28 Kɛ mí buɛi nuu kɔ ɲiinduu ya còòlan coo, mó lɔalu ya o nɔm ndo. Kɛ o va bɛɛ lende, nɔm, maa mɛlɛkanɔ Hala-o n co ni. Lelan, tosa mɛɛ ɲɔɔ hɛnan nɔm yɛ.
Nɔm pila, poaa nɔmnda a buɛyaa nɔmnda, niaa bɛnda le vallo tosaa o yondala lan coo ni, mì la yoo ndu ɲɛm niaa vanin kovɔɔ-on le po vana nɔm bɛndoo baloo dɔvɔɔ. Kɛ naa Mefibosɛt vanin lɔ́ɔ́-lɔ́ɔ̀ dioo latulu ni.» Siba ndóò nɔ poaa tɔ́ a à ŋuɛɛnu a buɛiya bibiin.
Dɛnɛ n tosa kon-ndo niŋ te. Lelan te Mɛlɛka co yoomu, fɔ mì niaa kpow la sɔla piɔ́mndo! Kani la kanda vana nia bɛndoo le, masa Mɛlɛka pɔla-o pɛɛn. La tofa vɔ masaa o bollen coo. Ɔ́ɔ̀ bállo a bɔlɔ ndɔ mamɛnndo?»
O kon kɔɔli, mí Yakɔb piɛi aa: «Éé Hala Abraham fuɲa ni mamaa! Hala Isaak fuɲa ni-o! Nɔm dimul-la ni aa ya muungu vanaa nia o ibuŋ o lɛŋnde nilen nin, má tosal-la dɛnɛ kɛndɔɔ.
Kani naa yungu fuɲa nuu kpow, vanaa ndáà bɛnda le piɔ́mndo sɔlaa nɔm vana bɛndoo o ba-a naa n co ni. Kɛ a kon kpede, má siinguu ya vana pilɛ o vanaa dia ɲɛdiaa niaa ndaa latulu-a tɛɛn. Ɔ́ɔ̀ kɛndɛi celen ya ɲunanin vɛlɛ nɔm le ya tosallo-e?»
Kani mí ya vana nɔm baalaa dimi aa: ‹Sɔɛi nɔm vana ni bɛndoo co hunɔɔ dimi-e, nɔm masaa pɛɛn, i ɲululnin vannda kɔltan. Bau nɔm masaa, maa mɛlɛkanɔ Hala-o n co ni le dɛnɛ kɛndɔɔ a dɛnɛ vɔɔndo tueyɔɔ. Màá Mɛlɛka Hala nɔmndo lo nɔm ikɛi!›»
Le dɛnɔɔ ho mulio hɔlaa celen daama Yoab buɛi nɔm tosa nuaa ni. Kɛ nɔm masaa, maa mɛlɛkanɔ Hala-o n nɔ kɔlkaloo ni, a sina ɲɛ-ɲɛ co tosanndo o lɛŋnden coo.»
Mí masaa ɲuna Siba aa: «Kuɛɛ nɛ Mefibosɛt, po imama vana nɔm bɛndoo co yɛ?» Mó mulul ndu aa: «O lo Yerusalɛm ciee. Kani o co yiyanndo maa Israɛlla co ndu hau masale fuɲa ndɔlen mingi o ba.»