2Samiɛl 4:1 - BII BILA

¹ Lɔ́ɔ́ Is-Bosɛt, po Saul-lo tuei maa Abnɛr sɔla piɔ́mndo Hebrɔn-ndo, mí yoomuan ma fula ndu few, mí siòònde bii Israɛlla kpow.

2Samiɛl 4:1 Referans Kwoze

Ɛsdras 4:4

O kon, mí vanaa va o lɛŋnde len nin-nda kandu Yudaa yoomuan solio a nda siòònde lueiyo, haliko mi ndáà mal tangullo.

Esai 13:7

Le hee, bala vannda kpow la fula yoomuan, kɔllo hiilun vanaciee oo vanaciee nin.

Yeremi 6:24

«Naa n tueyɔɔ nda diom, mí diallon vu naa. Mí n buulan taw-taw, mí n sanga mɛɛ vanalanɔɔ sanga o violɔɔ yɛ.

Sofoni 3:16

Paale len, vannda vanin dimio Yerusalɛm aa: ‹Siòòŋii bii niaa le, niaa vannda Siɔn, la vu n'dial te.

Yeremi 50:43

Masaa Babilɔn tueyɔɔ sɔɛi ken, mó vu diallon, mó buulan maa vanalanɔ demboo co nɛiyo le violɔɔ-o.

Esai 35:3

Lelan, la luei bala sanga lan yoomuan, la mala vula co ɲiiyaa lan mì la simul.

Nehemi 6:9

Vanaa kan kpow ndáà yeema le naa siòònde lueiyo, mì va dimio aa: ‹Bala ndalan la co sanga a baala kalaa, o kon o tosan ndɛnin te.› Lelan, yandi Hala nuu! Luei ya niko yoomuan.

2Samiɛl 17:2

Mɛɛ o niinu sangaa nuaa kpɛŋ yɛ, o nɔ lɛhau mayoomu le. I kɔ fula pɛ nda coo fɛlɛmɛndɛn, vanaa co ndu ikɛi-ya co piɔl a kiltan, o kon i koma tisa dɔ́ɔ́ ndu masaa coo, i dii ndu.

2Samiɛl 3:27

Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

2Samiɛl 2:8

Mí Abnɛr, po Nɛr-o, ó va vanaa cɔvaa Saul-la bollen-ndo cua Is-Bosɛt po Saul-lo, mó kɔa a ndu Mahanaim,