2Samiɛl 19:20 - BII BILA

²⁰ mó tɛɛlun ndu aa: «Yandi vana bɛndoo, pɔɛɛnun a tɛɛmbuu nuu. Pɔɛɛnun dɛnɛ yáà tosal nɔm paale n va faŋanndo Yerusalɛm-nden-ndo. Bii sɔɛi ken o kɔl te!

2Samiɛl 19:20 Referans Kwoze

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

Osee 5:3

I sina polale Efraim-nden, Israɛlla co a viannan le ya le. Kɛ nduyɛ, niaa cuavaa-imamaa Efraim-nda, la luɛi suundaa, Israɛlla nɔɔlian.

Yeremi 22:23

A connun icali yili o ba nɔmndo coo Liban, má tangul vɛɛnnde nɔmnden o yɔmii sɛɛdrei tullo. Kɛ a ŋɔnganin telen ɲɛ nɛyaa voolunin nɔm-ndo, telen n vanin sangaa maa vanalanɔ co violɔɔ-o.»

1Masaa 12:25

Mí Yeroboam siinguu kobio Sikɛm kobi mayoomoo o tàndà n'pembu Efraim-ndo nin, mó cal lon. O kon kɔɔli, mó can ndon, mó kɔ tangul vɛlɛ kobio Penuɛl.

1Masaa 12:20

Tuma Israɛlla kpow a tuei maa Yeroboam muungu-o, má bɔɔŋian, má viam kilaa ndu kɔɔli le hunɔɔ o cuungian nda kon, má kɔ suili ndu masaa Israɛlla kpow coo. Fɔ polale Yuda len daama le lo yungu David-o kɔɔli ni.

2Samiɛl 19:9

O kon mí masaa can, mó kɔ cal o dio luɛyaa kobio. Má dimul vannda kpow aa: «La tofa vɔ masaa icali o dio kobio se!» Mí vannda kpow hun o ndu lo. Israɛlla ndáà sɔɔndian nin, mí vana-vana kɔannun o ndu lo.

2Samiɛl 16:5

Masaa David tiiyaa Bahurim ciee, mí Simei, po Kera fula o polale Saul-ten nin-ndo cenelan ndu, mó va ndu yeowlan.

O Kandɔɔ 48:20

Paale len, mó dɔaw nda duaa nda ŋiɔn kpow, mó dimi aa: «Fɛɛn-fɛɛn, te Israɛlla a va pɛ duaa dɔvɔɔ, a vanin niaa diolan piɔlɔɔ, mà va dimio aa: ‹Màá Hala siinguu nɔm maa Efraim nda Manase!›» Lende o handu Efraim Manase tase ni.

O Kandɔɔ 48:14

Kɛ mí Israɛl fuɲa ndɔ siɛndi ba kɛndɔɔ, mó handu ndu Efraim o lebol, nduyɛ ndu va cuaambɔɔ ni. Mó siɛndi ba mɛllo, mó handu ndu Manase o lebol. A va Manase va kon kaasonɔɔ-o kpow, mí Yakɔb singafila balan lende.

2Samiɛl 19:21

Kani i sina lekɛ́ndɛi maa i cua hakio a nɔm. Lelan ya yɔŋnun hau vana tasoo fulaa o polale Yosɛf len nin ni, le hunɔɔ nɔm masa nuu bɔŋaa.»