2Samiɛl 21:20 - BII BILA

²⁰ Mí cɔw celen tosan vɛlɛ Kat. Vana cɔwvo pum va lon bandei pila ndóò bandu ni, suon ŋɔmpum-ŋɔmpum ndóò nɔ o balan a o pelon ni. Faw-faw suon bidiin a n'hiɔɔlu ndóò nɔ ni. O polale Rafa len nin ndu bɛɛ ndóò fula ni.

2Samiɛl 21:20 Referans Kwoze

2Samiɛl 21:18

Telen pum o kon kɔɔli, má del vɛlɛ Filistia coo a cɔwvo o soon kólaa Kɔb ikɛi. O cɔw kon nin Sibekai fula Husa-o dii Saf po Rafa-o ni.

2Samiɛl 21:16

Mí langbanɔɔ pum tuu le David diyɔɔ. Langbanɔ kon diolan aa Yisbi-Benɔb, fulaa o polale Rafa len nin. Bál idaɲaa va ndu o ba, o va lusullo le kilolan tan yáá, mɔɛi cɔvii sɛnɛiye va ndu ilandannde o yáwlen.

1Dɛnnda lemasalan 20:6

Mí cɔw celen del vɛlɛ Kat. O cɔw kon nin, langbanɔ vilɛi pilɛ va lon, ndóò nɔ suon bidiin a n'hiɔɔlu: o ba kɛ́-kɛ̀ suon ŋɔmpum, o pelii kɛ́-kɛ̀ suon ŋɔmpum. Ndu bɛɛ po Rafa-o o pilɛ o va ni.

2Samiɛl 21:21

Mó va Israɛlla yeowlan. Kɛ mí Yonatan po Simea, puapilɛ David-o dii ndu.