2Samiɛl 22:48 - BII BILA

⁴⁸ Hala kon cɛl ni mì mingi màá, ndu tuisi vanaa súúla celennda ya o ba bɛngu ni.

2Samiɛl 22:48 Referans Kwoze

Condii lisai 144:2

Ndu co ya kandaa ni, kpaki nuu, nɛɛ nia viannannda, vana baŋaa nuu, kɔ̀ɔ̀ cɔw co ya kandaa-o, o ndu nin ya viannun ni. Ndu kɛ́si vannda kpow ya o labɛngunin ni.

Condii lisai 94:1

Kpòkóó Mɛlɛka, Hala vana mingiaa màá, Hala vana mingi màálan-ndo, cɔm diondɔɔ nɔmndo!

1Korɛntea 15:25

Kani mɛɛ mò tosa masalen háá mò nɛw yaamɔaa ndɔa a n'pelu.

Condii lisai 110:1

Condii fula o condun David-on nin-nde. Sɔɛi Mɛlɛka dimul Maalii nuu-e co hee ni aa: «Hun mà cal-la o ba kɛndɔɔ coo, mì mal yaamɔaa nɔmnda nɔm o labɛngunin.»

2Samiɛl 18:31

Tuma kon kpafii mí Kusiinɔɔ tiiya, mó dimul masaa aa: «Òó masaa, vana bɛndoo! Yaŋnun-ndɔ Yoongu kɛndɛ ya hin nɔm dimullo! Mɛlɛka ke nɔm hau dí vanaa cɛn le nɔm cɔlɔbaa-a coo.»

2Samiɛl 18:19

Mí Ahimaas, po Sadɔk-o dimul Yoab aa: «Cɛl mì ɲaanun, mì kɔ cɔm masaa mɛɛ Mɛlɛka baŋa ndu yaamɔaa ndɔa o ba yɛ.»

1Samiɛl 25:39

David tueyɔɔ maa Nabal vi, mó dimi aa: «I mel Mɛlɛka balika le tùú o lɔɔnun ibuŋ le ya, mó mingi màá nuu le bɛ̀ɛ̀la Nabal tɛɛmbuu ya lan-ndo. O cɛl mì tosa dɛnɛ vɔɔn te, mó tuisi Nabal pila kɔlvesɛi ndɔ ndu pilaa coo.» Mí David viam kiilaa o Abikail lo le ndu kaolaa mò siŋnun laa ndɔ.

1Samiɛl 25:30

Tuma Mɛlɛka tosalnin nɔm dɛnnda kɛndɛla o yiilu nɔm kpemaa lan kpow, mò siinguu nɔm simlacinɔ Israɛlla-o,

1Samiɛl 24:12

Òó Pua, tofa vɔ! Tofa vɔ bɔ̀ɔ̀le doma nɔm bɛndoo ya o ba! Yáà tiwba mì yáà dii nɔm, kɛ bɔ̀ɔ̀le doma nɔm bɛndoo daama ya kelu ni. Lelan sina maa i nɔ nɛyɔn nɔm te, i tɛɛndan nɔm te, i cue vɛlɛ haki a nɔm te. Kɛ mí nɔm va ya tovɔɔ le ya diyɔɔ.

2Samiɛl 4:8

Má yoo masaa David bolle Is-Bosɛt len nɛɛ o va Hebrɔn-nda, má dimul ndu aa: «Má cè bolle Is-Bosɛt len! Po Saul yaamɔɔ nɔm-ndo pɛɛn. O va hoo nɔm kɔɔli le nɔm diyɔɔ-o. Mɛlɛka mingi hau màá le nɔm masaa Saul nda polale ndɔlen coo.»

Tɔŋ miingua 32:35

Ya co vana mingiaa màá ni, ya sala vanndo le ɲɛ o tosa-o ni. Tuma nda boŋnin-ndo, ya saalanin nda ni. Kani paale dɛnɛ palaalen le co nin le tiiyaa nda coo. Dɛnɛ palaa kelun le nda-o tamalanin le tolɔɔ nda coo le.