2Samiɛl 22:31 - BII BILA

³¹ Hala ndu, nɛi ndɔɔ tiwnun, sɔɛi Mɛlɛka-e co idiandaa válán. Ndu co vana kanda vanaa viannun ndu o ba bɛngu-a kpow-vo ni.

2Samiɛl 22:31 Referans Kwoze

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

Talelan 30:5

Sɔɔn Hala-on kpow n co n'diandaa valan. Ndu co kɔ̀ɔ̀ cɔwvo le vanaa viannun ndu o ba bɛngu-a kpow ni.

Condii lisai 18:30

Nɔm tosa ni mì del kunda vanaa cɔwva coo, nɔm tosa ni mì tiwba kpaki kobio hiovɔɔ.

Matie 5:48

Lelan, niaa la peelun mɛɛ fuɲa niaa co o halataala-o peelun yɛ.»

Condii lisai 119:140

Vannda co fula kɔɔlio tosaa o sɔɔn nɔmndon nin kpow, kɛ ya vana baalaa nɔmndo, i kaola mun taw.

Condii lisai 12:6

Mɛlɛka dimi aa: «Le tùú vanaa nɔ mayoomu le-a co o sangaa nin, mì vanaa bala fondoa co cɛɛŋɔnndo-o, i co cɔnɔn, mì baŋa nda vanaa co nda saangiaa-a o ba.»

2Samiɛl 22:3

Pow kpovaa Hala nuu co le ya ni, nɛɛ ya viannun-nda pɛɛn. Ndu co kɔ̀ɔ̀ cɔw kanda ya-o ni, ndu co vana ni ciindiaa ni, ndu baŋa ya vanaa kɔlvesɛiya o ba ni.

Condii lisai 35:2

Cua kɔ̀ɔ̀ cɔw pɔmbɔɔ a kɔ̀ɔ̀ cɔw bɛndoo ma cɛn, mà mala ya.

Condii lisai 91:4

O kuumbuunin nɔm a kumbannda ndɔlan, mà vennun o bɔɔla ndɔlan bɛngu. Toɲa ndɔɔ vanin kɔ̀ɔ̀ cɔwvo a kpakio le nɔm ni.

Condii lisai 84:9

Tuei piɛile nilen Mɛlɛka, Hala-Nɔ-Kpaayaa-Kpow-vo! Éé Hala Yakɔb-o, yaŋ ya nilan!

Dɛnnda cɔɔmuanndan 15:3

A va condii Moise vana baala Hala-o a condii saa téndóó solio aa: «Mɛlɛka Hala nɔ kpaayaa kpow-vo, dɛnnda nɔmndan la co dɛnnda kɔndɔfilta bɛndu, nɔm Masa vanaa-mangalaa-isɔɔa, tuula nɔmndan la sandu, la co toɲa!

Condii lisai 2:7

I yondanin sɔɛi Mɛlɛka kelu-e kpélén. O dimul-la aa: «Nɔm co po nuu ni. Kandɔɔ hau, ya co fuɲa nɔm ni.

Nehemi 9:8

Má ca maa kɔl ndɔɔ sandu nɔm o hɔl, má yiilu ndu kpemaa, má yɔngu ndu lɛŋnde Kanannda, Hitiia, Amɔnnda, Perisiia, Yebusiia a Kirkasiia, mì cuavaa ndɔa va icali lenin. Nduyɛ, má lo o lediom coo, kani vana sandaa n co ni.

SƐBƐ YƆB-O 34:10

Lelan, la yaŋ ya nilan, niaa vanaa kɔlkalua. Hala nɔla pá mò tosa dɛnɛ kɔlvesɛiyo? Ndu Vana-Kpaayaa tosà pá dɛnɛ sendu loo?

Condii lisai 145:17

Mɛlɛka sandu o nɛila ndɔlan kpow coo, o lo o lediom coo o dɛnnda o co tosaa lan kpow nin.

Vana Kɔlkaloo 3:14

I sinà maa ɲɛ-ɲɛ Hala tosa pɛ, o viow le fɛɛn a fɛɛn. Vana nɔlà ɲɛ handɔɔ lecoo le, vana nɔlà vɛlɛ ɲɛ faŋa lecoo le. O tosa kon, haliko mi vannda yɔŋ siòònde a ndu.

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»