2Samiɛl 23:18 - BII BILA

¹⁸ Abisai pɔmbɔɔ Yoab, po Seruya-o, o kunda vanaa mandaa masaa nin o va ni. Ndu hiŋ bállo ni, mó diw vannda kɛmɛ leyáá. Mó pialnun diolan taw o kunda vanaa yaa kon coo.

2Samiɛl 23:18 Referans Kwoze

2Samiɛl 10:14

Mɛɛ Amɔnnda ce Aramiia ɲaanɔnndo, mí nda bɛɛ ɲaanun Abisai, má muungun o kobi ndaa nin. O kon, Yoab cɔlɔba lɛ Amɔnnda le, mó muungu Yerusalɛm.

2Samiɛl 10:10

Mó mɛi vanaa cɔvaa tɔ̀a Abisai pɔmbɔ ndɔ o ba bɛngu, mó simi nda a kpengii Amɔnnda va hunɔ̀ɔ̀ nda fulal-le.

2Samiɛl 18:2

mó piɔw nda kundulan tan yáá, mó handu Yoab, po Seruya-o kundaa pilɛ bollen, mó handu Abisai, pɔmbɔɔ Yoab kundaa pilɛ bollen, mó handu Itai fula Kat-o kunda yàándɔɔ bollen. O kon kɔɔli, mó dimul vanaa ndɔa cɔwva maa ndu bɛɛ yeema mà kɔɛ latulu nda ndaa o cɔwvo.

1Dɛnnda lemasalan 2:16

Yemaa ndaa yɔŋnun Seruya nda Abikail ni. Mí Seruya vialu poaa nda yáá: Abisai, Yoab a Asaɛl.

2Samiɛl 20:10

Amasa ve sina maa Yoab ndóò nɔ mɔɛi cɔwve o baa pilɔɔ le. Mí Yoab cɔaŋ mɔɛi cɔvii ken Amasa o dembe lepilɛ kpé, mí pulun ndɔn hulun lɛŋ. O pei ndu cukɔɔ lediin te, mí Amasa vu. O kon kɔɔli, mí Yoab nda Abisai pɔmbɔ ndɔ a mɛi ndu lon, má hiawnun Seba, po Bikri-o nuwviaa.

2Samiɛl 3:30

Nuaa Yoab nda Abisai pɔmbɔ ndɔ a dii Abnɛr ni, le diyɔɔ Abnɛr dii Asaɛl pɔmbɔ nda o cɔwvo Kabaɔn-ndo.

2Samiɛl 2:18

Poaa yáá-aa Seruya-a va lon: Yoab, Abisai a Asaɛl. Asaɛl ve vana lusulan te, keleŋaa pila ndóò keleŋa ni maa púvɛ.

2Samiɛl 23:19

Mó siŋnun vana bɛndoo vanaa yaa kan coo, mó siŋnun simlacinɔ ndaa. Kɛ o ve o kunda vanaa yaa-a kan nin te.

Vana Kɔlkaloo 4:12

Vanaa ŋiɔn a nɔla mà simul vana óò delnin vana pilɛ coo mì ndóò nɔla ndu-o. Yoole lɔnnun a kɛilan tan yáá len le yala siɔŋ te.