2Samiɛl 2:26 - BII BILA

²⁶ Mí Abnɛr ɲuna Yoab aa: «Vɛ̀ɛ̀ nuaa koni naa n lonin mɔɔn cɔwvon cuaa le naa pila diuvanndo ni? Sɔɛi he ceenin mɛɛlu le dɛ! A kúúnà vanaa nɔmaa cɔwva mà pɛngi puapilɛa ndaa tovɔɔ le?»

2Samiɛl 2:26 Referans Kwoze

Yeremi 46:14

«La yonda sɔɛi he Esipte, mì la tosa mì vannda sina ndi Mikdɔl, Nɔf a Tapanɛs! Mí la dimul nda aa: ‹La bɛɛndian mì la sim yili!› Kani a cii vanaa balu niaa-a bɛlubɛluu a cɔwvo.

Dɛnnda kiilaa 7:26

Diimandɔɔ, mí Moise komal puapilɛa ndɔa cɔlɔbaa. Mó kindin, mó toosiaa nda sɔɔngɔɔ tɛɛn, mó dimi aa: ‹Caaŋaa nia, puapilɛa niaa co ni. Le yɛɛ nɛ niaa co yɛ niaa pilaa mɔnɛi lueinanndo?›

Yeremi 46:10

Le Maalii Hala paale len le co ni, le Maalii Hala-Nɔ-Kpaayaa-Kpow-vo pɛɛn. Paale mingiaa maa len le vanin nden ni, o mingulnin yaamɔaa ndɔa maa. Mɔɛi cɔwve tosanin dɛnɛ mì i pim ca, kooma vanaa kan ma biinin ndi maa mamɔi. Sálàá vanin kon le Maalii ni, Mɛlɛka-Nɔ-Kpaayaa-Kpow-vo pɛɛn, o lɛŋnde ba luaŋ-nden nin, o peo Efrate kɔngɔ.

Osee 11:6

Cɔwvo luɛinin o kobila ndalan nin, mì mɔɛi cɔwve kilikili ɲɛm co nda kandaa-on. Cɔwvo mialnin nda kpow. Kon tosannin le pɛl nda pila tɛnda-o.

Yeremi 12:12

Vanaa poondiaa vannda ɲɔɔn o laba-a tiw o pembun bil vil te-on coo kpede o lɛŋnde veselɛilen nin, kani mɔɛi cɔvii Mɛlɛka-e co tɛɛmbuuo a labɛɛla, kandɔɔ o lɛŋnden kpengei kɔlan fulaa o kpengei pilɛi faŋ! I co vana-vana kpakpala le.

Yeremi 4:21

Háá telen kuɛɛ ya va yɛnin lɛfɛ cɔwvo cɔu, mì va diom bulu cɔwvo tueyɔɔ?

Yeremi 2:30

I diw poaa niaa, kɛ sangan fondo fúú, kani a bii sila nuu le. Mí la diw vanaa-tɛɛngaa-diom Hala-a niaa maa yàlàá kɔltuw.

Esai 1:20

Kɛ te la simul-la pɛ mì la siŋnun vanaa nila kalua, mɔɛi cɔwve co niaa cii diw kpede. Ya Mɛlɛka o sondo sɔɔn mun co fulaa ni.»

Talelan 17:14

Sɛɛngianndo kandɔɔ co ko maa ɲɛ kanda mɛnndan-ndo bulio. Lelan lɔ́ɔ́ sɔngɔɔ kuvan-ndɔ loo, soli pelon lenin.

Condii lisai 4:2

Te i veelu nɔm pɛ, mulul-la, Nɔm Hala cɔm sandii nii-yo. Yiyan ya coo tuma ya co hoo o mɔnɛi nin-ndo. Tuinun ya iɲíí yandi, mà yaŋnun piɛile nilen.

SƐBƐ YƆB-O 19:2

«Háá lɔ́ɔ́ kuɛɛ niaa pɛngi yɛnin ya saangiaa ho? Háá lɔ́ɔ́ kuɛɛ niaa pɛngi yɛnin ya tiaamoo a sɔɛi niɛi sondoei?

SƐBƐ YƆB-O 18:2

«Telen kuɛɛ kpeekpei niaa mei yɛnin diom? La sɔ̀lá vɔ kɔlkaloo, o kon kɔɔli n soonun.

2Samiɛl 11:25

O kon mí David mulul kiilanɔ kon aa: «Kɔ mà kɛsi Yoab kɔllo, mà dimul ndu maa o vu n'dial le sɔɛi he le. Kani cɔwvo cuu vanvílɛ́iya kɔɔli kpengeí a kpengeí le. Lelan, o veesiaa hɔlla, mò del kobi kon coo, mò pɛl ndu vɔ́-vɔ́.»

2Samiɛl 2:16

Mí vana-vana bii vana nda va cɔlɔbaa-o bollen, má cuukuan lungbon a mɔɔn cɔwvon. O kon, mí nda kpow a vu latulu. Má ke fonda kon Kabaɔn diolan aa Hɛlkat-Hasurim (kon co dimio ni aa «Yondo powta kpovaa»).

2Samiɛl 2:14

Mí Abnɛr dimul Yoab aa: «I yeema mì langbaa naa felengia cɛn, mà cɔlɔba naa o hɔl.» Mí Yoab muli aa: «Ava, a cɔn mà cɔlɔba.»

2Samiɛl 2:25

Mí vanaa cɔvaa fula o polale Bɛnyamɛn-nden nin-nda cuungian, má sim polalen Abnɛr len kɔɔli, má kɔ hel o pembei pum tullo.

2Samiɛl 2:27

Mí Yoab muli aa: «Le Hala yoomaa, te nɔm óò dimi le cɔwvo ho kpaa le, háá siɔdii idii vanaa nia cɔwva ndáà pɛnginin nia tovɔɔ le.»