2Samiɛl 21:17 - BII BILA

¹⁷ Kɛ mí Abisai, po Seruya-o mala David, mó dii Filistinɔ kon. O kon, mí vanaa cɔwva mɛnalan David aa: «A kue lɛ naa kɔɔli o cɔwvo le, yɔŋii n ɲumi ɲɛ-tengaa Israɛl.»

2Samiɛl 21:17 Referans Kwoze

1Masaa 11:36

Kɛ i kenin po ndɔɔ polalen lepilɛ, haliko mi polale David len le lo o kpɛŋɛ lemasaa coo ndu o hɔl Yerusalɛm le fɛɛn a fɛɛn, kobi ya pila hɛli le niaa vaa cɔmnɔnndo lon-ndo.

2Samiɛl 18:3

Kɛ mí vanaa cɔwva dimul ndu aa: «O bɛnda mì n kɔɛ naa niaa le cɔwvo tosaa le. Kani te yaamɔɔa kɔ tow naa pɛ, o co naa le nda canin ɲɛ le. Hali a diw bɛɛ vannda baa pilɔɔ naa tɛɛn kpow, kon venin vɛlɛ nda o hɔl ɲɛ-ɲɛ le. Kɛ nɔm pilɛ kpé, a co le vanaa cɔwva vaalan tɔ́. Lelan o co fisa ma lo ciee, nɛɛ dɛnɛ kendu pɛ, a lo ciee a mala naa.»

Condii lisai 132:17

I tosanin mì masa kpaayaa hun violun o polale David len nin. I bɛɛndiaanin vanndo le muungoo o fonda vana ya pɔla-o, vana kon vanin maa fitina co biyɔɔ-o.

1Masaa 15:4

Kɛ a kon kpede, mí Mɛlɛka Hala ndɔɔ yiyan ndu coo le David, mó ke ndu ɲɛ-tengaa Yerusalɛm, mó solul ndu po óò loonin masalen o fonda ndɔɔ-o. O tosa kon haliko mi Yerusalɛm ndóò lo kobi lebol lemasaa.

Nsaŋ 5:35

Fitinaa va biyɔɔ mì ɲɔɔ va tengaa-o Nsaŋ yɔŋnun ni. Niáà yeema le ɲaaloo dɔwnɔnndo o ɲɛ-tengaa ndɔɔ le telen bingi.

Condii lisai 144:10

Nɔm Hala co masaa malaa ni, nɔm baŋa David, vana baala nɔmndo o mɔɛi cɔwve bɛngu-o.

Condii lisai 46:1

Condii poaa Kore-a, í fula o condun simlacinɔ vanaa n'condua nin-nde. A ɲɛ-caa vana soli ndi ni.

2Samiɛl 22:29

Mɛlɛka nɔm co ɲɛ ni tengaa ni, nɔm teengiaa ya o ɲumndan nin ni.

2Samiɛl 22:19

Mí ndáà ciŋilan ya o paale dɛnɛ palaalen coo, kɛ Mɛlɛka va tiindan nuu ni.

2Samiɛl 14:7

O kon mí yungu nuu kpow toal-la kɔɔli aa mɛɛ mì ya mal vɛlɛ po ni dii kon po nuu pilɔɔ-o nda o ba mà dii ndu le diyɔɔ o dii ndu kon-ndo, aa a yeema vɛlɛ mà dii vana bɛnda le kɛ́ɔ cuaa-o. Te o tosan yɛ pɛ lende, mɛɛ kili bingi ya cal tiindanndo-o le cuulunin vɛlɛ kon mungén te? O kon, diola pɔnɔ nuu la ɲum, kani hɔ́ɔ́ ndɔ lo lɛnin yoomu o lɛŋnden nden coo le.»

Yeremi 40:15

O kon mí Yohanan po Karea-o kɔ dimul Kedalia o vionnɔnndo nin Mispa aa: «Cɛl mì kɔ dii Ismaɛl, po Netania-o. Vana-vana sinanin te. Vɛ̀ɛ̀ mà cɛl mò dii nɔm? O dii nɔm pɛ, Yuifia cuungian haa nɔm ikɛi-ya kpow a co sɛŋin!»

2Samiɛl 18:2

mó piɔw nda kundulan tan yáá, mó handu Yoab, po Seruya-o kundaa pilɛ bollen, mó handu Abisai, pɔmbɔɔ Yoab kundaa pilɛ bollen, mó handu Itai fula Kat-o kunda yàándɔɔ bollen. O kon kɔɔli, mó dimul vanaa ndɔa cɔwva maa ndu bɛɛ yeema mà kɔɛ latulu nda ndaa o cɔwvo.