2Samiɛl 18:28 - BII BILA

²⁸ Tuma Ahimaas tiiya o masaa lo-o, mó dimul masaa yoongoo aa: «Sɔɛi-sɔɛi vɔɔn co lon te!» Mó baŋ vulan masaa o labɛngunin, mó tiiya tendei lɛŋ, mó dimi vɛlɛ aa: «Biiloo co le Mɛlɛka Hala nɔmndo! Kani o mal vanaa cɛn kan le nɔm cɔlɔbaa-a nɔm o ba.»

2Samiɛl 18:28 Referans Kwoze

2Samiɛl 14:4

Mí cua fula kon Tekoa-o kɔa o masaa lo, mó del lɛŋ ndu o labɛngunin, mó dimi aa: «Éé masaa, baŋa ya fɔ́!»

O Kandɔɔ 14:20

Biiloo co le Hala-Hiow-Ɲɔɔn-Kpow-vo-o, o yɔngu nɔm kpaayaa má tiw yaamɔaa nɔmnda ba-o.» O ɲɛm Abram puu yaamɔaa ndɔa kan o ba-on nin, mó cua ipilɛ o tɔ́ oo tɔ́ coo, mó yɔngu Mɛlkisedɛk.

Condii lisai 124:6

Balika Mɛlɛka, ndu Mɛlɛka cɛl kon a sɛɛsiaa naa a n'ciŋ maa visi nda bii-o loo!

Condii lisai 115:1

Éé Mɛlɛka! O co naa le, o co naa le biiloo bɛnda le, kɛ nɔm pilɛ kpé, le kaola nɔmndo a le kɛndɛi nɔmnde.

Condii lisai 31:8

I dɔawnunnin ɲaale mì naŋ kɔl le vanakɛndɛyɛi nɔmnde, kani a ce dɛnɛ palaa nuu, má sina kɔl yulan-yulan co ya nin-ndo.

2Dɛnnda lemasalan 20:26

O paale hiɔɔlundɔlen coo, má cuungian o bóllo Beraka nin, má mel Mɛlɛka balika. Lelan nda ke fonda kon diolan ni aa «Bóllo Beraka», kon co dimio ni aa «Ból balikaa». Diola lan o nɔ vɔ háá paalen nden ni.

2Samiɛl 22:27

Vanndo va pɛ vana diandaa, nɔm bɛɛ cɔm ndu diondɔɔ nɔmndo, kɛ vanndo va pɛ vana muuluanndo, nɔm bɛɛ cɔm ndu maa a caa muulɔnndo.

2Samiɛl 1:2

O paale yàándɔlen, mí langbanɔɔ pum fula o dɔ́ɔ́ngɔ́ Saul-lo nin, mó hun. Volɔɔla sɛɛsiɛilan la va ndu lekɔɔ, loolio va ndu o suiyan o lebol kpow. Ndóò sɔɔnguuo David ikɛi, mó del lɛŋ, mó baŋ vulan.

1Samiɛl 26:8

Mí Abisai dimul David aa: «Hala cii haw yaamɔɔ nɔmndo malɔɔ nɔm o ba. Lelan cɛl mì kɔ baŋ ndu lɛŋ o lepilɔɔ a bál ndɔɔ, o lepilɔɔ kpé, i peinin lediin te few.»

1Samiɛl 24:18

O kon kɔɔli, mó dimul David aa: «A nɔ dí, ya vɔw a nɔm ni. Kani nɔm tosal-la dɛnɛ kɛndɔɔ mí ya i va nɔm dɛnɛ vɔɔndo tosallo.

O Kandɔɔ 24:27

Mó dimi aa: «Biiloo co le Mɛlɛka, Hala Abraham vana ni bɛndoo. Kani o sanga le vana ni bɛndoo Abraham kɛndɛi tosallo a le lou o diomnde ndɔlen coo le. I sina nihau maa o sim ya laci o kela nuu ho nin, mó yaa ya o vanayɛi vana ni bɛndoo lo cɛinin.»

Fulaa 18:10

O kon mí Yetro dimi aa: «Biiloo co le Mɛlɛka soli niaa Faraɔnnɔɔ a Esiptea o ba-o, kani ndu soli yungu ndɔɔ o kpòndò Esiptea bɛngu ni.

1Samiɛl 17:46

Hau, Mɛlɛka co nɔm malɔɔ ya o ba, mì dii nɔm, mì kelu nɔm bollen. Paalen nden hau, mɛɛ mì yɔngu vɛlɛ yovaa co balɔɔ coocoo-a a visia yondoa vanaa cɔvaa Filistia a vílɛ́iya. O kon, mì vannda kpow a sina maa Hala co Israɛl.

1Samiɛl 25:23

Abikail cɔu dɔ́ɔ́ David, mó toal o sofɛlɛ ndɔɔ coo, mó baŋ vulan David laci, mó tundun David o labɛngunin,