2Samiɛl 19:43 - BII BILA

⁴³ Mí vanaa fula o polale Yuda len nin-nda mulul Israɛlla aa: «Kani naa n hiow va vanayɛi masaa. Hali mí la tuulu kɔl le ken te. Mò va maa masaa va naa baloo dɔvɔɔ ni? Mò va maa ɲɛ o ke naa ni?»

2Samiɛl 19:43 Referans Kwoze

Kalatea 5:20

piɔmnda sooloo, mangalaa, nɛyɔnndo, diomnda biinannda lepɛŋndan, paŋalaa, yolɛi, siinganndo, piɔvianndan, kundala sɛɛngianndan kilaa,

2Samiɛl 5:1

Mí vannda fula o polama yɛ́-yɛ́ma Israɛlla kpow nin, má komal David Hebrɔn, má dimul ndu aa: «Má cè naa! Kooma pilɛan a vanaa pilɛa kpé naa n co naa niaa ni.

Nsaki 1:20

Kani kɔltuw vanacieo tosa dɛnɛ sandaa Hala-o le.

Filipea 2:3

La tosa ɲɛ-ɲɛ a latɔnga te kon te le lacandɔɔ sɔla le, kɛ la tosa dɛnndan o tuisinndo nin, mì la ce caanda fisa hiovɔɔ niaa pila coo.

Kalatea 5:26

N vannun vanaa yonga le naa pila tiiŋuanndo te kon te tɔ́ɔ́yanndan biinanndo vellaa-velle le.

Kalatea 5:15

Kɛ te la co pɛ kisikisianndo mì la va misimisianndo vellaa-velle, mɛɛ la caa dɛ, yɔŋii niaa tɛɛmbuan vellaa-velle.

Rɔmnda 12:21

Cɛl mì dɛnɛ vɔɔndo nɔla nɔm te, kɛ nɔla dɛnɛ vɔɔndo o dɛnɛ kɛndɔɔ tosaa nin.

Talelan 18:19

Puapilɛ nɔm n tɛɛmbuu a ndu-o hiow kalu sɔɔnguuo ikɛi, a kobi co o kpakio nin-ndo biyɔɔ a cɔwvo. Maa sɔkɔma nda kinda diola cɛi lemasaa-an sɛɛngianndan la kinda kɔllo ni.

Talelan 17:14

Sɛɛngianndo kandɔɔ co ko maa ɲɛ kanda mɛnndan-ndo bulio. Lelan lɔ́ɔ́ sɔngɔɔ kuvan-ndɔ loo, soli pelon lenin.

Talelan 15:1

Muli kɛndɔɔ ɲulul vana kɔllo ni, kɛ sɔɛi dimi vɔɔndo yɔngu vana kɔllo tuwvo ni.

Talelan 13:10

Yongaa hun a sɛɛngianndan ni, kɛ le vanaa bii silaa-a kɔlkaloo co ni.

1Masaa 12:16

Mɛɛ Israɛlla kpow a ce maa masaa ve nda lani yaŋɔɔ le, má mulul ndu aa: «Yɛɛ co yɛ naa tɛɛn naa David-aa? N nɔ kɛ́ latulu naa po Yisai-yo-aa le! Sei! Naa Israɛlla, n muungun o la naa lo cɛinin. Nɔm po David-o ho, a ce cɛi nɔmndo, koma tosa mɛɛ n yeema yɛ.» O kon, mí Israɛlla muungun o la nda lo.

2Samiɛl 20:6

O kon mí David dimul Abisai aa: «Dɛnɛ Seba, po Bikri-o hiawnin naa kindila a dɛnɛ Absalɔm tosa-o. Lelan sim vanaa cɔvaa co ya kandaa-a laci, mì la kɔɛ ndu kɔɔli, yɔŋii o kɔ luɛinun o kobila mayoomulan lapum nin, mò hɛlun naa.»

2Samiɛl 20:1

Vana poopoo pum va lon diolan Seba, po Bikri fula o polale Bɛnyamɛn-nden nin-ndo o va ni. Mó hɔŋ buloo, mó yonda aa: «Israɛlla, n nɔ tɔnɔ a David le, n sɔlanin kɛ́ po Yisai-yo ho o ba le. Lelan n faŋan ndu kɔɔli, mì vana-vana muungun o ndu lo.»

2Samiɛl 19:14

La kɔ dimul vɛlɛ Amasa aa: ‹Vanayɛi kpeekpei naa n co naa ndu ni. Lelan, ndu ya handunin vanaa cɔwva bollen o fonda Yoab-o le lɔ́ɔ́-lɔ́ɔ̀ ni. Te i tosa kon te, dɛnɛ palaa súú-súù Hala yeema pɛ o tuisi ya coo.›»

2Samiɛl 19:9

O kon mí masaa can, mó kɔ cal o dio luɛyaa kobio. Má dimul vannda kpow aa: «La tofa vɔ masaa icali o dio kobio se!» Mí vannda kpow hun o ndu lo. Israɛlla ndáà sɔɔndian nin, mí vana-vana kɔannun o ndu lo.

Masaa kialaa n'yamaa 9:23

O kon kɔɔli, mí Hala luei kɔl sɛɛngianndo Abimelɛk nda vanaa bɛndua Sikɛm tɛɛn, mí vanaa bɛndua kan tambu kɔllo a Abimelɛk, má simul ndu.

Masaa kialaa n'yamaa 8:1

Mí vanaa fula o polale Efraim-nden nin-nda dimul Sedeɔn aa: «Le yɛɛ nɛ n tosal-lɛ naa dɛnɛ súú vaa nuaa? Le yɛɛ nɛ a veelu naa le Madiannda cɔlɔbaa naa niaa latulu le?» Má sɛɛngian a ndu taw.