2Samiɛl 23:5 - BII BILA

⁵ Lende Hala co tosaa a yungu nuu ni: kani o yiilu ya kpema fɛɛn-fɛɛndo, o co o bɛɛndiaa ɲɛkɛndɛi, o co vɛlɛ o mandaa ɲɛkɛndɛi. O co cinda nuu a ɲɛ hɛnan ya-o solio mɛɛ ɲɛ và vulɔɔ.

2Samiɛl 23:5 Referans Kwoze

Esai 55:3

La yaŋ nilan, la hun o ya lo, la yaŋnun ya mì la va yoomu. I yiinin kpema fɛɛn-fɛɛndo a niaa, mì tosal niaa dɛnnda kɛndɛla kɛ́-kɛ̀ yáà tuu le David tosallo.

Yeremi 32:40

I yiinin kpema fɛɛn-fɛɛndo a nda. I mulul-lɛnin nda kɔɔ le. I tosalnin nda dɛnɛ kɛndɔɔ mì tosa ma vo ya o kɔlta ndalan nin, o kon a kue lɛnin ya levil te.

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

Hebreea 6:19

N nɔ laalan kon le yoomu naa maa ciliŋii nda mal o mɛnndan nin le dɛ̀ndɛ̀la bɛndulan simio-e. Laalan kpekpeiyo o co ni, o naa sim coo yilio, o luɛi haa o kola landaa co o Cɛi-Hala-o nin-ndo kɔɔli.

Dɛnnda kiilaa 13:34

Mí Hala ndóò dimi maa o solinin ndu fulaa vanvílɛ́iya tɛɛn, kɔɔle ndɔlen le sinin te. Mó dimi aa: ‹I kenin niaa ɲɛm diandan ya tuu le David-on, n vana nɔla laalanndo handɔɔ coo-on.›

Amɔs 9:11

O paale len nin, i minginin cɛi David co o tambɛiyo-o toosiaa, i minginin tɛɛngun buuluu-on baŋul, mì mingi ndu kpɛlɛkia ɲɛkɛndɛi. I minginin ndu tangul mɛɛ o va paandu yɛ,

Esekiɛl 37:26

I yiinin kpema kɔlɲuloo naa ndaa tɛɛn. Kpema fɛɛn-fɛɛndo vanin naa tɛɛn naa ndaa. I minginin nda kɛsi lon mì vangala nda mà kui taw. I minginin cɛi-kola-toandaa diandaa nda tɛɛn le lɔ́ɔ́-lɔ́ɔ̀.

Esai 61:8

Kani ya Mɛlɛka, dɛnɛ sandaa ya yeema ni, delɔɔ coo a kafalan nɛinun ya taw. I salanin nda kpafii mɛɛ dɛnnda ndalan la co yɛ. I yiinin kpema fɛɛn-fɛɛndo a nda.

Esai 27:6

O siɔdii lacio nin, polale Yakɔb len le vulnin puundon, cuavaa Israɛlla solinin yandɔɔlan mì pei lendei fula lon, o kon, a peinin ceendo a yɛyii ndɛi.

Esai 11:1

O kon kɔɔli tɛiye piaŋnin o yɔm tum Yisai-yo, yɔmndo piaŋnin mò fula o dumbun ndɔn.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Esai 4:2

O telen kon nin, yɛyii Mɛlɛka-e naŋnin mì i sɔla biiloo, kɔmnde lɛŋnden nden le vanin volio a naŋɔɔ, hee co va dɛnɛ kɛndɔɔ ni le Israɛlla hialunnin ma lo yoomu-a.

Condii lisai 119:81

I co cumndo le cinda sɔlaa nɔm o ba, i co sɔɛi nɔmnde cumndo a tiindanndo.

Condii lisai 89:3

I dimulnin vannda mɛɛ kaola nɔmndo co le fɛɛn a fɛɛn yɛ, mɛɛ n lo o lediom coo yɛ.

Condii lisai 62:2

Hala ikɛi damaa ya calnùn nila ɲulu ni, ndu Hala o ba cinda nuu cɛn tum ni.

Condii lisai 27:4

Ɲɔɔ ndu pilɛ kpé ya co Mɛlɛka ɲunaa ni, ò ya co nuwviaa a kɔl nuu kpow-vo: ɲɛ kon co calle o ndu Mɛlɛka lo cɛinin o palɛi ya co yoomu-e kpow bɛngu ni, le naŋɔɔ ndu Mɛlɛka-o tofaa a le naŋɔɔ cɛi ndɔɔ mɛɛndanndo.

1Masaa 12:14

Mó mulul nda mɛɛ langbaa nda va lambi pilɔɔ-a ndáà sila ndu yɛ. Mó dimi aa: «Te volɔɔ lusulaa fuɲa nuu ndóò siilu niaa paandu ni, o laan nin, volɔɔ niaa nɔla cua loo ya co niaa siiluu ni. Te a sionnden fuɲa nuu va niaa paandu lɔɔ ni, ya i co niaa hunɔɔ soŋɔ̀ɔ̀ a kɔlule kpeendaalen.»

1Masaa 11:38

Taa yaŋ pɛ nilan o sɔɔn nun kpow, ma kela o nɛila nilan coo, te dɛnnda nɔmndan la sandu pɛ ya o hɔl, taa bii pɛ silala nilan a tɔŋnda nilan mɛɛ David vana ni baalaa tosa yɛ, i vanin nɔm ikɛi, i beŋnin nɔm cɛiyo mò sim yili mɛɛ ya simul David o ndɔɔ yɛ, mì ke nɔm Israɛl.

1Masaa 1:5

Tuma kon, mí kɔl yongaa luɛi Adoniya, po David velu nda Hakit-o nin, mó dimi aa: «Ya co hunɔɔ siŋnɔn masaa ni.» Mó cua ɲɛ ɲaanan soa nan-ndo o pilɛ, vanaa ɲaanun o soa coo-a a langbaa beleŋuɛɛnu, má va kɔlan ndu laci.

2Samiɛl 18:14

Mí Yoab yonda aa: «I co bɛɛ telen nuu tɛɛmbuu a nɔm te!» O kon, mó cua yɔmii siɛɛmbiɛi ndii yáá, mó kɔ baŋ ndi Absalɔm o kɔllo nɛɛ o va o landanndo-a, o va vɔ yoomu.

2Samiɛl 13:28

Mí Absalɔm dimul buɛyaa ndɔa aa: «La mɛɛndan Amnɔn ɲɛkɛndɛi, telen mɔiyan ma biinin ndu mò naŋ kɔl taw-vo, i dimulnin niaa le ndu biyɔɔ, mì la dii ndu. La yɔŋ isiòòn te dɛ! Sɔɛi fula pɛ i muli. Lelan la vesa hɔlla, mì la tosa vanapɔnɔyɛi.»

2Samiɛl 13:14

Kɛ a kon kpede, Amnɔn yeŋ ndu lani le. Mó kpuva ndu, mó hini a ndu.

2Samiɛl 12:10

Lelan, kandɔɔ sisa, mɔɛi cɔwve feŋan ndɛnin lɔ́ɔ́-lɔ́ɔ̀ o nɔm ndo cɛinin te, kani a pɛɛsa ya, má mulin vɛlɛ má cua lanɔɔ Uri Hitiinɔ, má siinguu ndu laa nɔm.

2Samiɛl 7:18

Mí masaa David kɔa, mó cal Mɛlɛka o hɔl, mó dimi aa: «Yɛɛ nɛ ya co yɛ Maalii, Mɛlɛka? Yɛɛ nɛ yungu nuu co yɛ, mì nɔm Mɛlɛka siinguu ya vana vaa lende?

1Samiɛl 25:28

A yandi, mal ya buɛi nɔm laandoo haki le pɔwla nilan. I laalan maa Mɛlɛka luei masalen o nɔm ndo cɛinin le lɔ́ɔ́-lɔ́ɔ̀, kani a co cɔwlan tosaa le Mɛlɛka. Lelan, màá vana ca dɛnɛ vɔɔn o kela nɔmndo nin te!

1Samiɛl 2:35

O kon kɔɔli, i hɛlinin vana-solia-lasálà sandaa biinin diom nuu-o, ó tosanin hɛnan nuu-o pɛɛn. I yɔngunin ndu poaa, mí poaa kan siŋnun vanaa-solia-lasálàá masa ya hɛlinin-ndo ikɛi le fɛɛn a fɛɛn.

O Kandɔɔ 9:16

Ninginangaa hini pɛ o yumbuyumboo coo, mì tofa ndu, i loonun dɔ́ɔ́ a kpema ya yiilu ɲaa yoomaa o lɛŋnden coo le fɛɛn a fɛɛn-ndo.»

2Samiɛl 7:12

Nduyɛ, lɔ́ɔ́ palɛi nɔmnde peelunnin fɛɛn, mà dem fuɲaa nɔmaa mamaa ciee-piɔ́m-ndo, i hɛlinin hɔ́ɔ́ fula nɔm ipulu-o pum, mì ndu koma tosa masalen o fonda nɔmndo. I siminin masale ndɔlen yili.

Esai 54:10

Hali o va bɛɛ mì pembun bɛndon hiilun, hali pembun pɔmbɔn biiŋun bɛɛ, kaola ya nɔ le nɔmndo bɔndɔlanin te, kpema kɔlɲulu ya yii a nɔmndo bɛɛ kpeŋannin te.» Mɛlɛka nɔ ɲííye a nɔmndo dimi lende ni.

Yeremi 33:21

Lende koni, kpema ya yiilu David vana ni baalaa-o tembunin te. Vana-vana kuunanin vɛlɛ cuavaa-imamaa David-a masalen tosaa Yerusalɛm lɔ́ɔ́-lɔ́ɔ̀ le, cuavaa-imamaa Levii-a bɛɛ a pɛnginin a ya sálàlan solullo le.

Condii lisai 111:9

O tosa mí vanaa ndɔa sɔla baŋaa, mó yiilu nda kpema fɛɛn-fɛɛndo. Mɛlɛka dendu, vana lakaamaa o co ni.