2Samiɛl 18:32 - BII BILA

³² Mí masaa ɲuna Kusiinɔ kon aa: «Poombɔɔ yɛ, Absalɔm pɛɛn, o co pá yoomu?» Mí Kusiinɔɔ muli aa: «Òó masaa, màá ɲɛ yɔŋnun po felengi kon-ndo, Absalɔm pɛɛn, màá ɲɛ vaa lende va yaamɔaa nɔmnda a vanaa can le nɔm vana bɛndoo cɔlɔbaa-a kpow yɔŋnɔnndo!»

2Samiɛl 18:32 Referans Kwoze

Masaa kialaa n'yamaa 5:31

Àá Mɛlɛka, màá yaamɔaa nɔmnda cuu lende muɛɛn! Màá vanaa kaola nɔm-nda diondu mɛɛ ɲɔɔ tenga a paalen kalale ŋama-ŋama len nuaa yɛ.» Mì kɔlɲuloo muungu o lɛŋnden nin háá le vɔsilan belehiɔɔlu!

1Samiɛl 25:26

I laalan maa Mɛlɛka pila kuuna nɔm le koovan solio ni, ndu kuuna nɔm le cɔlɔbaa le nɔm pila ni. Lelan te Mɛlɛka co yoomu, mí nɔm pila bɛɛ va yoomu, yaamɔaa nɔmnda a vanaa yeema dɛnɛ nɔm kɛndɔɔ le-a kpede a siŋnunnin maa Nabal.

Daniɛl 4:19

nɔm pila ni masaa! A siŋnun vana bɛndoo a vana kpaayaa. Tɔ́ɔ́ nɔmndo tiiya háá o halataala, vanabɛnduyɛi nɔmnde tiiya háá nɛɛ lɛŋnden le mɛɛlu-a.

2Samiɛl 18:29

O kon, mí masaa ɲuna aa: «Poombɔɔ yɛ, o co pá yoomu, Absalɔm pɛɛn?» Mi Ahimaas muli aa: «Tuma Yoab va ya vomɔɔ naa buɛi nɔmndo pilɔɔ-o, mí ca ɲɔɔ tosanndo kpokosi-kpokosi, kɛ i bii ɲɛ-ɲɛ bila le.»

2Samiɛl 18:21

O ko mí Yoab dimul Kusiinɔɔ pum aa: «Mɛɛ nɔm kɔ mà kɔ dimul masaa ɲɛ n ce-o.» Mi Kusiinɔ kon baŋ vulan Yoab o labɛngunin, mó kɔa a kiltan.

Condii lisai 109:20

Nuaa Mɛlɛka salanin vanaa co ya sɔɔn hɛɛnduuo coo-a ni, a co sɔɔn nin vɔɔnndon dimio-a pɛɛn.

Daniɛl 4:16

Mí Daniɛl, o nda ke diolan aa Bɛlsasar-o dɔawnun kɔndɔfili o telen pum bɛngu, mí siòònde bii ndu. Kɛ mí masaa dimul ndu aa: «Siòòŋii bii nɔm le vundulen-nden a le kɔlɔ ndɔɔ le, Bɛlsasar.» Mí Bɛlsasar mulul ndu aa: «Àá masaa! Lɔma n sɔl man-ndan maa bɛnda mì maa va le yaamɔaa nɔmnda, mì kɔlɔ ndɔɔ ndóò va le vanaa nɔ nɛyɔn nɔmndo-a.