2Samiɛl 21:6 - BII BILA

⁶ Lelan yɔngu naa vanaa ŋɔmmɛw o poaa ndɔa tɛɛn, mì n landu nda Mɛlɛka o hɔl Kibea, kobi Saul-lo, ndu masa Mɛlɛka ndóò hɛli kon-ndo.» O kon mí masaa David cɛl aa: «Ava, i co niaa nda ke.»

2Samiɛl 21:6 Referans Kwoze

1Samiɛl 10:24

Mí Samiɛl dimul vannda kpow aa: «La tofa vɔ vana Mɛlɛka hɛli-o, ndu co hoo ni. O velan a vana-vana o niaa tɛɛn te.» Mí vannda kpow deŋi a ɲaaloo, má dimi aa: «Màá masaa viow yoomu!»

1Samiɛl 11:4

Mí kiilaa kɔa Kibea, o kobi Saul-lo nin, má kɔ downun vannda kona a sɔɔn mun o kɔɔ. Ndáà tueyɔɔ dɔ́ɔ́, má deŋi a caŋndan kpow.

1Samiɛl 10:26

Mí Saul bɛɛ muungu o ndu lo Kibea, mí vanaa mayoomua Hala soo o lakɔl-la liila ndu.

Dɛnnda kiilaa 13:21

O kon mí nda pila ɲuna masaa, mí Hala ke nda Sol, po Kis-o, fulaa o polale Bɛnyamɛn-nden nin, mí ndu tosa nda masalen coo vɔsilan belehiɔɔlu.

Matie 27:5

O kon, mí Yuda kɔ vuu volin latámán mun o Cɛi-Hala-o nin. Mó muungu, mó kɔ baanun yoolen o labolo, mó landun.

Ɛstɛr 9:10

poaa tɔ́a Haman po Hammedata-o-a pɛɛn, Haman yɔŋnun kon yaamɔɔ Yuifia-o. Kɛ a yee ba o ɲɛm vanaa ndáà dii kan-nda le.

Ɛsdras 6:11

La tuei-yɔ vɛlɛ tɔŋ ya yii-o: vana-vana tuundan pɛ le tɔŋndo ho tɛɛmbuuo, a nannin towlen o cɛi ndɔɔ, mà buli ndu a towle len, mà pesipesi cɛi ndɔɔ, mà mingi ndu bémboo.

2Samiɛl 18:10

Langbanɔɔ pum cɔu ndu, mó kɔ dimul Yoab aa: «I ce Absalɔm o landanndo o bɔɔ lɛvun yɔm terebɛnteo nin.»

2Samiɛl 17:23

Tuma Ahitofɛl ce maa vannda bii sila ndɔɔ loo, mó dovi sofɛlɛ ndɔɔ, mó muungun o ndu lo ciee. Mɛɛ o tiiya, mó congun yungu ndɔɔ, mó kɔ landun, mó vu. Má kumbu ndu o sɛi fuɲa ndɔ-o nin.

1Samiɛl 10:1

Mí Samiɛl cua lee macuɛi va ndu o ba-o, mó tala cuɛima va lenin-ndan Saul o lebol, mó kɔman ndu, mó dimul ndu aa: «Mɛlɛka pila hɛli nɔm ma va simlacinɔɔ vanaa co kɛ́ ndɔ-a coo.

Yosue 10:26

O kon mí Yosue diw nda, mó lɛɛnduu nda o yɔmnde ndii ŋuɛɛnu, má lo a landaa lon háá icɔllo.

Yosue 8:29

Mó landu masaa Ai o yɔmndo, mí vana vílɛ́i kon lo lon háá icɔllo. Paalen delɔɔ, mó dimi le ndu tuisio. Má kɔ mal ndu o dio kobio ikɛi, má dii powtan kunda bɛndoo ndu coo, powta lan la co vɔ lon háá paalen nden.

Tɔŋ miingua 21:22

«Te yamɛi vanndo pum i kelun pɛ, mò bɛnda le piɔ́mndo sɔlaa le yɔŋ vɔɔn ndɔɔ, mì la landu ndu o yɔmndo coo,

O Kandɔɔ 40:22

Mó landu ɲinkon bolle vanaa loamaa bulua masaa. Mí sɔɔn tosan mɛɛ Yosɛf cɔm nda kɔlɔ lɔma sɔlaama ndan yɛ kpafii.

O Kandɔɔ 40:19

Nanu a palɛi ndii yáá, Faraɔnnɔɔ co nɔm bollen faŋa o kɛsei coo, o co nɔm landɔɔ o yɔm bɛndoo mì yowva hun dio visin nɔmndon.»

1Samiɛl 24:21

I sina maa a siŋnunnin masaa paale pum, ma tosa masalen Israɛlla coo a kɔlɲuloo fɛɛ.

2Samiɛl 19:28

Kɛ mí buɛi nuu kɔ ɲiinduu ya còòlan coo, mó lɔalu ya o nɔm ndo. Kɛ o va bɛɛ lende, nɔm, maa mɛlɛkanɔ Hala-o n co ni. Lelan, tosa mɛɛ ɲɔɔ hɛnan nɔm yɛ.

1Samiɛl 24:22

Lelan cuel-la ciɛ́ɔn o diola Mɛlɛka lan maa te i vi pɛ, a koma diwnin poaa nia ma ɲumi diola nilan o yungu nuu nin te.»

1Dɛnnda lemasalan 12:3

Ahiesɛr va simlacinɔɔ-o nda Yoas puapilɛ ndɔ, poaa Semaa fula Kibea-o nda va ni, Yesiɛl nda Pelɛt poaa Asmavɛt-a, Beraka nda Yehu, fulaa Anatɔt.