Biblia Todo Logo
Bib sou entènèt

- Piblisite -




2Samiɛl 24:14 - BII BILA

14 Mí David muli aa: «O sanga kɔl bɛndu-bɛndoo nin ya co nuaa ni. Kɛ o co fisa mì n del Mɛlɛka o ba, yɔŋii naa n del vanacieo o ba. Kani Mɛlɛka ndu caa vanà ɲííye tuinɔnndo taw.»

Gade chapit la Kopi




2Samiɛl 24:14
28 Referans Kwoze  

Éé Mɛlɛka! Ɲíí nɔmnde co i bɔɔ. Kanda yoomu nuu mɛɛ silala nɔmndan la co yɛ.


Condii David-e, í fula o condun simlacinɔ vanaa n'condua nin-nde.


Mí David mulul Kad aa: «Mɔnɛi co ya taw! Kɛ, o co fisa mì del Mɛlɛka o ba, kani ɲíí ndɔɛi co i bɔɔ. Kɛ i yeema mì del vanndacieea o ba le few.»


mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.


Vana kɛndɔɔ Mɛlɛka co le vanndacieea kpow ni, o kaola ɲɛm o cɔw-von kpow.


Kɛɛ nɔm, a tiwba mà mal vana haki, lelan, mɛɛ mì vana ke nɔm bɛɛlen.


Kɛɛ nɔm Maalii, Hala iɲííyo a Hala ikɛndɔɔ n co ni, a yala kɔl fula le, a nɔ kaolaa taw, vana lo o lediom coo-o n co ni.


Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.


Yáà tuulu kɔl a yungu nuu, mí yáà laasiaa kɛ́ nuu, mí yáà mal yungu ni kalaa niaa o ba. La tosa iɲíí a nda le, mí la saangiaa vanaa yuuvɛiya taw a kpaayaa niaa.


Vana sandaa nɔ hɔlten cɔlua ndɔa coo, kɛ vana kɔlvesɛiyo ndu, kpoku-kpoku o co ni.


Kani nɔm Maalii mal vana haki ni, a naŋ, a nɔ kɛndɛi taw le vanaa co nɔm piɛiyo-a.


Idiiyo púŋ, mí buɛi Elise vana-tɛɛngaa-diom Hala-o can le fulaa o kobio kɔɔli, kɛ o komal vanaa cɔwva hin kunda bɛndoo ma balu kobio sɔ́ a soa a á ɲɛla ɲaanannda soa nan-ndan. Mó kɔ dimul Elise vana-tɛɛngaa-diom Hala-o aa: «Éé vana ni bɛndoo! Vɛ̀ɛ̀ naa n tosa yɛnin kpeekpei?»


Lɔ́ɔ́ Israɛlla ce maa dɛnɛ palaa co nin hunɔɔ le nda delɔɔ coo-o, mí vannda kɔa vionnɔnndo o powta kpovalan bɛngu, o buululan nin, o bɔɔlan bɛngu, o bóltan nin a o soonndan nin.


O yɔm tɛndaa tɛɛn ya co ni: yeemɛi co ya le kɔnndan, mì n kɔ vannun naa Krista latulu, ndu hiow va fisa,


«Sisa, kɔllo laasian ya niŋ kpede, i sina bɛɛ ɲɛ ya dimi le! Vɛ̀ɛ̀ mì dimi aa Pua baŋa ya o telenndo ho? Ɛ-ɛ, kani le sangaa ho sɔlaa ya hin ni.


Kɛ i tuulu kɔl taw a vanaa-mangalaa-isɔɔa cennun nda pila ɲɛ-a. Kani ɲɛ-pɔmbɔ koni yáà tuulu kɔl ni, kɛ nda nda, má hun cɔɔlu dɛnɛ palaa vanaa nia handɔɔ lecoo.


Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.


Mí Mefibosɛt baŋ vulan, mó dimi aa: «Masaa, le yɛɛ n co yɛ buulan bɛndoo ho le ya, ya tun vílɛ́iyo ho?»


Niaa Israɛlla, la tiindan Mɛlɛka, kani ndu nɔ kaolaa o ba ni, ndu o ba vana sɔla baŋan kpeekpeiyo ni.


Kɛ paale len, i baŋanin nɔm. A delnin vana siòòŋii ndɔɛi co nɔm-ndo o ba le. Diom Mɛlɛka dimi-o co kon ni.


Vanakɛndɛyɛi Mɛlɛka-e cuu le, ɲíí ndɔɛi nɔ lamɛɛlu le.


Nɔm Maalii Hala naa ɲííye a haki malaa co o ba ni. Kani n simul nɔm a nila kalulan.


O laan vɛlɛ nɔm Hala, a co naa iɲíí tuinɔn, a biinin naa maa tɛɛmbuula naalan la co yɛ le. A viawnin hakila naalan kpow o mɛmma ihɛllan nin polon.


Swiv nou:

Piblisite


Piblisite