2Samiɛl 17:14 - BII BILA

¹⁴ Mí Absalɔm nda Israɛlla kpow a dimi aa: «Sila Husai Arkiinɔ-o hiow bɛnda a sila Ahitofɛl-lo!» Kani Mɛlɛka ndóò yeema le tuu Ahitofɛl-lo tɛɛmbuuo haliko mi ndóò tuisi Absalɔm dɛnɛ palaa coo.

2Samiɛl 17:14 Referans Kwoze

2Samiɛl 15:34

Lelan, muungu ciee mà kɔ dimul Absalɔm aa: ‹Masaa, i yeema mì va buɛi nɔmndo. Buɛi fuɲa nɔm-ndo ya va paandu ni. Kɛ nihau, i yeema mi siŋnun buɛi nɔmndo.› A tosa pɛ kon, mɛɛ a mala ya le silala Ahitofɛl-tan laasiaa.

Esai 8:10

La tuu dɛnndan taw le tosaa, kɛ tuula lan la co cuvɔɔ laasian. La dimi sɔɔn, kɛ sɔɔn mun tosannin te. Kani Hala co a naa latulu.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

Talelan 19:21

Tuulan taw la co vanacieo o kɔl ni, kɛ hɛnan Mɛlɛka-o tosan ni.

2Samiɛl 15:31

Mí vannda dimul David aa: «Ahitofɛl co vana pilɛ o vanaa yii dúmbóó nda Absalɔm-aa latulu-a tɛɛn.» O kon mí David piɛi aa: «Éé Mɛlɛka! Tɛɛmbuu silala Ahitofɛl-tan yandi.»

1Korɛntea 3:19

Kani kɔlkalu ceendo ho, diɔmnde o co Hala o hɔl ni, mɛɛ o co sɛvaa yɛ aa: «Mɛlɛka bii vanaa kɔlkalua a kɔlkalu nda vɔɔndo.»

Luke 16:8

Mí vana bɛndoo lisa vana mandaa bolofaa kɔlkalu vɔɔndo ho le taasi o tosa-o. Kani vanaa co o ceendo ho coo-a hiow caa hɛlihɛlinndo nda pila tɛɛn o dɛnndan nin a vanaa co o masale halataa len nin-nda.

Cɛɛŋɔnnda Yeremi lan 3:37

Nɛ̀ɛ́-nɛ̀ dimi yɛ isɔɔ mì i tosan? O co Mɛlɛka le kialu sɔɔn kpow le?

2Samiɛl 16:23

O telen kon yɛ, vannda va silala Ahitofɛl-tan biyɔɔ maa sɔɛi Hala. Hali David nda Absalɔm va silala ndɔlan biyɔɔ.

O Kandɔɔ 32:28

Mí langbanɔ kon ɲuna ndu aa: «Vɛɛ n nɔ yɛ diolan?» Mí Yakɔb mulul ndu aa: «Diola nilan Yakɔb.»

Amɔs 9:3

Taa kɔ vionnun pɛ o pembei Karmɛl tullo, i nuwviaanin nda lon mì biw nda. Taa luusian pɛ ya o hɔl mà vennun o mɛmma ihɛllan nin, i viamnin kɛwvo lon mò kɔ lɔwviaa nda.

Condii lisai 9:16

Vanaa-mangalaa-isɔɔa deli o soon nda pila tow-vo nin, pelun ndan co haw o yala nda pila tondu sɔ́ɔ́-sɔ́ɔ́-o nin.

2Dɛnnda lemasalan 25:20

Kɛ Amasia yeŋ ndu lani le, kani Hala ndóò cii nin kiolɔɔ le nda malɔɔ yaamɔɔa o ba le sooluu o sooluu piɔmaa Edɔmnda-o.

2Dɛnnda lemasalan 25:16

O lo sɔɛi lende, mí Amasia hialu ndu sɔɛi o sondo aa: «Vɛ̀ɛ̀ naa n hɛli nɔm le siŋnɔnndo vana silaa masaa ni? Taa yeema ma sɔla lɔɔ le mɛɛ o mɛɛlu nuaa dɛ!» O kon, mí vana-tɛɛngaa-diom Hala-o mei sɔɛi. Kɛ telen o va faŋanndo-o, mó dimi aa: «I sina nihau maa Hala cii kiolɔɔ le nɔm diyɔɔ, le tùú n tosa dɛnɔɔ ho-o a le kɛɛ n kɛɛ le sila nuu biyɔɔ-o.»

Tɔŋ miingua 2:30

Kɛ mí Sihon, masaa Hɛsbɔn kuuna naa le keiyo o lɛŋnde ndɔlen nin. Kani mí Mɛlɛka Hala niaa kindi ndu nilan haliko mi ndóò del niaa o ba paale len a lɛŋnde ndɔlen kpow.

Fulaa 9:16

Kɛ o mɛi nɔm yoomu le nɔm kpaaya ndɔɔ cɔmndo a le tɔ́ɔ́ ndɔɔ sɛŋio o lɛŋnden coo kpow.

2Dɛnnda lemasalan 10:8

Kɛ mí Roboam kɛɛ sila kaasoŋaa kɔlkalua yɔngu ndu-o, mó kɔ ɲuna langbaa felengia va lambi ndɔɔ ma va ndu ikɛi-ya.

Nehemi 4:15

Vannda táláá pilɔɔ kpow ndáà nɔ báltan o laba kandɔɔ a paale siaalen háá mi loeon fula icɔllo, lende naa n va baalaa ni.

Condii lisai 9:15

O kon, i sangalanin nɔm, mì dimi ɲɛ vem ya nɔm lisaa-o kpow o diola luɛyaala kobio Siɔn sondoo, mì viow kponyoo le ciindiaa n ciindiaa ya-o.

Yosue 11:20

Kani Mɛlɛka pila tosa ni má kindi nilan a Israɛlla, má ciŋilan nda a cɔw lambaa-lambaa. Lelan, Israɛlla tosa iɲíí a nda le, má diw nda kpede maa mɛɛ Mɛlɛka pila ndóò dimul Moise yɛ.

2Dɛnnda lemasalan 10:15

Nuaa masaa kɛɛ ɲɛ vannda ndáà ɲuna ndu-o ni, kani Hala pila cɛl ken kpow ni, haliko mi sɔɛi Mɛlɛka ndóò dimul Ahiya fula Silo le Yeroboam po Nebat-o tɛɛngullo-e ndíì peelun.

SƐBƐ YƆB-O 12:17

Ndu tosà ni mì simlacia lelɛŋnda kela pelun fondo, ndu koni tosà vɛlɛ ni mì kɔlkalu kialaa n'yamaa laasian vanaa kialaa n'yamaa o ba.