Biblia Todo Logo
Bib sou entènèt

- Piblisite -




2Samiɛl 23:10 - BII BILA

10 Ndu Eleasar kon cɛn ni mó diw Filistia háá mí baa kengela ndu, mí ba kalaa baanun o mɔɛi cɔwve. Paale len, mí Mɛlɛka yɔngu Israɛlla yoomuan taw, má nɔla yaamɔɔa. Mí vanaa cɔwva muungu Eleasar o ibuŋ, kɛ le ɲɛ vanaa o diw-va cɔwviaa daama ndáà muungu ni.

Gade chapit la Kopi




2Samiɛl 23:10
20 Referans Kwoze  

O vɔngul yoomu ndɔɔ le Koliat Filistinɔɔ diyɔɔ. Ɲinkon, mí Mɛlɛka mala Israɛlla kpow má nɔla yaamɔaa ndaa. Mí nɔm pila ca dɛnɛ kon, nduyɛ ma dɔawnun ɲaale a ndu. Le yɛɛ nɛ n co yɛ niko hakio cuaa ma cii yoomu vana tɛɛmbuu isɔɔ loo? Le yɛɛ nɛ n yeema yɛ le David diyɔɔ o fondo fúúo coo?»


Kɛ mí Saul dimi aa: «O bɛnda mì vana-vana sɔla piɔ́mndo paalɛn te, kani hau Mɛlɛka baŋa Israɛlla ni.»


O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.


Kani i diminin isɔɔ oo isɔɔ le, te o co sɔɛi Krista tosa o ya nin-nde le, sɔɛi o tosa mí vanaa co n'yuif le-a bii sɔɛi Hala-e yɛ. A sɔɛi sondoei a á dɛnndan o tosa ken


Lelan ya yɔngunin ndu kunda ndɔɔ nda sɛ́lɛ́ bɛndoo latulu ni, a piɔvannin ɲɛm nda poondiaa o cɔwvo-on nda vanaa kpaayaa latulu, kani ndu pila yɔngun le piɔ́mndo sɔlaa ni, mó cɔmnun vanaa tɛɛmbua tɔŋnda coo, nduyɛ mó siilun haki vannda taw-taw, mó soaa le vanaa tɛɛmbuu tɔŋndan-nda.


Nɔm Hala co masaa malaa ni, nɔm baŋa David, vana baala nɔmndo o mɔɛi cɔwve bɛngu-o.


Hun mala naa yaamɔɔa cɔlɔba, kani mala vanacieo mala vana-o co ɲɛ-ɲɛ le.


Maalii co diomndo malɔɔ, vanlaandua co Yoongu kɛndɛ kon yondaa-a co sɛ́lɛ́ taw:


Naaman va bolle vanaa cɔvaa masaa Aram ni. Vana vana ndɔ bɛndoo ndóò ce ɲia taw-vo o va ni, kani a ndu Mɛlɛka kei le Aramiia kpaayaa yɔngoo le yaamɔaa ndaa nɔlaa ni. Kɛ a tɔ́ɔ́ bɛndu ndóò nɔ kon-ndo kpow, nàà siaŋaa va ndu.


Nuaa Mɛlɛka mala Israɛlla paale len ni, má nɔla Filistia, má lo cɔwvo háá má kɔ hiaw Bɛt-Avɛn.


Mí Yonatan dimul langbanɔ va ndu kon ɲɛm cɔwvon cuello-o aa: «Hun mì n sɔɔnguu vanaa dii haa tooma le-a macɛlu kpɛɛlun, bɔɔle mì Mɛlɛka mala naa mì n nɔla nda. Kani n va sɛ́lɛ́, n va sɛ́lɛ́ le, Mɛlɛka dimi pɛ le naa baŋaa, o baŋa naa.»


Fɔ́ɔ́fɔ̀, mí kolɔɔ bii Samsɔn, mó tosa piɛilen mó dimul Mɛlɛka aa: «Éé Hala! Nɔm yɔngu ya vana nɔm baalaa kpaayaa ni mí nɔla vannda ha. Vɛ̀ɛ̀ mì vi nihau a bolola vesɛilan, mì del vanaa dii haa toma le-a o ba?»


Tuma nda tiiya Lehi-o, mí Filistia hun ndu bɔŋaa a yoondiaalan le cɔmndo maa a nɔla ndu. Kɛ mí kɔl Mɛlɛka-o toal Samsɔn coo, mó piasa. Fɔ́ɔ́fɔ̀, mí yoei ndáà yiw ndu congúlan a balan-nde kioli cɔ́-cɔ́ maa kɛi ŋɔalɛi.


Mí Mɛlɛka mal nda Israɛlla o ba, má diw nda. Má toaw nda háá o kobi bɛndoo Sidɔn, kɔlan háá Misrefɔt-Maim a o bóllo Mispa a ba paalen le can-ndo. Má diw nda, hali vana pilɛ a mɛi yoomu le.


Mó bii tàndàla lan a masaa ndaa kpow o lepilɔɔ. Kani Mɛlɛka Hala Israɛlla va cɔwvo tosaa le nda ni.


Mí Mɛlɛka tosa mí Amoriia ɲaanun Israɛlla, mí Israɛlla diw nda diwvo pila Kabaɔn ciee-lekɔɔ lon, má ɲaanun nda kɔɔli le kɔlan helɔɔ Bɛt-Hɔrɔn, má lo kɔlan a nda koŋɔɔ háá má tiiya Aseka a Makeda.


Kɛ mí Samma kɔ sim o ciɛi kɔllo, mó puusiaa Filistia o fonda kon, mó diw nda. Mí Mɛlɛka yɔngu Israɛlla yoomuan, má nɔla yaamɔɔa.


O va David ikɛi Pas-Dammin, nɛɛ Filistia ndáà cuungian le cɔwvo tosaa-a. Ciɛi ɔrse va o fonda kon, mí vanaa cɔvaa Israɛlla ɲaanun Filistia.


Mí Israɛlla pɛngi kiltan nda kɔɔli, má muungu o dɔ́ɔ́ngɔ́ Filistia nin le ɲɛm ndan cɔwviaa.


Swiv nou:

Piblisite


Piblisite