2Samiɛl 2:1 - BII BILA

¹ Dɛnnda lan hiovɔɔ, mí David ɲuna Mɛlɛka aa: «Vɛ̀ɛ̀ i heelu o kobio pum nin o tàndá Yuda-o nin?» Mí Mɛlɛka mulul ndu aa: «Oi, heelu.» Mí David ɲuna vɛlɛ aa: «Kobi kuɛɛ nɛ ya kɔ nin kpeekpei?» Mí Mɛlɛka mulul ndu aa: «Kɔ Hebrɔn.»

2Samiɛl 2:1 Referans Kwoze

1Samiɛl 30:31

haa Hebrɔn a haa o cieon ndóò kei calle nin a vanaa ndɔa cɔwva-on kpow.

1Samiɛl 23:2

Mí David ɲuna Mɛlɛka aa: «Vɛ̀ɛ̀ o bɛnda pá mì kɔ del Filistia ha coo a cɔwvo mì nɔla nda?» Mí Mɛlɛka mulul ndu aa: «Kɔ del nda coo, ma baŋa kobio Keila.»

1Samiɛl 23:4

Mí David ɲuna vɛlɛ Mɛlɛka, mí Mɛlɛka mulul ndu aa: «Cɔn ma kɔɛ Keila. I cii Filistia malɔɔ nɔm o ba.»

O Kandɔɔ 32:2

Mí Yakɔb ndu bii nɛiyo le kɔlan o ndu lo. Mí mɛlɛkaa Hala-a hun ndu bɔŋaa.

Esekiɛl 36:37

Nuaa Maalii Hala dimi ni aa: «I cɛlnin vɛlɛ mì cuavaa Israɛlla piɛi ya le nda dɛnɛ kɛndɔɔ tosallo. I vangalanin vanndacieea ndaa maa kunda n'cɔlu.

Condii lisai 143:8

Le sɛ dɔ́ɔ́ pɛ idii, a cɔm ya kaola nɔmndo, kani nɔm ya tiindan ni. Cɔm ya nɛila ya kela coo lan, kani i muungu nɔm o ibuŋ.

Condii lisai 27:4

Ɲɔɔ ndu pilɛ kpé ya co Mɛlɛka ɲunaa ni, ò ya co nuwviaa a kɔl nuu kpow-vo: ɲɛ kon co calle o ndu Mɛlɛka lo cɛinin o palɛi ya co yoomu-e kpow bɛngu ni, le naŋɔɔ ndu Mɛlɛka-o tofaa a le naŋɔɔ cɛi ndɔɔ mɛɛndanndo.

1Dɛnnda lemasalan 29:7

Le baala Cɛi-Hala-o, má yɔngu sianion kilolan vaalan kɛmɛ belaŋɔmmɛw (170 000), sianin n'kpungban vaalan tɔ́ (10 000), volion mún hiow le kilolan vaalan kɛmɛ leyáá (300 000), daɲan va le kilolan vaalan kɛmɛ leŋɔmpum (600 000) a cilinndon kilolan milionndan tan yáá (3 000 000).

1Masaa 2:11

Vɔsilan belehiɔɔlu David tosa masalen Israɛlla coo ni. O tosa masalen Hebrɔn vɔsilan tan ŋɔmmɛw, mó tosa vɛlɛ masalen Yerusalɛm vɔsilan beleyaa a layàá.

2Samiɛl 15:7

Vɔsilan tan hiɔɔlu o kon kɔɔli, mí Absalɔm dimul masaa aa: «Cɛl-la mì kɔɛ Hebrɔn le kpema ya yii o Mɛlɛka lo-o peeloo.

2Samiɛl 5:23

Mí David ɲuna vɛlɛ Mɛlɛka. Mí Mɛlɛka dimul ndu aa: «Kɔa nda laci sanaa a cɔwvo le, kei nda a makɔɔ, mà kɔ fulal nda o bundɛ iyùúo dangalaa.

2Samiɛl 5:19

Mí David ɲuna Mɛlɛka aa: «Vɛ̀ɛ̀ o bɛnda mì kɔ del Filistia coo a cɔwvo? A malnin pá nda ya o ba?» Mí Mɛlɛka mulul David aa: «Kɔ! I co nda malɔɔ lekɛ́ndɛi nɔm o ba.»

2Samiɛl 2:11

Mí David tosa masalen vɔsilan tan ŋɔmmɛw o polale Yuda len coo, Hebrɔn o va icali telen kon ni.

Masaa kialaa n'yamaa 1:1

Biisi Yosue-o cuvɔɔ, mí Israɛlla ɲuna Mɛlɛka aa: «O naa tɛɛn, ɔ́ɔ̀ vanaa tasea kɔanin mà kɔ del Kanannda coo a cɔwvo-a?»

Kundalan 27:21

O simnin Eleasar vana-solia-lasálàá o hɔl, mì Eleasar ɲuna ya Mɛlɛka a urim le dɛnɛ ndɔɔ. Mɛɛ o diminin yɛ Yosue a sɛ́lɛ́ Israɛlla kpow a tosanin o dɛnndan kpow nin ni.»

Kundalan 13:22

Má hel a ba Nekɛv-vo, má tiiya háá Hebrɔn, nɛɛ yungula Ahiman, Sesai a Talmai lan la va icali-a, cuavaa-imamaa Anak-a pɛɛn. Hebrɔn kiolɔnndo, vɔsilan tan ŋɔmmɛw o kon kɔɔli, má kialu Soan o lɛŋnde Esipte len nin.

O Kandɔɔ 13:18

O kon mí Abram bɛɛŋuu cɛila kola-toandaa lan, mó kɔ toandu lan o yálán Mamre-o ikɛi, Hebrɔn ciee-lekɔɔ. Mó cɔaw fonda-loamaa-lasálàá lon le Mɛlɛka.

Yosue 15:13

Má ke Kalɛb, po Yefune-o yondoo o lɛŋnde polale Yuda len léè sɔla len nin mɛɛ Mɛlɛka ndóò dimul Yosue yɛ. Mí Kalɛb sɔla Kiriat-Arba, kobi fuɲaa Anak-o, o nda veelu sisa aa Hebrɔn-ndo pɛɛn.

1Samiɛl 10:22

Má ɲuna vɛlɛ Mɛlɛka aa: «Vɛ̀ɛ̀ vana kon co pá nanu?» Mí Mɛlɛka muli aa: «O co o viannan o volɔɔlan ikɛi.»

2Dɛnnda lemasalan 11:10

Sorea, Ayalɔn a Hebrɔn. Kobila lan, o tàndá Yuda-o a o tàndá Bɛnyamɛn-ndo nin la va ni, kobila mayoomulan la va ni.