2Samiɛl 3:31 - BII BILA

³¹ Mí David dimul Yoab a vanaa va ndu kɔɔli-a kpow aa: «La sɛɛsiaa volɔɔla niaalan, mì la vownun volɔɔla yuululan le Abnɛr caŋndo.» Masaa David pila va kɔlan sángá ndáà heelu Abnɛr coo-o kɔɔli.

2Samiɛl 3:31 Referans Kwoze

O Kandɔɔ 37:34

O kon, mó sɛɛsiaa volɔɔla ndɔla cuɛinanndan, mó yiinun volɔɔla biisilan o caŋ, mó caŋ po ndɔɔ taw.

2Samiɛl 1:11

Mí David sɛɛsian volɔɔlan lekɔɔ, mí vanaa va ndu ikɛi-ya bɛɛ sɛɛsian volɔɔlan lekɔɔ.

2Samiɛl 1:2

O paale yàándɔlen, mí langbanɔɔ pum fula o dɔ́ɔ́ngɔ́ Saul-lo nin, mó hun. Volɔɔla sɛɛsiɛilan la va ndu lekɔɔ, loolio va ndu o suiyan o lebol kpow. Ndóò sɔɔnguuo David ikɛi, mó del lɛŋ, mó baŋ vulan.

Masaa kialaa n'yamaa 11:35

Yɛfte cɔu ndu dɔ́ɔ́, mó sɛɛsiaa volɔɔla ndɔlan, mó koŋul kpélén aa: «Éé Cuanndo! A mal-la o sangaa nin fɔ́! Nɔm co vana pilɛ o vanaa kondul-la dɛnɛ-a tɛɛn. Ciɛ́i ya cua o Mɛlɛka lo ni, i nɔla lɛ ndi tɛɛmbuu le few.»

Yosue 7:6

O kon mí Yosue sɛɛsian volɔɔlan lekɔɔ, mó del o kuumbuan lɛŋ kesu kpemaa o hɔl, mó lo lende háá icɔllo, má vownun cundoo o lebol nda kaasoŋaa kɔlkalua Israɛlla kpow.

Luke 7:14

O kon, mó sɔɔnguu, mó pilan kesu vana vílɛ́i kon va nin-ndo. Mí vanaa va kɔlan a ndu-a sim. Mó dimi aa: «Poo sei, tiondu!»

2Masaa 19:1

Masaa Esekia tueyɔɔ dɔ́ɔ́ kona kon, mó sɛɛsian volɔɔlan lekɔɔ, mó vownun volɔɔla biisilan, mó kɔa o Cɛi-Mɛlɛka-o nin.

O Kandɔɔ 37:29

Tuma Rubɛn muungu o soon kon-ndo, o komal lɛ Yosɛf lon te. Mí mɔnɛi bii ndu, mó sɛɛsiaa volɔɔla ndɔla cuɛinanndan.

Dɛnnda cɔɔmuanndan 11:3

I viamnin seyaa nia ŋiɔnda, a vanin a volɔɔla dɛnɛ palaalan lekɔɔ, mà tɛɛnguu diom nda sɔla Hala o ba-o o palɛi vàá pilɛ kɛmɛ lediin belaŋɔmpumii (1 260) ken bɛngu.»

1Masaa 20:31

Mí vanaa baalaa Bɛn-Hadad-a dimul ndu Bɛn-Hadad aa: «N tuei maa masaa Israɛlla nɔ ɲííye taw. Lelan n bayian ndɔ bɔlɔla yuululan o caŋ, mì n yiwnun yoei o labolo, mì n kɔɛnnun o masa Israɛlla lo, bɔɔle mò mɛi nɔm yoomu.»

1Masaa 21:27

Lɔ́ɔ́ Akab tuei sɔɔn Mɛlɛka-n Elii tɛɛngul ndu mun-ndon-ndo, mó sɛɛsian volɔɔlan lekɔɔ, mó vownun bɔlɔla yuululan, mó bii sumndo. Mó va lɔan a bɔlɔla yuulula lan lekɔɔ, mó muungu kɔlan duɛɛn-duɛɛn.

2Masaa 19:2

Mó viam Eliakim, simlacinɔ cɛi lemasaa, Sɛbna vana sɛvaa a kaasoŋaa kɔlkalua o vanaa-solia-lasálàá tɛɛn o Esai vana-tɛɛngaa-diom Hala-o lo, po Amɔt-o pɛɛn. Vanaa kan bɛɛ volɔɔla biisilan la va nda lekɔɔ.