2Samiɛl 20:13 - BII BILA

¹³ Ndóò ciiyo dɔ́ɔ́ ndu faŋaa o nɛi, mí vanaa cɔwva kpede a del Yoab kɔɔli le Seba, po Bikri-o nuwviaa.

2Samiɛl 20:13 Referans Kwoze

Marke 10:46

Má tiiya Yeriko. Tuma Yeesu va faŋanndo ciee nda kaandeŋaa ndɔa a sɛ́lɛ́ bɛndoo kɔɔli-o, vana sumɛiyo pum va icali o nɛiyo dangalaa, diolan Bartimee, po Timee-o, o va vannda ɲɔɔn piɛiyo.

Yeremi 31:21

Baŋ tɔɔmaselelan o nɛi nɔmndo demullo, caa kɔlan o nɛiyo coo, o nɛi n co kɔlan coo-o pɛɛn. Mbɔ̀ muungu nanu, Israɛl ya kaola-o, muungu o kobila nɔmndan nin.

Esai 62:10

La fula, la fula o diola luɛyaalan nin! La bɛɛndiaa nɛiyo le vanaa niaa, la toosiaa nɛiyo, la siimian ndu, la faaŋiaa powtan o nɛi! La heelu lɛfɛ landaa le vannda nɛiyo cɔmndo!

Esai 36:2

Masaa Asiri lo Lakis mó viam bolle vanaa yɔngù ndu masaa mɔiyan-nda Yerusalɛm o masaa Esekia lo a vanaa cɔwva taw-taw. Mí bolle vanaa yɔngù ndu masaa mɔiyan-nda kɔ sim o tɛyii dala co a maluaŋ-ndo, o nɛi kɔɛ o ciɛi vana siɛɛndua lavolɔɔ-e-o coo.

Esai 7:3

Le hee, mí Mɛlɛka dimul Esai aa: «Nɔm niaa Sɛar-Yasub po nɔm, la kɔ masaa Ahas diomɔɔ o tɛyii dala co a lecoo-e mɛɛlulan, o nɛi kɔɛ a ciɛi vana siɛɛnduaa lavolɔɔ-e-o coo.

Talelan 16:17

Vanaa sandaa kpakpala dɛnɛ vɔɔndo o kelaa nin ni. Vana dɔw pɛ kela ndɔ ndu pila-o taasi o kanda yoomu ndɔɔ.

2Masaa 18:17

Masaa Asiri lo Lakis, mó viam simlacinɔ tase vanaa ndɔa cɔwva, bolle vanaa bɛndua va ndu o ba bɛngu-a a bolle vanaa yɔngù masaa mɔiyan-nda o Esekia lo Yerusalɛm. Mí vanaa kan kɔa a vanaa cɔwva taw kɔɔli. Ndáà tiiyaa, má kɔ sim o soon mamɛn co a ba luaŋ-ndo-o, o nɛi kɔɛ a ba yondo vanaa tɔaa lavolɔɔa-o.

1Samiɛl 6:12

Ndáà malɔɔ dɔ́ɔ́ nawva, má bii nɛi Bɛt-Siemɛs-o sanaa. Má va kɔlan nɛi kon kɔɔli a caŋndo taw-taw, a sei o ba kɛndɛ coo le a sei o ba mɛl coo le. Mí simlacia Filistia kɔa ɲɛ ɲaanan soa nan-ndo kɔɔli háá tiiyaa o pɛɛngulan a Bɛt-Siemɛs.

Masaa kialaa n'yamaa 21:19

O kon, má ca maa ɲɔɔ bendu lɛ le kafo Mɛlɛka tosan lepilɛ o vɔsio nin Silo-o tiiyaa le. Silo kon yɛ, Betɛl a maluaŋ, o nɛi cɛn Betɛl le kɔlan Sikɛm a ba paalen le can-ndo-o coo, Lebona a ba too pɛɛn o va ni.

Kundalan 20:19

Mí vanaa Israɛlla vem nda dimul ndu aa: «Nɛi bɛndoo sanaa naa n co lakɔ kɔɔli ni, te naa pila a cɔlua naa n kol pɛ mɛmma nɔmndan, n dɔw man vɔngu. N ɲuna nɔm ɲɛ-ɲɛ celen te, fɔ le naa cɛlɔɔ mì n kei o lɛŋnde nɔmnden nin a n'pelu.»

2Samiɛl 20:1

Vana poopoo pum va lon diolan Seba, po Bikri fula o polale Bɛnyamɛn-nden nin-ndo o va ni. Mó hɔŋ buloo, mó yonda aa: «Israɛlla, n nɔ tɔnɔ a David le, n sɔlanin kɛ́ po Yisai-yo ho o ba le. Lelan n faŋan ndu kɔɔli, mì vana-vana muungun o ndu lo.»

2Samiɛl 20:11

Mí vana cɔw Yoab-o pum lo Amasa ikɛi nɛɛ o va o vílɛ́iyo-a, mó va dimio aa: «Niaa caaŋaa Yoab-a a niaa vanaa co le David-a, la del Yoab kɔɔli.»

2Samiɛl 20:14

Mí Yoab kei o polama Israɛlla kpow nin, mó kɔ tiiya o kobi nda veelu aa Abɛl-Bɛt-Maaka-o nin, mó kɔa o Berimnda lo, mí nda bɛɛ cuungian, má del ndu kɔɔli.