2Samiɛl 3:27 - BII BILA

²⁷ Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

2Samiɛl 3:27 Referans Kwoze

1Masaa 2:5

Handɔɔ o kon coo, nɔm Salomɔn, a sina ɲɛ Yoab, po Seruya-o tosal-la-o, ndu dii simlacia ŋiɔŋaa vanaa cɔvaa Israɛlla ni, Abnɛr po Nɛr-o nda Amasa po Yetɛr-o pɛɛn. Telen kɔlɲuloo va-o ndu kɔ mal kpundɛ cɔw kon ni, mó suinun kooma man o yáwle va ndu o caŋ-nden a o samtala va ndu o n'pelu lan.

1Masaa 2:32

Abnɛr po Nɛr va simlacinɔ vanaa cɔwva Israɛl-lo a Amasa po Yetɛr va simlacinɔ vanaa cɔwva Yuda-o pɛɛn. Vanaa ŋiɔŋaa kan ndáà hiow ndu sandei, ndáà va vɛlɛ fisa a ndu ni. Kɛ mó diw nda, fuɲa nuu sina le. Lelan Mɛlɛka co ndu pila màá kon mingi coo.

Yeremi 41:2

Fɔ́ɔ́fɔ̀, mí Ismaɛl po Netania-o can nda n'van tɔ́a o hin kan kɔɔli-a, má del Kedalia po Ahikam-ndo, po imama Safan-ndo coo, má cuku ndu a mɔɛi cɔwve. Nuaa nda looku vana masaa Babilɔn ndóò siinguu masa ibungaa-o diyɔɔ ni.

Tɔŋ miingua 27:24

Màá dangaa va vana dii vanacieo o vionnɔnndo nin-ndo coo! Vannda kpow a cɛlnin aa: ‹Amiina!›

Kundalan 35:20

Te vanndo ɲindu pɛ vanacieo a nɛyɔnndo, mo dii ndu, te kon te, o tùú pɛ tuu vɔɔndo a ndu, mo vɛ ndu a ɲɛ mo dii ndu,

2Samiɛl 3:26

Yoab faŋanndo David ikɛi, mó kɔ viam kiilaa Abnɛr kɔɔli le ndu biyɔɔ. Má kɔ bii ndu o soon mandaa mamɛnndo Sira, má muungu a ndu. Kɛ David sina a ndi o kɔɔ le.

2Samiɛl 3:28

David tueyɔɔ dɔ́ɔ́ sɔɛi ken, mó dimi aa: «Mɛlɛka sina maa i nɔ laba o piɔ́m Abnɛr, po Nɛr-o sɔla hoo-o nin te. Masale nilen bɛɛ le nɔ laba lenin te.

2Samiɛl 4:1

Lɔ́ɔ́ Is-Bosɛt, po Saul-lo tuei maa Abnɛr sɔla piɔ́mndo Hebrɔn-ndo, mí yoomuan ma fula ndu few, mí siòònde bii Israɛlla kpow.

2Samiɛl 13:26

Mí Absalɔm dimi aa: «Mɛɛ nɔm kɛɛ le kɔlan yɛ, cɛl mì Amnɔn puapilɛ ni liila naa.» Mí masaa ɲuna ndu aa: «Le yɛɛ n yeema yɛ mó kɔɛ lon?»

2Samiɛl 19:13

Lelan mó dimul nda le nda tɛɛngullo aa: «Niaa co puapilɛa nia ni, niaa co vanayɛi nii kpeekpei ni. Lelan la vá vanaa mɛɛlaa le ya mingio o masale nilen coo le.

Kundalan 35:19

Lelan, te vana cɛn le màá kon mingio-o saalun dɔ́ɔ́ pɛ vana kon, o bɛnda mò dii ndu.

1Dɛnnda lemasalan 27:21

Le polale tálále Manase le va o tàndá Kalaad-o nin-nden, Yido po Sakari-o. Le polale Bɛnyamɛn-nden, Yaasiɛl po Abnɛr-o.

Talelan 26:26

Nduyɛ mɛ̀ɛ́-mɛ̀ɛ́ o caa nɛyɔn ndɔɔ vionɔɔ, paale vanin mì vannda kpow a ce kɔlvesɛi ndɔɔ.