2Samiɛl 24:17 - BII BILA

¹⁷ Mɛɛ David ce mɛlɛkanɔɔ vannda diwvo, mó dimul Mɛlɛka aa: «Ya cua hakio ni. Ya tɛɛmbuu tɛɛmbuuo ho ni. Vannda ha tosa dɛnɛ vɔɔn kɛ́-kɛ̀ le. Lelan yandi, tuisi ya pila a yungu nuu sangaa ho coo.»

2Samiɛl 24:17 Referans Kwoze

Condii lisai 74:1

Condii Asaf-e. Kpòkóó Hala! Le yɛɛ n co yɛ naa yomnɔnndo ho nuaa? Le kɔlɔ yɛɛ n co yɛ kɔllo tuuloo a naa, naa cɔlua n co mandaa-a?

2Samiɛl 24:10

O kon kɔɔli, mí kɔllo kandu David fulaa, mí ndu pila yaalan le cɔm o cɔm kon Israɛlla mó sɛva nda-o, mó dimul Mɛlɛka aa: «I cua hakio taw. I tosa bɔɔ dɛnɔɔ maa diɔm. Lelan Mɛlɛka, mal-la haki yandi, ya vana nɔm baalaa.»

SƐBƐ YƆB-O 42:6

Lelan, diom oo diom yáà dimi a nɔm o kɔɔ, i ce nihau maa i nɔ dí le. A ce ya lɛŋ o cundoo nin a o pultan nin sakpo.›»

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Esai 6:5

O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»

Condii lisai 44:11

A co tosaa mí yaamɔaa naa va naa tovɔɔ, mí vanaa nɔ nɛyɔnndo a naa-a va ɲɔɔn hiɔlɔɔ naa o ba.

SƐBƐ YƆB-O 7:20

Mò va maa hakio ya cua ni? Yɛɛ ya tosal-lɛ nɔm, nɔm vana nɔ hoo vanndacieea fɛfɛlaa-o? Le kɔlɔ yɛɛ n hɛli yɛ ya le ya saangiaa? Vɛ̀ɛ̀ volɔɔ lusulaa ya siŋnun le nɔm ni?

1Masaa 22:17

O kon, mí Misee mulul ndu aa: «I ce Israɛlla kpow a sɛŋiannda o pembon coo maa saa nɔ vana mandaa le-a. Nduyɛ Mɛlɛka dimi aa: ‹Vannda ha nɔ lɛ simlacinɔ le, lelan, vana-vana muungun o ndu lo a kɔlɲuloo.›»

O Kandɔɔ 44:33

Lelan, i tɛɛlun nɔm a yandi, cɛl mì ya Yuda siŋnun cɛ nɔmndo o fonda poombɔɔ ho, haliko mo muungu nda bɛndaa ndɔa.

O Kandɔɔ 18:23

Mó sɔɔnguu Mɛlɛka ikɛi, mó dimul ndu aa: «Bàà mà muulian vana sandaa nda vana yɔŋ vɔɔndo tɛɛmbuu latulu?

2Samiɛl 7:8

Lelan sisa, dimul David vana ni baala aa: ‹Mɛlɛka-Nɔ-Kpaayaa-Kpow-vo dimi aa: Ya cua nɔm nɛɛ n va cɔlua mandaa yondoo nin-nda ni, mí siinguu nɔm simlacinɔ Israɛlla, vanaa nia pɛɛn.

Yonas 1:12

Mó mulul nda aa: «La cua ya mì la viow ya o peelo, o kon mɛnndan ma calnin. Kani i sina maa le ya hoeyii fùkù-fùkùi bɛnduei he co niaa palaa ni.»

Fulaa 10:16

Mí Faraɔnnɔɔ viam kiilaa le Moise nda Aarɔn veeloo cɔ́-cɔ́. Mɛɛ nda hin, mó dimul nda aa: «I cua hakio a Mɛlɛka Hala niaa, i cua vɛlɛ hakio a niaa pila.

Kundalan 16:22

Kɛ má del lɛŋ a kuumbuannda o kɔl coo, má piɛi Hala aa: «Éé Hala! Nɔm co Hala nɔ yoomu ɲaa yoomaa kpow o ba-o, vɛ̀ɛ̀ ma tuulu kɔl a sɛ́lɔ́ɔ́ ho kpow le vana pilɛ cua hakio-o?»

2Samiɛl 12:13

O kon mí David dimul Natan aa: «I cua hakio a Mɛlɛka.» Mí Natan dimul David aa: «Mɛlɛka cii nɔm haki malɔɔ le haki kon, a vinin te.

Condii lisai 32:5

O kon kɔɔli, mí sɔlɔlan haki nuu, i vin tɛɛmbuu nuu le. Mí dimi aa: «I co hakila nilan sɔlalan Mɛlɛka o hɔl». Ɛ̀ɛ̀ nduyɛ, má mal-la haki le tɛɛmbuula nilan.

Condii lisai 78:71

mó soli ndu o cɔlua kundaa tɛɛn, mó siinguu ndu vana mandaa yungu Yakɔb-o, Israɛlla, vanaa co kɛ́ ndɔɔ-a pɛɛn.