2Samiɛl 3:39 - BII BILA

³⁹ Hali, i co bɛɛ hau masaa nuaa, dɛnɛ poaa Seruya-a ha tosa-o hiow ya mayoomu. Màá Mɛlɛka pila mingul vana-vana kɔlvesɛiyo mɛɛ kɔlvesɛi ndɔɔ co yɛ!»

2Samiɛl 3:39 Referans Kwoze

Condii lisai 101:8

Idii oo idii, i vanin vanaa yɔŋ vɔɔŋaa co o lɛŋnden coo-a kpaa, mì faŋa vanaa tosaa dɛnnda vɔɔnnda o kobi Mɛlɛka-o nin few-few.

Condii lisai 28:4

Mingul nda mɛɛ kela ndaa co yɛ, bii nda mɛɛ dɛnnda nda vɔɔnndan la co yɛ. A toɲa, tosal nda mɛɛ dɛnnda ndalan la co yɛ, ma mingul nda ɲɛ nda tosa-o.

2Timote 4:14

Alɛksandre siɛɛkinɔɔ tosal-la dɛnnda vɔɔnndan taw. Mɛlɛka mingulnin ndu mɛɛ dɛnnda ndɔlan la co yɛ.

Rɔmnda 13:4

kani baala Hala-o simlacia co tosaa ni, le dɛnɛ kɛndɛ nɔmndo. Kɛ taa tosa pɛ dɛnɛ vɔɔndo, mɛɛ yɔŋ siòònde, kani o co fondo le nda tuisi vana sangaa coo le, le baala Hala nda co tosaa-o ni, le maa ndɔɔ mingio a le kɔl ndɔ fulaa tuisio vanaa tosaa dɛnnda vɔɔnda coo.

Talelan 25:5

Vana faŋa pɛ vanaa kɔlvesɛiya masaa ikɛi, o tosa masalen o sandei nin, masale ndɔlen le sim yili.

Condii lisai 62:12

Ɲɛ Hala dimi mì tuɛi ndu lɔ́ɔ́-lɔ́ɔ̀-o co ni aa: «Hala nɔ kpaayaa ni.»

Esai 7:4

A tiiya pɛ, a dimul ndu aa: ‹Kɛsi kɔllo, siòòŋii bii nɔm te. Kɔl nɔmndo fula mayoomu le kilin biyan miunndon mun te. Vu n'dial le kɔltuw Resin-ndo, kɔltuw Aramiia a le kɔltuw po Remalia-o le.

Talelan 20:8

Masaa cal pɛ le yaman kiolɔɔ, o keleŋa dɛnɛ vɔɔndo cɔ cɔ́-cɔ́ o tofa lepilɔ.

Condii lisai 75:10

Ya ya, i vanin sɔɛi ken dimio lɔ́ɔ́-lɔ́ɔ̀, i vanin condon solio lɔ́ɔ́-lɔ́ɔ̀ le Hala Yakɔb-o:

Condii lisai 7:16

O tow pɛ soon yingilaa, o del o soon ndu pila tow kon-ndo nin.

1Dɛnnda lemasalan 22:5

David va diminndo o kɔl aa: «Salomɔn po ni co vɔ cuaambɔ, o bii-yɔ ɲɛ-ɲɛ bila le. Nduyɛ, Cɛi-Hala co hunɔɔ tangulɔn le Mɛlɛka-o fulanin tɔ́ɔ́ taw o lɛŋnden nden kpow nin, le va o vanin o bɔɔ-o a le biilu ndɔ bɛndoo. Lelan mɛɛ mi cuungian taw le ndu tangullo.» Le hee, lɔ́ɔ́ pá mí David vu, mó cuungian fɔlɔn ɲɛkɛndɛi.

2Samiɛl 19:13

Lelan mó dimul nda le nda tɛɛngullo aa: «Niaa co puapilɛa nia ni, niaa co vanayɛi nii kpeekpei ni. Lelan la vá vanaa mɛɛlaa le ya mingio o masale nilen coo le.

Fulaa 21:12

«Te vanndo lɔɔ pɛ vanacieo mì vanaciee kon vi, vana lɔɔ ndu kon-ndo bɛnda mò sɔla piɔ́mndo kangalan.

2Samiɛl 3:38

Mí David dimul vanaa ndɔa baalaa aa: «La co pá sina maa simlacinɔ bɛndoo sɔla hau piɔ́mndo Israɛlla tɛɛn?

2Samiɛl 16:10

Kɛ mí masaa mulul ndu aa: «Niaa poaa Seruya-a, le yɛɛ nɛ niaa co yɛ sondoo vowvo o sɔɛi he nin? Te o yeow ya pɛ, mɛɛ Mɛlɛka vem ndu ni aa o yeow ya David. Te lende yɛ ni, nɛ̀ɛ́ nɔla yɛnin mò ɲuna ndu aa ‹Le yɛɛ n co hee tosaa?›»

2Samiɛl 19:22

O kon mí Abisai, po Seruya-o soaa, mó ɲuna masaa aa: «Vɛ̀ɛ̀ le hee Simei yeow hoo masa Mɛlɛka pɔla-o-o kɛɛnin piɔ́mndo sɔla ni?»

1Masaa 2:32

Abnɛr po Nɛr va simlacinɔ vanaa cɔwva Israɛl-lo a Amasa po Yetɛr va simlacinɔ vanaa cɔwva Yuda-o pɛɛn. Vanaa ŋiɔŋaa kan ndáà hiow ndu sandei, ndáà va vɛlɛ fisa a ndu ni. Kɛ mó diw nda, fuɲa nuu sina le. Lelan Mɛlɛka co ndu pila màá kon mingi coo.

1Dɛnnda lemasalan 29:1

Mí masaa David dimul vannda kpow aa: «Langbanɔ felengi nɔ vɔ taasi bɔɔ loo Salomɔn po ni co ni, o Mɛlɛka hɛli-o. Nduyɛ, baalaa co o bɔɔ, kani o co cɛi lemasa vanaciee le co tangulɔn te, kɛ Cɛi-Mɛlɛka-o ni, Hala pɛɛn.

2Dɛnnda lemasalan 13:7

Mí vanaa fondoa a diɔmnda cuungian, má sim ndu Yeroboam kɔɔli, má nɔla Roboam po Salomɔn-ndo. Roboam ndóò dɔɔnan-ndɔ, ndóò nɔla vɔ ɲɛ-ɲɛ dimi a ɲɛ-ɲɛ tosa a ba ndɔ le. Le hee, mí yoomuan ma fula ndu nda o hɔl.

Yeremi 38:5

Mí masaa Sedekia mulul nda aa: «La ce ndu, mɛ̀ɛ́-mɛ̀ɛ́ niaa yeema pɛ la tosa. I co bɛɛ masa nuaa, kɛ i nɔla niaa kuuna le.»

Daniɛl 6:16

Kɛ mí langbaa kan muungu o masaa lo, má dimul ndu aa: «Masaa, sina maa o tɔŋ Mɛdia a Pɛrsea nin, sɔɛi masaa handu baa coo-e mángàlan te.»

Kundalan 32:23

Kɛ te la tosa lende le, mɛɛ la cua hakio a Mɛlɛka, mɛɛ niaa pila kɔmnde yɔŋ vɔɔn niaa co delɔɔ o lebol ni.

Masaa kialaa n'yamaa 9:57

Mí Hala tuisi vɛlɛ Sikɛmnda sangalan coo le kɔlvesɛi nda bɛndoo. Mí dangala Yotam po Yerubaal-lo dɔw nda lan kpow la peelun kpafii.

1Masaa 2:9

Lelan, vana kɔlkaloo n co ni, mal ndu haki le, a sina mɛɛ n bɛnda le ndu biyɔɔ yɛ. A yuuvɛi ndɔɛi ken kpede, dii ndu.»

Esai 3:11

Dɛnɛ palaa co le vana kɔlvesɛiyo! Sangaa co ndu cum! Kani o sɔlanin tɔnɔ vali bala ndɔlan la co tosaa-o.