2Samiɛl 3:28 - BII BILA

²⁸ David tueyɔɔ dɔ́ɔ́ sɔɛi ken, mó dimi aa: «Mɛlɛka sina maa i nɔ laba o piɔ́m Abnɛr, po Nɛr-o sɔla hoo-o nin te. Masale nilen bɛɛ le nɔ laba lenin te.

2Samiɛl 3:28 Referans Kwoze

Kundalan 35:33

La laasiaa lɛŋnde niaa co nin-nden te, kani vana dii pɛ vanacieo mɛɛ ndu nɔɔliaa lɛŋnden. Nduyɛ le lɛŋnden dindinndo, fɔ mì vana dii vanacieo-vo sɔla piɔ́mndo.

Matie 27:24

Mí Pilate ca maa ndóò nɔla lɛ ɲɛ-ɲɛ tosa le, kani vannda va hiovɔɔ laci a vɔngaa. Mó kɔandu mɛnndan, mó pulu balan nda kpow o hɔl, mó dimi aa: «I nɔ laba o sɔɛi piɔ́m vana sandaa ho nin te. Niaa pila sɔɛi piɔ́m ndɔɔ co coo ni.»

Fulaa 21:12

«Te vanndo lɔɔ pɛ vanacieo mì vanaciee kon vi, vana lɔɔ ndu kon-ndo bɛnda mò sɔla piɔ́mndo kangalan.

O Kandɔɔ 9:6

Kani vana soli pɛ vanacieo koovan, ndu bɛɛ vanacieo sòli ndu koovan. Bau a velan ya Hala-o ya cɔw vanacieo ni.

O Kandɔɔ 4:10

Mí Mɛlɛka dimul ndu aa: «Dɛnɛ yɛɛ n tosa yɛ hoo? I co kooma pɔmbɔ nɔmndan tueyɔɔ koŋullo lɛŋ.

2Samiɛl 1:16

Mí David dimi aa: «Nɔm pila cii yaalan, kani a dimi maa nɔm dii masa Mɛlɛka pɔla-o ni. Lelan nɔm pila nuwviaa piɔ́m nɔmndo ni.»

2Samiɛl 3:27

Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

2Samiɛl 3:29

Màá sɔɛi piɔ́m ndɔɔ i va Yoab pila a yungu ndɔɔ kpow o lebol! Màá nààla kɔɔsinalan, te kon te nàà siaŋaa va vannda biyɔɔ lɔ́ɔ́-lɔ́ɔ̀ o yungu Yoab-o nin! Màá vanpiaandua o yungu kon nin a siŋnun vanaa vomulaa! Màá a va piɔ́mndo sɔlaa o mɔɔn cɔwvon bɛngu! Màá yima fofolan ma cúù nda kuee le!»

2Samiɛl 16:8

Màá Mɛlɛka tuisi nɔm sangaa coo le vanaa n diw o yungu Saul-lo nin-nda! Kani nɔm poonda Saul masalen o ba ni. Lelan Mɛlɛka siinguu Absalɔm po nɔm masa nuaa ni. A ce nihau mɛɛ dɛnɛ palaa tol nɔm coo yɛ? Nɔm, vana diyaa n'vanndo n co ni.»