2Samiɛl 19:39 - BII BILA

³⁹ Mí masaa dimi aa: «I tuei, n co lakɔ naa Kimham, mì kɔ bii ndu mɛɛ n yeema yɛ. Ɲɛ-ɲɛ n yeema pɛ ya o ba, nɔm dimul-la kínɛí, mì tosal nɔm kon.»

2Samiɛl 19:39 Referans Kwoze

Ruti 1:14

Má hiiliaa vɛlɛ hiiliaa pila a caŋndo. O kon, mí Ɔrpa kɔman kala-lɛɛ ndɔ le ndu congɔnndo, mó kɔannun. Kɛ mí Ruti ndu baanun kala-lɛɛ ndɔ.

O Kandɔɔ 47:7

Mí Yosɛf hun vɛlɛ a Yakɔb fuɲa ndɔ le ndu Faraɔnnɔɔ cɔmndo. Mí Yakɔb yil masa kalaa a bɛɛlen.

1Tesalonikea 5:26

La yil naa puapilɛa naa lapi mì la kɔɔmian nda.

Dɛnnda kiilaa 20:37

Mí nda kpow a caŋ, má kɔman ndu le ndu congɔnndo.

Luke 2:34

Mí Simeɔn dɔaw nda duaa, mó dimul kala ndɔ Mari aa: «Poo ho tosanin mì vanaa bɔɔ-bɔɔ del, te kon te mì a bɔɔ-bɔɔ cɛn o lɛŋnde Israɛl-ten nin. Kɛ vannda kɛɛnin ndu,

1Masaa 19:20

O kon, mí Elise mɛi navaa ndɔa kan ndon, mó ɲaanun Elii kɔɔli, mó dimul ndu aa: «Mɛi-yɔ i kɔ kɔman fɔlɔn Pua nda Nde, mì congun nda. I cii pɛ i del niko nɔm kɔɔli.» Kɛ mí Elii mulul ndu aa: «Ɛ̀ɛ̀ muungun sei! Mo va maa isɔɔ ya vem nɔm tosa ni?.»

2Samiɛl 14:33

Le hee, mí Yoab komal masaa, mó kɔ downun ndu kona a sɔɔn mun o kɔɔ. Mí masaa veelu Absalɔm, mí Absalɔm hun, mó del masaa o labɛngunin, mó tɛɛlun ndu. O kon, mí masaa kɔman ndu.

2Samiɛl 13:25

Mí masaa mulul Absalɔm aa: «Ɛ-ɛ po nuu. O bɛnda mì naa kpow n kɔɛ le, yɔŋii o siŋnun bɔnɔ bɛndoo le nɔm.» Mí Absalɔm baŋnun kpíŋ, kɛ mí masaa kɛɛ le kɔlan. Kɛ mó dɔaw ndu duaa.

2Samiɛl 6:20

Tuma David va muungoo o ndu lo bɛɛ le yungu ndɔɔ duaa dɔvɔɔ-o, mí Mikal, cua Saul-lo hinul ndu, mó dimul ndu aa: «Àá masa Israɛlla! O tosa hau dɛnɛ lebɛɛ fɔ́! Mó fula kɔɔle fondo cɛa laandua buɛyaa ndɔa piaandua o hɔl maa vana fondo.»

2Samiɛl 6:18

Ndóò ciiyo sálàla lan solio, mó dɔaw vannda duaa o diola Mɛlɛka-Nɔ-Kpaayaa-Kpow-vo lan.

1Samiɛl 24:22

Lelan cuel-la ciɛ́ɔn o diola Mɛlɛka lan maa te i vi pɛ, a koma diwnin poaa nia ma ɲumi diola nilan o yungu nuu nin te.»

Kundalan 24:25

O kon kɔɔli, mí Balaam bii nɛiyo, mó muungu o ndu lo. Mí Balak bɛɛ kɔannun kpengii ndɔɛi.

O Kandɔɔ 47:10

Mí Yakɔb yil vɛlɛ Faraɔnnɔɔ a bɛɛlen, mó kɔannun.

O Kandɔɔ 45:15

Mó kɔɔmian vɛlɛ bɛndaa ndɔa tɔ̀a a caŋndo. Fɔ o kon kɔɔli bɛndaa ndɔa nɔla sɔɛi o ndu lo ni.

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

O Kandɔɔ 14:19

Mó dɔaw Abram duaa, mó dimi aa: «Màá Hala-Hiow-Ɲɔɔn-Kpow-vo, o cɔw halataala a lɛŋnden-ndo dɔw nɔm Abram duaa!

2Samiɛl 19:38

Lelan, cɛl mì ya vana nɔm baalaa muungu, mì kɔ vu o ya lo, o sɛila fuɲa nuu a kala nuu ikɛi. Kɛ má cè Kimham vana nɔm baala, la kɔ niaa niaa ndu. Òó masaa! Kɔ tosal ndu dɛnɛ kɛndɛ hɛnannin nɔm-ndo.»