2Samiɛl 18:17 - BII BILA

¹⁷ Má cua Absalɔm o vílɛ́iyo, má viaw ndu o soon yingilaa bɛndoo pum nin o bundɔɔ tɛɛn. Má dii powtan kunda bɛndoo ndu coo. Tuma kon Israɛlla kpow a va ɲaanɔnndo, vana-vana va muungoo o ndu lo.

2Samiɛl 18:17 Referans Kwoze

Yosue 8:29

Mó landu masaa Ai o yɔmndo, mí vana vílɛ́i kon lo lon háá icɔllo. Paalen delɔɔ, mó dimi le ndu tuisio. Má kɔ mal ndu o dio kobio ikɛi, má dii powtan kunda bɛndoo ndu coo, powta lan la co vɔ lon háá paalen nden.

Yosue 7:26

Má cuungiaa powtan bémboo Akan coo, powta lan la co vɔ lon háá paalen nden. O kon mí Mɛlɛka ɲuulul kɔl, mó mangala kɔltuw ndɔɔ. Lelan nda ke fonda kon diolan ni aa bóllo Akɔr (kon co dimio ni aa «Ból dɛnɛ palaa»), diola lan o nɔ háá paalen nden ni.

Talelan 10:7

Ɲɔɔ hɛnan vana le loonɔnndo a vana dɛnɛ sandaa ni, kɛ vana vɔɔndo ndu, diola ndɔlan la nɛi fula vannda o kɔl te.

2Samiɛl 20:22

Mí cuaa muungu o vanaa tɔ̀a lo, mó kɔ yɔngu nda sila kɔlkalu kon. O kon, má kɔ kialu Seba, po Bikri-o bollen kpali, má vuulu Yoab len o kpakio kɔɔli. O kon kɔɔli, mí Yoab hɔŋ buloo, fɔ́ɔ́fɔ̀, mí vanaa ndɔa cɔwva mal kobio, má muungu o la nda lo. Mí Yoab pila muungu Yerusalɛm masaa David o ibuŋ.

2Samiɛl 20:1

Vana poopoo pum va lon diolan Seba, po Bikri fula o polale Bɛnyamɛn-nden nin-ndo o va ni. Mó hɔŋ buloo, mó yonda aa: «Israɛlla, n nɔ tɔnɔ a David le, n sɔlanin kɛ́ po Yisai-yo ho o ba le. Lelan n faŋan ndu kɔɔli, mì vana-vana muungun o ndu lo.»

2Samiɛl 19:8

Lelan sisa, cɔn mà fula, mà kɔ soo o vanaa nɔmaa baalaa lo. Kani le Mɛlɛka co hoo yoomu-o, taa fula le, vana-vana lonin nɔm kɔɔli cɔɛllɛn te. Kon tosan yɛ pɛ, dɛnɛ palaa toalnin nɔm coo-o hiawnin kalei a dɛnnda palaala kei nɔm coo kabi kandɔɔ o felengiyɛi nɔmnde nin-ndan.»

Yosue 10:27

Paalen delɔɔ, mí Yosue dimi, má tuisi nda o yɔmnde, má kɔ viaw nda o buulula ndáà vennun nin-ndan nin. Má mingi powta bɛndulan handɔɔ o sondoo. Háá paalen nden, powta lan la co vɔ lon.

Tɔŋ miingua 21:20

A tiiya pɛ a ndu, a dimul kaasoŋaa kɔlkalua kan aa: ‹Po naa ho, vana nila kaloo a po simul naa-o o co ni. O yeŋ lani o sila naa le, vana laasianndo a vana kolaa mamɔiyo o co ni.›

Tɔŋ miingua 21:21

O kon, vanpiaandua co o kobi kon nin-nda kpow a vii ndu a powtan háá o vi. Lende niaa solinin dɛnɛ vɔɔndo niaa tɛɛn ni. Israɛlla kpede a tuɛinin sɔɛi ken, mì siòònde bii nda.»

1Samiɛl 4:10

Mí Filistia tiŋ Israɛlla a cɔwvo, má nɔla nda, mí vana-vana ɲaanun o cɛi-kola-toandaa ndɔɔ nin, mí ɲɔɔ yɔŋnun dɛnɛ palaa bɛndoo pila le nda. Vanaa cɔwva vaalan beleyaa a sɔla piɔ́mndo Israɛlla tɛɛn ni.

2Masaa 8:21

Mí Yoram kɔa Sair a ɲɛla ɲaanannda ndɔla soa nan-ndan kpow. Icɔllo, mí masaa can nda vanaa ndɔa ɲaanun ɲɛla ɲaanannda ndɔla soa nan-ndan-nda, má kɔ diw Edɔmaa áà balu nda-a. Kɛ mí vanaa cɔwva Yuda ɲaanun o cɛila-kolala-toandaala ndalan nin.

2Masaa 14:12

Mí Israɛlla nɔla Yudaa, mí vana-vana ɲaanun o ndu lo.

2Samiɛl 19:5

Masaa va hɔlaa kumbaa, mo va caŋndo kpélén aa: «Éé Absalɔm po ni! Éé Absalɔm! Éé po nuu! Éé ponndo!»

2Samiɛl 19:9

O kon mí masaa can, mó kɔ cal o dio luɛyaa kobio. Má dimul vannda kpow aa: «La tofa vɔ masaa icali o dio kobio se!» Mí vannda kpow hun o ndu lo. Israɛlla ndáà sɔɔndian nin, mí vana-vana kɔannun o ndu lo.