2Samiɛl 19:27 - BII BILA

²⁷ Mó muli aa: «Àá masaa! Buɛi nuu pala ya ni. I va yiyanndo le sofɛlɛ nuu toosiaa, mì yáà kɔɛ lecoo nɔm kɔɔli, kani vana bɛvɛiyo ya co ni.

2Samiɛl 19:27 Referans Kwoze

2Samiɛl 14:20

Le dɛnɔɔ ho mulio hɔlaa celen daama Yoab buɛi nɔm tosa nuaa ni. Kɛ nɔm masaa, maa mɛlɛkanɔ Hala-o n nɔ kɔlkaloo ni, a sina ɲɛ-ɲɛ co tosanndo o lɛŋnden coo.»

2Samiɛl 14:17

Kani mí ya vana nɔm baalaa dimi aa: ‹Sɔɛi nɔm vana ni bɛndoo co hunɔɔ dimi-e, nɔm masaa pɛɛn, i ɲululnin vannda kɔltan. Bau nɔm masaa, maa mɛlɛkanɔ Hala-o n co ni le dɛnɛ kɛndɔɔ a dɛnɛ vɔɔndo tueyɔɔ. Màá Mɛlɛka Hala nɔmndo lo nɔm ikɛi!›»

2Samiɛl 16:3

Mí masaa ɲuna Siba aa: «Kuɛɛ nɛ Mefibosɛt, po imama vana nɔm bɛndoo co yɛ?» Mó mulul ndu aa: «O lo Yerusalɛm ciee. Kani o co yiyanndo maa Israɛlla co ndu hau masale fuɲa ndɔlen mingi o ba.»

1Samiɛl 29:9

Mí Akis mulul David aa: «I co sinaa tɛ́ɛ́ maa a tɛɛmbuu isɔɔ le, a hɛnan ya maa mɛlɛkanɔ Hala. Kɛ simlacia vanaa cɔvaa Filistia dimi aa nɔm kɔa naa kɔɔli le cɔwvo tosaa le.

Yeremi 9:4

Vana-vana co caan ndɔ kafalan tosallo, vana-vana dimi toɲa le. Caa pila nda caa còòlan dimio ni, o kon nda co kɛɔ le muungoo ya o ibuŋ ni.

Condii lisai 101:5

I kpaanin vanaa congu caaŋaa ndaa o vionnɔnndo nin-nda. I tiwnin ba kelaa naa vanaa tofa caanda tofa vɔɔndo-a le, te kon te naa vanaa yongaa.

Condii lisai 15:3

Ó congu vana loo, ó tosal caanda dɛnɛ vɔɔn too, ó tɛɛmbuu vana nda cal latulu-o lebɛɛ loo.

Fulaa 20:16

La tímbul caanda seile lacòòvalen te.

2Samiɛl 16:4

O kon mí masaa dimul Siba aa: «I yɔngu nɔm ɲɛm Mefibosɛt-on kpow.» Mí Siba dimul ndu aa: «Mɛɛ balika masaa le ya dɛnɛ kɛndɔɔ ho tosallo.»

2Samiɛl 19:17

Mi Simei, po Kera fula Bahurim o tàndá Bɛnyamɛn-ndo nin-ndo toal a kiltan nda Yudaa le taŋɔɔ le masaa David bɔŋaa.

2Samiɛl 9:3

Mí masaa ɲuna ndu vɛlɛ aa: «Vɛ̀ɛ̀ vana pilɛ bɛɛ lo lɛ yoomu fulaa o polale Saul-ten nin te? I yeema mi tosal ndu dɛnɛ kɛndɛ Hala-o.» Mi Siba mulul masaa aa: «Po Yonatan-ndo pilɛ co vɔ icali, vana bɛvɛiyo o co ni.»

2Samiɛl 9:13

Mí Mefibosɛt kɔ cal Yerusalɛm, kani nda masaa va ɲɛdiaa dioo latulu ni. Vana bɛvɛiyo o va ni, pelun miunndon kpow mún tambu ni.