2Samiɛl 22:1 - BII BILA

¹ Paale Mɛlɛka baŋa David yaamɔaa ndɔa kpow o ba len, taama-taama paale o baŋa ndu Saul o ba len, mí ndu David solul Mɛlɛka condei.

2Samiɛl 22:1 Referans Kwoze

Masaa kialaa n'yamaa 5:1

Paale len, mí Debora soli condei nda Barak po Abinoam-ndo aa:

Fulaa 15:1

O kon, mí Moise nda Israɛlla soli condei he le Mɛlɛka lisaa aa: «I solinin condei le Mɛlɛka lisaa, kani o cɔm biilu ndɔɔ ceen vakpa. O miisuu soa a vanaa ɲaanun o soa coo-a o mɛmma ihɛlma makpɛ̀ndɛ̀an nin.

2Timote 4:18

Nduyɛ Mɛlɛka ciindiaanin ya o dɛnnda vɔɔnndan kpow nin, mò manda ya le luɛyɔɔ o Masale ndɔlen nin o halataala. Màá o sɔla biilu fɛɛn-fɛɛndo! Amiina!

Condii lisai 34:19

Mɛlɛka co vanaa co o sanga kɔllo nin-nda ikɛi, o co vanaa co a kɔlta tambɛilan-nda ciindiaa.

Condii lisai 50:14

O co fisa mì la solul-la sálàla malaa balikalan, ya Hala niaa pɛɛn, mì la peelu ciɛ́ɔn niaa cua o ya lo-on, ya Hala-Hiow-Ɲɔɔn-Kpow-vo.

2Samiɛl 22:49

Mɛlɛka, nɔm hɛlu ya yaamɔaa nia o ba ni, nɔm yɔŋ mí nɔla vanaa nɔ nɛyɔn nuu-a, nɔm puu ya vanaa kɔlvesɛiya o ba ni.

1Samiɛl 27:1

Mí David pila dimi o kɔl ndɔɔ nin aa: «O va paale pum, Saul co ya diyɔɔ. Lelan o co fisa mì hɛlun ndu, mì kɔɛnnun o lɛŋnde Filistia nin. Te o ve lɛ ya cɔ o lɛŋnde Israɛl-ten nin te, o tuw lɛnin ya le.»

1Samiɛl 26:24

Nduyɛ mɛɛ ya ce hau yoomu nɔmndo ɲɛ sɔvɛɔ nuaa yɛ, màá Mɛlɛka cɔ yoomu nuu ɲɛ sɔvɛ lende, mò baŋa ya le sangalan kpow!»

1Samiɛl 25:29

Vana-vana tuu pɛ le nɔm diyɔɔ, o tiwnin ba le, kani Mɛlɛka Hala nɔmndo kandanin yoomu nɔmndo lɔ́ɔ́-lɔ́ɔ̀, mò manda nɔm ndu pila ikɛi. Kɛ nduyɛ, o viawnin yoomula yaamɔaa nɔmnda polon mɛɛ vana viaw ɲɔɔ a fáàndaa nuaa yɛ.

1Samiɛl 24:15

Nɛ̀ɛ́-nɛ̀ kpeekpei nɔm masaa Israɛl co yɛ kiltan-ndan kɔɔli a cɔwvo? Nɛ̀ɛ́ n co yɛ tovɔɔ ho? Yéè ya tun vílɛ́iyo ho n co kiltan-ndan kɔɔli ni? Yéè ya kpangbaɲaalaa ho n co tovɔɔ ho ni nɛ?

1Samiɛl 23:14

Mí David kɔannun o lɛŋnde veselɛilen Sif nin, mó kɔ calnun o fondala feke-fekela co o pembon coo lan. Lepalaa-lepala Saul va ndu nuwviaa, kɛ Hala cɛl le David malɔɔ ndu o ba le.

2Korɛntea 1:10

Ndu baŋa naa ni, nduyɛ o baŋanin naa o piɔ́m vaa lende sondoo. A toɲa, n nɔ tiindanndo maa o baŋanin naa vɛlɛ.

Tɔŋ miingua 31:30

O kon, mí Moise dimi sɔɔn co n'sɛvaa o condii ken nin-ndon kpow Israɛlla kpede o hɔl aa:

1Dɛnnda lemasalan 16:7

Paale len le yɔŋnun paale tasele David ke Asaf nda puapilɛa ndɔa baalaa le Mɛlɛka sangalaa a condon-nden ni.

2Samiɛl 12:7

Mí Natan dimul David aa: «Nɔm kpeekpei co vana tosa dɛnɛ kon-ndo ni. Mɛlɛka Hala Israɛlla dimi aa: ‹Ya pɔla nɔm ni mí siinguu nɔm masaa Israɛlla coo. Ya baŋa nɔm Saul o ba ni.