2Samiɛl 22:43 - BII BILA

⁴³ I co nda cuiyo, mí va nda mingio maa cundu, i co nda nɛwvo mɛɛ vana nɛw loolio o nɛi nuaa yɛ.

2Samiɛl 22:43 Referans Kwoze

Misee 7:10

Yaamɔɔ nuu canin ken, mì siɛmbulan la bii ndu mɔ́ɔ̀yɔ̀ɔ̀. Ndu yaamɔɔ kon va ya dimullo ni aa: ‹Kuɛɛ nɛ Mɛlɛka Hala nɔmndo co yɛ?› Yaamɔɔ nuu nɛwnunnin a labɛngu maa looli co o nɛilan coo-o, mì ce ken a lehɔl kpendekele.

Esai 10:6

I mal ndu le vanaa sina Hala le-a kuello, I yɛɛ ndu le kɔlan vanaa tuulu ya kɔllo-a delɔɔ coo, haliko mo poondiaa nda ɲɔɔn o ba, mò nɛw nda a labɛngu mɛɛ vana nɛw loolio o nɛilan coo yɛ.

2Masaa 13:7

Vanaa cɔvaa Mɛlɛka ndóò mel Yoahas daama-a va haa ni: vanaa ɲaanun o soa coo-a n'van beleŋuɛɛnu, ɲɛla ɲaanannda soa nan-ndan tɔ́ a vanaa tosa cɔwvo a n'pelu-a vaalan tɔ́. Kani mí masaa Aram ndóò diw nda taw, mó mingi nda maa cundu vannda kei nɛw a n'pelu-o.

Sakari 10:5

A vanin o cɔwvo nin maa kuubaa cɔw, mà nɛw loolio o nɛi a labɛngu. Lende nda tosanin cɔwvo ni. Kani Mɛlɛka vanin nda ikɛi, lelan, yaamɔaa ndaa vanin o soa coo mì siɛmbulan la bii nda.

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Sakari 2:6

Mí ɲuna ndu aa: ‹Kuɛɛ nɛ n co yɛ kɔlan?› Mó muli aa: ‹Yerusalɛm ya co kɔlan tuuvo ni, le bu ndɔɔ a bandii ndɔɛi sinaa.›

Daniɛl 2:35

O kon, mí cilinnde, puulu loamaa, daɲan, volin humbon a sianion cuinun kpow o lepilɔɔ, mí n siŋnun mɛɛ foeende va o kpele lɔaa n'mallo coo a vɔɔlen nuaa yɛ. Mí hoeiye kɔandu mun selemenden, hali foofoo lo le. Mí pow soŋ kon piɔmndo-o siŋnun pembii bɛnduei, mí i pia lɛŋnden ca.

Esai 26:15

Òó Mɛlɛka, a vangala vanaa-mangalaa-isɔɔa mà kui, a vangala nda mà soli biilu nɔmndo ceen o nda nin. A nan pɛɛngula lelɛŋndan kɔɔli-kɔɔli.

Condii lisai 35:5

Màá mɛlɛkanɔ Hala-o tow nda, mà siŋnun maa bilte hoeiye cua len!

Condii lisai 18:42

A co koŋullo, kɛ a co vana malaa sɔla le, a co Mɛlɛka veeloo, kɛ o co nda mulul te.

Tɔŋ miingua 32:26

Mí dimi aa i yeema mì saŋ nda fásàn. I yeema mì ɲumi diola ndalan vanndacieea tɛɛn.

Esai 41:2

Nɛ̀ɛ́-nɛ̀ soli yɛ vana cindaa co kɔlan kɔɔli a ba paalen le can-ndo-o? Nɛ̀ɛ́-nɛ̀ mal lɛ vanaa-mangalaa-isɔɔa ndu o ba mó kɛsi ndu masaa o labɛngunin? Mɔɛi ndɔɛi cɔwve co vannda cuiyo ndu laci maa cundu, kpaasiaa ndɔɔ co nda saŋɔɔ mɛɛ hoeiye saŋ foeende nuaa yɛ.

Esai 41:25

I cua vanndo pum o lɛŋnde maluaŋlen nin mó hun nanu. O co ya diolan veeloo nɛɛ paalen le can-nda dí. O co vanaa kpaayaa nɛwvo a labɛngu maa looli, maa puulu bɔ́w vana cɔavaa n'kpɛɛnɔɔ co nɛwvo-o.

2Samiɛl 7:9

Nɛɛ-nɛɛ nɔm óò kɔɛ pɛ, i va nɔm ikɛi. Mí diw yaamɔaa nɔmnda kpow nɔm laci. Mí siinguu nɔm vana tɔ́ɔ́ bɛndoo, maa vanaa tɔ́ɔ́ bɛndua co o lɛŋnden coo-a.