O kon, mí la can o Bóllo Bɛn-Hinnɔm, mí la kɔ del o pee tuusu pembei Yebus-o coo, Yerusalɛm pɛɛn. Mí la can ndon, mí la kɔ heelu o pembii co o bóllo Hinnɔm a ba paalen le can-ndo-e tullo, nɛɛ bóllo Refaim mɛɛlu a maluaŋ-nda.
Paale pum, a telen koavaa, mí vanaa cɔwva nda yáá, fulaa o kunda n'van beleyaa-o nin, a komal David o buululan Adulam nin, kani vanaa cɔvaa Filistia ndáà hin ni, mí ndáà kila dɔ́ɔ́ngɔ́ ndaa o ból va o lɛŋnde Refaimnda nin-ndo nin.
Mí Yosue mulul nda aa: «Mɛɛ niaa co sɛ́lɛ́ yɛ, la hel o bundɔɔ nin, mì la kɔ fɛɛya bundɛ co o lɛŋnde Perisiia nda Refaimnda nin-ndo le calle. Kani tàndá n'pembu co o lɛŋnde Perisiia a o lɛŋnde polale Efraim-nden le sɔla len nin-ndo dɔɔnan a niaa.»
O vɔsi tɔ́ a hiɔɔlundɔɔ nin, mí Kedɔrlaomɛr cua masaa ndaa cɛlan diom-nda, má kɔ del Refaimnda coo a cɔwvo Asterɔt-Karnaim. Má nɔla nda. Má kɔ toal vɛlɛ Susimnda coo Ham, má tiw nda ba. Má hiaw laci, má kɔ nɔla Emimnda Save-Kiriataim ciee.
Mɛɛ la cɛn ndon, mí la toal o pembii co o Bóllo Bɛn-Hinnɔm ikɛi-ye tumndo, o ból Refaimnda nin a maluaŋ. Mí la demul bóllo Hinnɔm a kpengii pembon Yebus holnɔnndo a ba too, mí la toal háá Ɛin-Rokɛl.
Mí simlacia nda yáá, fulaa o kunda simlacia n'van beleyaa-a tɛɛn, a kɔa David ikɛi nɛɛ o va o pow kpovaa coo, o buululan Adulam nin-nda, dɔ́ɔ́ngɔ́ Filistia ndu va o bóllo Refaim nin.
