda kpede latulu.

Daniɛl 11:8

O cuanin piɔmnda a halaa co o lɛŋnde len nin-nda, o cuanin vɛlɛ ɲɛm cɔwnun a volin humbon-ndon a ɲɛm cɔwnun a sianion-ndon, mò kɔɛnnun a mun o lɛŋnde Esipte len nin. O tosanin vɔsilan taw, o sɔɔnguunin masaa a ba luaŋ-ndo ikɛi le.