2Samiɛl 22:44 - BII BILA

⁴⁴ Nɔm Mɛlɛka, a co ya baŋaa o sɔngɔla vanaa nia bɛngu, a co ya mandaa vanaa-mangalaa-isɔɔa laci. Vanaa ya sina le-a co o ba nuu bɛngu.

2Samiɛl 22:44 Referans Kwoze

Esai 55:5

Tofa vɔ: a veelunin vanaa-mangalaa-isɔɔa n sina le-a. Vanaa-mangalaa-isɔɔa sina nɔm te-a hunnin o nɔm ndo a kiltan bilika-bilika, le Mɛlɛka, Hala nɔmndo, O-Diandaa Israɛlla pɛɛn, o co nɔm bɛɛlen yɔngoo-o.

2Samiɛl 3:1

Mí cɔwvo viaw yungu Saul-lo nda yungu David-o tɛɛn taw. Kɛ a kon kpede, yungu David-o va hiovɔɔ laci a yoomuan sɔlaa taw-taw. Mí yungu Saul-lo nda va yoomuan fulaa tuŋ-tuŋ.

2Samiɛl 19:14

La kɔ dimul vɛlɛ Amasa aa: ‹Vanayɛi kpeekpei naa n co naa ndu ni. Lelan, ndu ya handunin vanaa cɔwva bollen o fonda Yoab-o le lɔ́ɔ́-lɔ́ɔ̀ ni. Te i tosa kon te, dɛnɛ palaa súú-súù Hala yeema pɛ o tuisi ya coo.›»

2Samiɛl 19:9

O kon mí masaa can, mó kɔ cal o dio luɛyaa kobio. Má dimul vannda kpow aa: «La tofa vɔ masaa icali o dio kobio se!» Mí vannda kpow hun o ndu lo. Israɛlla ndáà sɔɔndian nin, mí vana-vana kɔannun o ndu lo.

Tɔŋ miingua 28:13

Mɛlɛka siinguunin niaa vanaa tasea, la venin vanaa mɛɛlaa le few. O kenin niaa vanabɛnduyɛi, la venin icali vana o ba bɛngu le. Kɛ fɔ mì la bii fɔlɔn tɔŋnda Mɛlɛka Hala niaa, la ya co hau niaa yɔngoo lan, mì la kela lecoo.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Rɔmnda 15:12

Mí Esai bɛɛ dimi aa: «Cua imama Yisai-yo hunnin, o cannin le masalen tosaa vanaa-mangalaa-isɔɔa coo-o. Vanaa-mangalaa-isɔɔa kɛsinin ndu kɔllo coo.»

Rɔmnda 9:25

Maa mɛɛ o dimi ndi o sɛbɛ Osee-o nin yɛ aa: «Vanaa ve vanaa ni le-a, i veelunin nda aa a nia, mì veelu vanaa-mangalaa-isɔɔa yáà kaola le-a aa vanaa hɛnan ya-a.

Osee 2:23

Mɛlɛka dimi nuaa ni aa: «Paale len, i mulinin piɛilen. I mululnin halataala piɛilen, mì halataala mulul lɛŋnden piɛilen,

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Esai 65:1

I yɔngun mí vanaa ve ya ɲɛ-ɲɛ ɲuna le-a a sɔɔnguu ya ikɛi. I cɔmnun mí vanaa ve ya nuwviaa le-a saalun ya, mí dimul vanaa-mangalaa-isɔɔa ve diola nilan veelu lepilɛ bɛɛ le-a aa: «I co nanu! La nuaa vɔ ya!»

Esai 60:12

Kani te vanaa-mangalaa-isɔɔa a masalen a hun kɛɛ pɛ le nɔm baalaa tosallo, a tɛɛmbunnin nda mà ɲum mundu.

Condii lisai 110:6

O kialunin vanaa-mangalaa-isɔɔa iyama, vanvílɛ́iya vanin kundalan, o ciimiaanin masaa co o lɛŋnden kpow coo-a.

Condii lisai 18:43

I co nda ciimiaa mɛɛ cundu hoeiye kɔandu-o co nuaa yɛ, i co nda nɛwvo mɛɛ vana nɛw loolio o nɛi nuaa yɛ.

Condii lisai 2:8

Ɲuna ya, mì yɔngu nɔm vanaa-mangalaa-isɔɔa kpede kɛ́ɔ, mì ke nɔm lɛŋnden háá o mɛɛlula ndɔlan, mì le va ɲɛ nɔm pɛ́-pɛ́.

2Samiɛl 20:22

Mí cuaa muungu o vanaa tɔ̀a lo, mó kɔ yɔngu nda sila kɔlkalu kon. O kon, má kɔ kialu Seba, po Bikri-o bollen kpali, má vuulu Yoab len o kpakio kɔɔli. O kon kɔɔli, mí Yoab hɔŋ buloo, fɔ́ɔ́fɔ̀, mí vanaa ndɔa cɔwva mal kobio, má muungu o la nda lo. Mí Yoab pila muungu Yerusalɛm masaa David o ibuŋ.

2Samiɛl 5:1

Mí vannda fula o polama yɛ́-yɛ́ma Israɛlla kpow nin, má komal David Hebrɔn, má dimul ndu aa: «Má cè naa! Kooma pilɛan a vanaa pilɛa kpé naa n co naa niaa ni.

Esai 55:4

Tofa vɔ: i siinguu ndu seiyo le vanaa súúla celen. I kɛsi ndu maa simlacinɔ le vanaa súúla celen masalen tosaa coo.