2Samiɛl 17:29 - BII BILA

²⁹ lɛan, nɔnɔɔ hilihilio, saa a visin nawvon le dioo. Kani nuaa vanaa ke nda ɲɛm mun-nda nda dimin o kɔl ni: «Vannda ha yɔkpa bɔɔ. A sanga a yiaan a á bolola vesɛilan o lɛŋnde veselɛilen nin.»

2Samiɛl 17:29 Referans Kwoze

2Samiɛl 16:2

Mí masaa ɲuna ndu aa: «Siba, yɛɛ nɛ n yeema yɛ tosaa a ɲɛlan ndan?» Mí Siba mulul ndu aa: «Àá masaa! O sofɛlɛa ha coo yungu nɔmndo helnin ni, buloo hoo a kullon mun, le balo vanaa nɔmaa cɔwva ni, mɔiyan man yɛ, le vanaa sanganin o lɛŋnde veselɛilen nin-nda bololan pɔɔlaa ni.»

Esai 21:14

La kɔ demul vanaa kolɔɔ bii-a, mì la yoo nda mɛnndan. Vanaa co icali o lɛŋnde Tema len nin-nda yoo vanaa co o ɲaanɔnndo nin-nda ɲɛdiaa,

2Samiɛl 16:14

O mɛɛlulan, mí masaa David a vanaa va ndu kɔɔli-a kpow a tiiya o peo Yurdɛn kɔngɔ. Ndáà sanga nin taw, má pɛngi lon le yoomuan sɔlaa.

Rɔmnda 12:13

La sɔɔnguu vanaa laalaŋaa co o balahavɛilan nin-nda ikɛi. La kindin le mialla biyɔɔ a ɲaaloo.

Luke 8:3

Yoana lanɔɔ Kusa, Kusa va vana pilɛ o vanáà nɔ hɔlten o ɲɛm Herɔde-on coo-a tɛɛn, Susane a vanlaandua celen sɛ́lɔ́ɔ́ taw. Vanlaandua haa a va Yeesu nda kaandeŋaa ndɔa malaa a ɲɛm ndan sɔlan ni.

Esai 58:7

La piɔvan ɲɛdiaa niaa vana yiaan ma co nɛiyo-o, mì la luei vanaa bala fondoa nɔ nɛɛ calaa le-a o la niaa lo cɛinin. Te la ce pɛ vanndo a fɛ́lio, la ke ndu ɲɛ cuɛinanndo, la faŋal vanayan niaan hɔlla le.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

2Samiɛl 17:2

Mɛɛ o niinu sangaa nuaa kpɛŋ yɛ, o nɔ lɛhau mayoomu le. I kɔ fula pɛ nda coo fɛlɛmɛndɛn, vanaa co ndu ikɛi-ya co piɔl a kiltan, o kon i koma tisa dɔ́ɔ́ ndu masaa coo, i dii ndu.

1Samiɛl 17:18

Cua vɛlɛ cuɛima nɔnɔan man kpungban tɔ́, ma yoo simlacinɔ cɔw co kunda ndaa bollen-ndo. Mà kɔ tofa te bɛndaa nɔmnda co kɛndɛ. O kon, a bii ɲɔɔ pum nda o ba le tɔɔmaseloo, a hun cɔm ya tɔɔmasele kon.

Talelan 21:26

Niinoo kpɛŋ o co ɲɛm ɲɔɔn hɔlten fulaa. Kɛ vana sandaa ndu, yɔngoo tuŋ o yɔngu ni, o kuunan lecoo le.

Condii lisai 107:5

A va a yiyan, mí kolɔɔ bii nda, mí diallon n va nda vuo.