2Samiɛl 17:11 - BII BILA

¹¹ Lelan, tuu nuu co hoo ni: cuungiaa vanaa cɔvaa Israɛlla kpow nɛɛ pilɛ mɛɛ sióónndon va o mɛmma ihɛllan kɔngɔ nuaa yɛ, kandɔɔ o tàndá Dan-ndo nin, kɔlan tiiyaa háá Bɛɛr-Seba. Mì nɔm pila bɛɛ kɔɛ le cɔwvo.

2Samiɛl 17:11 Referans Kwoze

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

Condii lisai 9:16

Vanaa-mangalaa-isɔɔa deli o soon nda pila tow-vo nin, pelun ndan co haw o yala nda pila tondu sɔ́ɔ́-sɔ́ɔ́-o nin.

Masaa kialaa n'yamaa 20:1

Mí Israɛlla kpow a cɛlan, mí sɛ́lɔ́ɔ́ fula nɛɛ-nɛɛ ka, kandɔɔ Dan a ba luaŋ-ndo, kɔlan tiiyaa háá Bɛɛr-Seba a ba too, keiyo a tàndá Kalaad-o a ba paalen le can-ndo, má cuungian Mɛlɛka o hɔl Mispa maa vana pilɛ kpé.

Yosue 11:4

Mí masaa kan kpow a can kɔlan a vanaa ndaa cɔwva, a va sɛ́lɛ́, vanáà cii nda cɔm te, vanáà ca nda ko aa sióónndon o mɛmma ihɛllan kɔngɔ ni, a va a soa a ɲɛla ɲaanannda soa nan-ndan sɛ́lɛ́ bɛndoo taw.

1Masaa 20:10

Mí Bɛn-Hadad vim Akab kiilaa o bɛmbɛ yàándɔɔ, mó dimi aa: «I co Samari pesipesi, mì mingi ndu bémbélan, ɲɛ lonin o bémbéla lan nin-ndo penin bɛɛ vanaa kɔanin ya kɔɔli-a baa ca le. Te i tosa kon te, mɛɛ halaa tuisí sanga hiow sangalan kpow-vo ya coo!»

1Masaa 4:20

Vannda Yuda a vannda Israɛl a va sɛ́lɔ́ɔ́ taw maa mɛɛ sióónndon co o mɛmma ihɛllan kɔngɔ nuaa yɛ. A va dioo, a va kolɔɔ, a va ɲaaloo dɔwnɔnndo taw.

2Samiɛl 24:2

Mí masaa dimul Yoab, ó va simlacinɔ vanaa cɔwva mó va ndu ikɛi-yo aa: «Balu o lɛŋnde Israɛl-ten kpow nin, kandɔɔ Dan kɔlan tiiya háá Bɛɛr-Seba, mì la cɔm vannda, mì la sɛva nda diolan kpow. Kani i yeema mì sina mɛɛ vannda co sɛ́lɛ́ yɛ.»

2Samiɛl 12:28

Lelan, cuungiaa vanaa cɔvaa tɔ̀a nɛɛ pilɛ, mà hun balu kobi kalaa, mì nɔm pila bii ndu. Kani i yeema mi bii ndu le, yɔŋii diola nilan la lo vannda o lasondo.»

O Kandɔɔ 13:16

I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

O Kandɔɔ 21:14

Diimandɔɔ idiiyo púŋ, mí Abraham pena buloo cua, mó vow mɛnndan o bɔlɔ yáw cuinndo nin. Mó handu Akar ɲɛm mun o congú, mó yɔngu ndu vɛlɛ Ismaɛl po ndɔ, mó soli ndu cɛinin. Mí Akar kɔannun, mó kɔ luusian o lɛŋnde veselɛilen Bɛɛr-Seba nin.

1Samiɛl 3:20

Kon tosa ni mí Israɛlla kpow, kandɔɔ Dan kɔlan tiiyaa háá Bɛɛr-Seba, a sina lekɛ́ndɛi maa vana-tɛɛngaa-diom Hala-o Mɛlɛka siinguu Samiɛl ni.

1Samiɛl 13:5

Mí Filistia bɛɛ cuungian le Israɛlla cɔlɔbaa. Ndáà nɔ ɲɛla ɲaanannda soa nan-ndan vaalan beleyaa, vanaa ɲaanun o soa coo-a vàálan tan ŋɔmpum a vanaa cɔwva sɛ́lɛ́ bɛndoo mɛɛ sióónndon và o mɛmma ihɛllan kɔngɔ nuaa yɛ. Má hun kila dɔ́ɔ́ngɔ́ ndaa Mikmas, Bɛt-Avɛn, a ba paalen le can-ndo.

2Samiɛl 3:10

Kani mí ndu Mɛlɛka mɛnan le yungu Saul-lo masalen poondaa o ba, le David siinguuo masaa Israɛlla a Yudaa coo, kandɔɔ Dan kɔlan tiiyaa háá Bɛɛr-Seba.»