2Samiɛl 23:16 - BII BILA

¹⁶ Mí kuubaa cɔvaa yáá-aa kan kɔ fula fɛlɛmɛndɛn o dɔ́ɔ́ngɔ́ Filistia nin, má kɔ kɔandu mɛnndan o soon mandaa mamɛn va kon Bɛtlɛhɛm ciee-lekɔɔ-o nin, má kɔa a man, má yɔngu David. Kɛ David kol man te, mó solul Mɛlɛka man sálàá, mó cuuŋuu man lɛŋ.

2Samiɛl 23:16 Referans Kwoze

2Korɛntea 5:14

Kani kaola Yeesu-o hiow naa mayoomu, bau n sínà pɛɛngu maa vana pilɛ kpé sɔla piɔ́mndo le vannda kpow ni. Lelan, piɔ́m o sɔla kon-ndo, vannda kpow a vi vu kon lende ni.

O Kandɔɔ 35:14

Mí Yakɔb baŋ pow sálàá o fonda Hala soo kon o ndu lo-o kpeekpei. Mó soli sálà mamɔiyo lon, mó cuiŋi mɔima man o pow sálà kon coo, mó tala cuɛiyan lecoo.

Rɔmnda 5:7

O kendu le cɛlɔɔ mì vana vi le vana sandaa. Bɔɔle mì vanndo pum cɛl le vuo le vana tosaa dɛnɛ kɛndɔɔ.

Cɛɛŋɔnnda Yeremi lan 2:19

Cɔn ma lɔl yondaa pii. Tɔɔnun kɔl cɛ́kɛ́lɛ́ Mɛlɛka o hɔl. Heelu balan o ndu lo mà piɛi ndu le cuavaa nɔmaa co vuo o nɛilan coo a yiaan-nda.

Filipea 2:17

Kɛ o va bɛɛ mì kooma nian ma siŋnun sálàá handɔɔ o sálà niaa co Hala solullo a laalanndo-o coo, ɲɔɔ hɛnan ya ni, mì dɔwnun ɲaale a niaa kpow latulu.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

2Samiɛl 23:9

O ndu kɔɔli, Eleasar po Dodo-o, po imama Ahohiinɔɔ pum. O va vana pilɛ o vanaa cɔvaa kɔɛ David kɔɔli o cɔwvo, lɔ́ɔ́ o kɔ tiŋ Filistia, mí Filistia kan cuungian le cɔwvo, mí Israɛlla ndáà helnun o pembon coo-o-a nin.

1Samiɛl 19:5

O vɔngul yoomu ndɔɔ le Koliat Filistinɔɔ diyɔɔ. Ɲinkon, mí Mɛlɛka mala Israɛlla kpow má nɔla yaamɔaa ndaa. Mí nɔm pila ca dɛnɛ kon, nduyɛ ma dɔawnun ɲaale a ndu. Le yɛɛ nɛ n co yɛ niko hakio cuaa ma cii yoomu vana tɛɛmbuu isɔɔ loo? Le yɛɛ nɛ n yeema yɛ le David diyɔɔ o fondo fúúo coo?»

1Samiɛl 7:6

Mí Israɛlla cuungian Mispa. Má kɔandu mɛnndan, má cuuŋuu man lɛŋ Mɛlɛka o hɔl, má bii sumndo paale len. O kon kɔɔli, má sɔlɔlan hakila ndáà cua a Mɛlɛka lan. Mispa lon Samiɛl siŋnun simlacinɔ Israɛlla ni.

Kundalan 28:7

Mì la handu vɛlɛ sálà mamɔiyo lecoo, mɔima kɛndɛ-kɛndɛan litilio o pilɛ a tálá le saa téndé tasoo, o Fonda-Diandaa nin mɔima man ma bɛnda ni mi ma yɔngun Mɛlɛka.

1Dɛnnda lemasalan 11:18

O kon mí kuubaa yáá-aa kan dimi aa: «Mɛɛ la va pɛ la va!» Má kɔa cɔ́-cɔ́, má kɔ luɛi a kpaayaa o dɔ́ɔ́ngɔ́ɔ̀ Filistia nin, má kɔandu mɛmma kalan. Má muungu a man, má kɔ yɔngu David. Kɛ David cɛl le man kolɔɔ le, mó solul Mɛlɛka man sálàá, mó cuiŋi man lɛŋ.

Vana Kɔlkaloo 4:12

Vanaa ŋiɔn a nɔla mà simul vana óò delnin vana pilɛ coo mì ndóò nɔla ndu-o. Yoole lɔnnun a kɛilan tan yáá len le yala siɔŋ te.