2Samiɛl 23:6 - BII BILA

⁶ Kɛ vanaa vo Hala le-a nda, maa yɔm n'yɔɔ vana viaw-vo nda kpow co ni, ò vana cue a ba loo pɛɛn.

2Samiɛl 23:6 Referans Kwoze

Esekiɛl 2:6

Nɔm Po vanacieo yɛ, yɔŋ isiòòn a nda le, siòòŋii bii nɔm le tombola nda bɛndoo le. Nɔm a vanin o yɔɔn a o siɛmbullon tɛɛn, a calnin o ngeemaa coo, kɛ siòòŋii biinin nɔm le tombola ndaa le. A ɲiiyanin le hɔlta ndalan te, kani vanaa nila kalua nda co ni.

Esai 33:12

Vanaa súúla celen ŋɔanin a yinnde pow humbulen maa mɛɛ yɔɔn nda kili-on ŋɔa o yinnden nin yɛ.»

Condii kɛndɛ-kɛndɛi 2:2

«Mɛɛ peengela kɛndɛla lan la co o yɔmii n'yɔɛi tɛɛn yɛ, lende koni caan ni laandoo co cuaambɔa laandua tɛɛn ni.»

2Samiɛl 20:1

Vana poopoo pum va lon diolan Seba, po Bikri fula o polale Bɛnyamɛn-nden nin-ndo o va ni. Mó hɔŋ buloo, mó yonda aa: «Israɛlla, n nɔ tɔnɔ a David le, n sɔlanin kɛ́ po Yisai-yo ho o ba le. Lelan n faŋan ndu kɔɔli, mì vana-vana muungun o ndu lo.»

1Samiɛl 2:12

Vanaa fondoa poaa Helii-a va ni, ndáà nɔ siòòŋii Mɛlɛka le.

Tɔŋ miingua 13:13

Te la tuei pɛ maa o kobila Mɛlɛka Hala niaa ke niaa le calle lan o pilɛ nin,

O Kandɔɔ 3:18

Lɛŋnden le solulnin nɔm yɔɔn a hɛɛnndon. Ɲɛ vanin vulɔɔ o ciɛɔn nin-ndo n vanin dioo ni.

Matie 13:41

Po vanacieo viamnin mɛlɛkaa ndɔa, mà hun suingi vanaa co caanda lueiyo o pɔwlan nin-nda a vanaa tosaa dɛnnda vɔɔnda,

Esai 27:4

I co lɛ a kɔltuw le, kɛ te yɔɔn a siɛmbullon va pɛ lenin, i kuelnin yɔɔn mun a cɔwvo mì kɔ lom mun kpede.

Nahum 1:10

Yaamɔaa niaa vueinun bɛɛ maa bɔɔla n'yɔ, mɛ̀ɛ́-mɛ̀ɛ́ nda pum mɔiyan, a co ŋɔ mà cuulu mungén mɛɛ bil vesɛiyo ŋɔa nuaa yɛ.

1Samiɛl 25:17

Lelan nɔm bɛnda nihau ni mà yiyan mɛɛ n co sɔɛi kalɛi biyɔɔ yɛ, kani dɛnɛ palaa cuu kiolɔn le tolɔɔ vana naa bɛndoo nda yungu ndɔɔ coo. Kani o hiw ba vɔwlen, vana tɔ́ɔ́ndàn bɛɛ le ndu isɔɔ dimul te.»

Misee 7:4

Vana hiow vaa fisa o nda tɛɛn-ndo, maa yɔm n'yɔɔn ndu co ni. Vana hiow nda sandei-yo, maa bɔ̀ɔ̀ n'yɔ ndu co ni. Paale dɛnɛ palaale niaalen le tiiya nuaa ni, paale kpalilaa niaa dimi len, vanaa-tɛɛngaa-diom Hala-a pɛɛn. La co nihau a kɔl isiòòndo.